मुंबई: भारतीय जनता पक्ष-शिवसेना व मित्रपक्षांच्या महायुतीतील प्रत्येक पक्ष नेमका किती जागा लढणार, हा फॉर्म्युला अखेर जाहीर झाला आहे. त्यानुसार, भाजप १६४ व शिवसेना १२४ जागांवर निवडणूक लढणार आहे. मित्रपक्षांना द्यावयाच्या १८ जागा भाजप स्वत:च्या कोट्यातून देणार आहे.
वाचा: विधानसभा निवडणुकीच्या सर्व बातम्या, व्हिडिओ एकाच क्लिकवर
गेल्या अनेक दिवसांपासून युतीचं घोंगडं भिजत पडलं होतं. दोन्ही पक्षातील नेत्यांकडून संदिग्ध वक्तव्यं केली जात असल्यानं युती होणार की नाही, याबाबतही अनिश्चितता होती. उमेदवारी अर्ज भरण्यास सुरुवात झाली तरी युतीचा निर्णय होत नव्हता. त्यामुळं पक्षातील विद्यमान आमदार, इच्छुक उमेदवार व कार्यकर्त्यांमध्ये संभ्रमाचे वातावरण होते. अखेर सोमवारी रात्री भाजपचे प्रदेशाध्यक्ष चंद्रकांत पाटील व शिवसेना नेते सुभाष देसाई यांच्या स्वाक्षरीसह महायुती झाल्याचं पत्रक दोन्ही पक्षांच्या वतीनं प्रसिद्ध करण्यात आलं.
वाचा: भाजपचे १२५ उमेदवार जाहीर; तावडे, खडसेंना डावलले!
महायुतीवर शिक्कामोर्तब झालं खरं, पण जागावाटपाचा फॉर्म्युला गुलदस्त्यातच ठेवण्यात आला होता. त्यामुळं पुन्हा एकदा संभ्रम वाढला. अखेर आज तोही जाहीर झाला. मागील वेळेस १५१ जागांवर अडून बसलेल्या व अखेर स्वबळावर लढलेल्या शिवसेनेनं बदलत्या राजकीय परिस्थितीत युतीमध्ये छोट्या भावाची भूमिका मान्य केली आहे. नव्या जागावाटपात काही जागांची अदलाबदल करण्यात आली आहे. त्यात मुंबईतील वडाळा, गोरेगाव, मुंबादेवी, ठाणे व अन्य काही जागांचा समावेश आहे.
वाचा: पुण्यात भाजप-शिवसेनेकडून रिपाइंलाही ठेंगा
असा आहे निवडणूक कार्यक्रम
२७ सप्टेंबर : निवडणुकीची अधिसूचना जारी होणार
४ ऑक्टोबर : उमेदवारी अर्जासाठी मुदत
५ ऑक्टोबर : उमेदवारी अर्जांची छाननी
७ ऑक्टोबर : अर्ज मागे घेण्याची मुदत
२१ ऑक्टोबर : मतदान
२४ ऑक्टोबर : मतमोजणी
महाराष्ट्र विधानसभेच्या एकूण २८८ जागांसाठी मतदान होणार असून त्यासाठी ८ कोटी ९५ लाख ६२ हजार ७०६ मतदारांची नोंदणी झाली आहे. महाराष्ट्रात एकूण ९५,४७३ मतदान केंद्रं असून १.८ लाख ईव्हीएमचा मतदानासाठी वापर होणार आहे.
वाचा: विधानसभा निवडणुकीच्या सर्व बातम्या, व्हिडिओ एकाच क्लिकवर
गेल्या अनेक दिवसांपासून युतीचं घोंगडं भिजत पडलं होतं. दोन्ही पक्षातील नेत्यांकडून संदिग्ध वक्तव्यं केली जात असल्यानं युती होणार की नाही, याबाबतही अनिश्चितता होती. उमेदवारी अर्ज भरण्यास सुरुवात झाली तरी युतीचा निर्णय होत नव्हता. त्यामुळं पक्षातील विद्यमान आमदार, इच्छुक उमेदवार व कार्यकर्त्यांमध्ये संभ्रमाचे वातावरण होते. अखेर सोमवारी रात्री भाजपचे प्रदेशाध्यक्ष चंद्रकांत पाटील व शिवसेना नेते सुभाष देसाई यांच्या स्वाक्षरीसह महायुती झाल्याचं पत्रक दोन्ही पक्षांच्या वतीनं प्रसिद्ध करण्यात आलं.
वाचा: भाजपचे १२५ उमेदवार जाहीर; तावडे, खडसेंना डावलले!
महायुतीवर शिक्कामोर्तब झालं खरं, पण जागावाटपाचा फॉर्म्युला गुलदस्त्यातच ठेवण्यात आला होता. त्यामुळं पुन्हा एकदा संभ्रम वाढला. अखेर आज तोही जाहीर झाला. मागील वेळेस १५१ जागांवर अडून बसलेल्या व अखेर स्वबळावर लढलेल्या शिवसेनेनं बदलत्या राजकीय परिस्थितीत युतीमध्ये छोट्या भावाची भूमिका मान्य केली आहे. नव्या जागावाटपात काही जागांची अदलाबदल करण्यात आली आहे. त्यात मुंबईतील वडाळा, गोरेगाव, मुंबादेवी, ठाणे व अन्य काही जागांचा समावेश आहे.
वाचा: पुण्यात भाजप-शिवसेनेकडून रिपाइंलाही ठेंगा
असा आहे निवडणूक कार्यक्रम
२७ सप्टेंबर : निवडणुकीची अधिसूचना जारी होणार
४ ऑक्टोबर : उमेदवारी अर्जासाठी मुदत
५ ऑक्टोबर : उमेदवारी अर्जांची छाननी
७ ऑक्टोबर : अर्ज मागे घेण्याची मुदत
२१ ऑक्टोबर : मतदान
२४ ऑक्टोबर : मतमोजणी
महाराष्ट्र विधानसभेच्या एकूण २८८ जागांसाठी मतदान होणार असून त्यासाठी ८ कोटी ९५ लाख ६२ हजार ७०६ मतदारांची नोंदणी झाली आहे. महाराष्ट्रात एकूण ९५,४७३ मतदान केंद्रं असून १.८ लाख ईव्हीएमचा मतदानासाठी वापर होणार आहे.