मुंबई
उद्या (रविवार)अनंत चतुर्दशीदिनी १० दिवसांच्या बाप्पाला निरोप देण्यासाठी अवघी मुंबापुरी सज्ज झाली असून मुंबई महापालिकेनेही विसर्जनाची जय्यत तयारी केली आहे. गणेशभक्तांना कोणताही त्रास होऊ नये आणि विसर्जन शांततेत पार पडावे यासाठी मुंबई महानगर पालिका, तसेच मुंबई पोलिसांकडून चोख व्यवस्था करण्यात आली आहे.
अनंत चतुर्दशीदिनी सार्वजनिक गणेश मंडळांच्या मोठ्या गणेशमूर्तींचे विसर्जन केले जात असल्याने महाकाय सुंदर मूर्तींच्या मनोहारी मिरवणुका पाहण्यासाठी मुंबईकरांची मोठी गर्दी उसळते. या गर्दीचे योग्य पद्धतीने नियोजन व्हावे आणि कोणताही अनुचित प्रकार घडू नये यासाठी मुंबई महापालिकेसह मुंबई पोलिसांनीही तयारी केली आहे.
१२१ विसर्जन ठिकाणी चोख पोलीस बंदोबस्त
मुंबईतील १२१ प्रमुख विसर्जन स्थळी १० दिवसांच्या मोठ्या गणेशमूर्तींचे विसर्जन होत आहे. हे विसर्जन विनाअडथळे पार पाडावे यासाठी विसर्जन ठिकाणी पार्किंगवर बंदी घालण्यात आली आहे. शिवाय मिरवणुकांना कोणतेही अडथळे निर्माण होऊ नयेत यासाठी एकूण ५३ मार्ग वाहतुकीसाठी बंद ठेवण्यात येत आहेत, तर शहरातील ५४ मार्ग वन-वे केले जाणार आहेत.
मुंबईतील सार्वजनिक मंडळांच्या सर्व मिरवणुका शांततेत पार पडाव्यात यासाठी ४० हजाराहून अधिक पोलीस तैनात करण्यात येत आहेत. इतकेच नाही, तर विसर्जन स्थळांवर बारिक नजर ठेवण्यासाठी विसर्जन स्थळी ५ हजार सीसीटीव्ही कॅमेरेही बसवण्यात आले आहेत. याबरोबरच कायदा आणि सुव्यवस्थेसाठी एसआरपीएफ, रॅपिड अॅक्शन फोर्स आणि ८ हजाराहून अधिक स्वयंसेवी संस्थांचे प्रतिनिधी मुंबईतील ठिकठिकाणच्या विसर्जनस्थळी सज्ज राहणार आहेत.
उद्या (रविवार)अनंत चतुर्दशीदिनी १० दिवसांच्या बाप्पाला निरोप देण्यासाठी अवघी मुंबापुरी सज्ज झाली असून मुंबई महापालिकेनेही विसर्जनाची जय्यत तयारी केली आहे. गणेशभक्तांना कोणताही त्रास होऊ नये आणि विसर्जन शांततेत पार पडावे यासाठी मुंबई महानगर पालिका, तसेच मुंबई पोलिसांकडून चोख व्यवस्था करण्यात आली आहे.
अनंत चतुर्दशीदिनी सार्वजनिक गणेश मंडळांच्या मोठ्या गणेशमूर्तींचे विसर्जन केले जात असल्याने महाकाय सुंदर मूर्तींच्या मनोहारी मिरवणुका पाहण्यासाठी मुंबईकरांची मोठी गर्दी उसळते. या गर्दीचे योग्य पद्धतीने नियोजन व्हावे आणि कोणताही अनुचित प्रकार घडू नये यासाठी मुंबई महापालिकेसह मुंबई पोलिसांनीही तयारी केली आहे.
१२१ विसर्जन ठिकाणी चोख पोलीस बंदोबस्त
मुंबईतील १२१ प्रमुख विसर्जन स्थळी १० दिवसांच्या मोठ्या गणेशमूर्तींचे विसर्जन होत आहे. हे विसर्जन विनाअडथळे पार पाडावे यासाठी विसर्जन ठिकाणी पार्किंगवर बंदी घालण्यात आली आहे. शिवाय मिरवणुकांना कोणतेही अडथळे निर्माण होऊ नयेत यासाठी एकूण ५३ मार्ग वाहतुकीसाठी बंद ठेवण्यात येत आहेत, तर शहरातील ५४ मार्ग वन-वे केले जाणार आहेत.
मुंबईतील सार्वजनिक मंडळांच्या सर्व मिरवणुका शांततेत पार पडाव्यात यासाठी ४० हजाराहून अधिक पोलीस तैनात करण्यात येत आहेत. इतकेच नाही, तर विसर्जन स्थळांवर बारिक नजर ठेवण्यासाठी विसर्जन स्थळी ५ हजार सीसीटीव्ही कॅमेरेही बसवण्यात आले आहेत. याबरोबरच कायदा आणि सुव्यवस्थेसाठी एसआरपीएफ, रॅपिड अॅक्शन फोर्स आणि ८ हजाराहून अधिक स्वयंसेवी संस्थांचे प्रतिनिधी मुंबईतील ठिकठिकाणच्या विसर्जनस्थळी सज्ज राहणार आहेत.