मनोज तिवारी यांच्या कारवर हल्ला

मटा ऑनलाइन वृत्त । मुंबई

भाजप नेते आणि अभिनेते मनोज तिवारी यांच्या कारवर आज अज्ञात हल्लेखोरांनी मुंबईत हल्ला केला. हल्लेखोरांनी कारजवळ एक चिठ्ठीही फेकली असून त्यात मुंबईत प्रचार बंद करण्यासाठी धमकी देण्यात आली आहे.

मनोज तिवारी यांनी याबाबत एक ट्विट केलं आहे. आपल्या कारची उजव्या बाजूची काच तोडण्यात आली आहे, असे त्यात त्यांनी म्हटले आहे. 'मनोज तिवारी मुंबई मे प्रचार बंद करो वरना अभी शीशा तोडा है... आगे तुम्हारा मुंह तोडेंगे...you know us' असा मजकूर हल्लेखोरांनी चिठ्ठीत लिहिला आहे.

या घटनेवर तीव्र प्रतिक्रिया देताना अशा भ्याड हल्ल्यांनी मी घाबरून जाणार नाही. विरोधकांना पराभव स्पष्टपणे दिसू लागल्यानेच ते अशी कृत्ये करत आहेत, असा आरोपच तिवारी यांनी केला.


कुछ अज्ञात लोगों ने मुंबई में मेरी गाड़ी का राइट मिरर तोड़ दिया और पर्ची छोड़ी है कि #BMCelections में प्रचार बंद करो वरना मुँह भी तोड़ेंगे pic.twitter.com/8Pgc49Rxpq — Manoj Tiwari (@ManojTiwariMP) February 16, 2017
दरम्यान, मुंबईत उत्तर भारतीय मतदार मोठ्या प्रमाणात असून ही मते आपल्याकडे खेचण्यासाठीच भाजपने खासदार मनोज तिवारी यांना प्रचाराच्या मैदानात उतरवले आहे. आज तिवारी यांच्या मुंबईत सहा सभा होत असतानाच त्यांना लक्ष्य करण्याचा प्रयत्न करण्यात आला आहे.