म. टा. खास प्रतिनिधी, मुंबई
पावसाळ्यात लेप्टोस्पारोसिसची साथ पसरून अनेक जण दगावत असल्याने महापालिकेने उदरांचा नायनाट करण्याचे ठरवले आहे. त्यासाठी ‘उंदीर मारा आणि १८ रुपये कमवा’ हा दर पालिकेने जाहीर केला आहे. या मूषकसंहारासाठी मुंबईतील स्वयंसेवी संस्थांना पालिकेने आवाहन केले आहे. यंदाच्या पावसाळ्यात एका उंदरामागे १० रुपये दर जाहीर करूनही प्रतिसाद न मिळाल्याने आणखी आठ रुपयांची वाढ करून आता तरी संस्था पुढे येतात काय, याची प्रतीक्षा पालिका करीत आहे.
मागील वर्षीच्या पावसात लेप्टोने सात जणांचा मृत्यू झाला होता. त्यामुळे पालिकेच्या आरोग्य विभागाने तबेले-गोठ्यांसाठी नियमावली अधिक कठोर करताना, दुसरीकडे मूषकसंहाराची मोहीम हाती घेतली आहे. शहरासोबत यंदा प्रथमच उपनगरातही रात्रीच्या वेळी उंदीर मारण्यात येणार आहेत. यासाठी स्वच्छ मुंबई प्रबोधन अभियानांतर्गत काम करणाऱ्या संस्थांकडून उंदीर मारण्यासाठी अर्ज मागविण्यात आले असून २० डिसेंबर ही अर्ज करण्याची अंतिम मुदत आहेत.
शहर आणि उपनगरातील दाटीवाटीची लोकवस्ती, तसेच रस्त्यांवरील कचराकुंड्यांमुळे दरवर्षी उंदरांची पैदास वाढते आहे. उंदीर मारण्यासाठी पालिकेकडे सध्या ३० मूषकसंहारक असून, ही संख्या अपुरी आहे. त्यामुळे मुंबईतील सर्व २४ विभागांमध्ये स्वंयसेवी संस्थांना उंदीर मारण्याचे काम देण्यात येणार आहे. यापूर्वी एका उंदरामागे दहा रुपये दर जाहीर करून पालिकेने तीन वेळा संस्थांना अर्ज सादर करण्याचे आवाहन केले होते. मात्र, त्यास अपेक्षित प्रतिसाद मिळाला नाही. त्यामुळे पुन्हा नव्याने आवाहन करण्यात आले आहे.
विभागाची लोकसंख्येची घनता लक्षाता घेऊन एका संस्थेला दररोज १०० ते २०० उंदीर मारण्याचे उद्दिष्ट देण्यात आले आहे. यापूर्वी केलेल्या आवाहनाला सहा संस्थांनी प्रतिसाद दिला आहे, अशी माहिती पालिकेचे कीटकनाशक अधिकारी राजन नारिंग्रेकर यांनी दिली.
मूषकसंहारक होणार कायमस्वरूपी?
पालिकेत अनेक वर्षांपासून ३० मूषकसंहारक असून, ते मानधनावर काम करत आहेत. या मूषकसंहारकांना कायमस्वरुपी पालिकेच्या सेवेत सामावून घेण्याचा प्रस्ताव महापौर स्नेहल आंबेकर यांनी गटनेत्यांच्या बैठकीत मांडला आहे.
पावसाळ्यात लेप्टोस्पारोसिसची साथ पसरून अनेक जण दगावत असल्याने महापालिकेने उदरांचा नायनाट करण्याचे ठरवले आहे. त्यासाठी ‘उंदीर मारा आणि १८ रुपये कमवा’ हा दर पालिकेने जाहीर केला आहे. या मूषकसंहारासाठी मुंबईतील स्वयंसेवी संस्थांना पालिकेने आवाहन केले आहे. यंदाच्या पावसाळ्यात एका उंदरामागे १० रुपये दर जाहीर करूनही प्रतिसाद न मिळाल्याने आणखी आठ रुपयांची वाढ करून आता तरी संस्था पुढे येतात काय, याची प्रतीक्षा पालिका करीत आहे.
मागील वर्षीच्या पावसात लेप्टोने सात जणांचा मृत्यू झाला होता. त्यामुळे पालिकेच्या आरोग्य विभागाने तबेले-गोठ्यांसाठी नियमावली अधिक कठोर करताना, दुसरीकडे मूषकसंहाराची मोहीम हाती घेतली आहे. शहरासोबत यंदा प्रथमच उपनगरातही रात्रीच्या वेळी उंदीर मारण्यात येणार आहेत. यासाठी स्वच्छ मुंबई प्रबोधन अभियानांतर्गत काम करणाऱ्या संस्थांकडून उंदीर मारण्यासाठी अर्ज मागविण्यात आले असून २० डिसेंबर ही अर्ज करण्याची अंतिम मुदत आहेत.
शहर आणि उपनगरातील दाटीवाटीची लोकवस्ती, तसेच रस्त्यांवरील कचराकुंड्यांमुळे दरवर्षी उंदरांची पैदास वाढते आहे. उंदीर मारण्यासाठी पालिकेकडे सध्या ३० मूषकसंहारक असून, ही संख्या अपुरी आहे. त्यामुळे मुंबईतील सर्व २४ विभागांमध्ये स्वंयसेवी संस्थांना उंदीर मारण्याचे काम देण्यात येणार आहे. यापूर्वी एका उंदरामागे दहा रुपये दर जाहीर करून पालिकेने तीन वेळा संस्थांना अर्ज सादर करण्याचे आवाहन केले होते. मात्र, त्यास अपेक्षित प्रतिसाद मिळाला नाही. त्यामुळे पुन्हा नव्याने आवाहन करण्यात आले आहे.
विभागाची लोकसंख्येची घनता लक्षाता घेऊन एका संस्थेला दररोज १०० ते २०० उंदीर मारण्याचे उद्दिष्ट देण्यात आले आहे. यापूर्वी केलेल्या आवाहनाला सहा संस्थांनी प्रतिसाद दिला आहे, अशी माहिती पालिकेचे कीटकनाशक अधिकारी राजन नारिंग्रेकर यांनी दिली.
मूषकसंहारक होणार कायमस्वरूपी?
पालिकेत अनेक वर्षांपासून ३० मूषकसंहारक असून, ते मानधनावर काम करत आहेत. या मूषकसंहारकांना कायमस्वरुपी पालिकेच्या सेवेत सामावून घेण्याचा प्रस्ताव महापौर स्नेहल आंबेकर यांनी गटनेत्यांच्या बैठकीत मांडला आहे.