गोरेगावात ३२५ बोगस पॉलिसी सापडल्या
म. टा. खास प्रतिनिधी, मुंबई
बनावट विमा पॉलिसी तयार करून वाहनचालकांच्या जीवाशी खेळणाऱ्या रॅकेटचा मुंबई गुन्हे शाखेने पर्दाफाश केला. याप्रकरणी गुन्हे शाखेने चौघांना अटक केली असून, त्यांच्याकडून ३२५ बनावट विमा पॉलिसी जप्त करण्यात आल्या. या टोळीने आणखी शेकडो वाहनचालकांना अशा खोट्या विमा पॉलिसी दिल्याची शक्यता असून, वाहनचालकांनी आपल्याकडील पॉलिसी तपासून पाहाव्यात, असे आवाहन पोलिसांनी केले आहे.
रस्ते अपघातात वाहनाचे नुकसान झाल्यास भरपाई मिळावी तसेच जीवितहानी झाल्यास वारसांना आर्थिक मदत मिळावी यासाठी अनेक कंपन्या विमा पॉलिसी देतात. पॉलिसी घेतल्यावर दरवर्षाला हप्ता भरावा लागतो. जवळपास सर्वच वाहनचालक या पॉलिसी घेतात. याचाच गैरफायदा घेत कमी खर्चाचा हप्ता आणि जास्त परतावा देण्याचे आमिष दाखवून काहीजण बनावट पॉलिसी देत असल्याच्या तक्रारी गुन्हे शाखेकडे येत होत्या. सहपोलिस आयुक्त आशुतोष डुंबरे यांनी याप्रकरणी चौकशीच्या सूचना आपल्या पथकांना दिल्या. बनावट पॉलिसी विकणारी एक टोळी पश्चिम द्रूतगती महामार्गावर गोरेगाव येथे कार्यरत असल्याची माहिती गुन्हे शाखेच्या युनिट बाराच्या अधिकाऱ्यांना मिळाली. प्रभारी पोलिस निरीक्षक सुनील जाधव, महेश निवतकर, सचिन गवस यांच्यासह कदम, आव्हाड, सावंत, गीते, पोळ यांच्या पथकाने या ठिकाणी छापा टाकला.
पीयूसी व्हॅनमधून पॉलिसीचे वाटप
पश्चिम द्रूतगती महामार्गावर एका पीयूसी देणाऱ्या व्हॅनमधून बनावट पॉलिसी वितरित केल्या जात होत्या. या व्हॅनमधून पोलिसांनी आठ बनावट पॉलिसी जप्त केल्या. याप्रकरणी पंकज राकेश गिरी, आनंद गजराज गिरी, योगेश अखिलेश मिश्रा आणि सुशील रमाशंकर दुबे या चौघांना अटक केली. या आरोपींच्या मोबाइलमध्ये आणखी ३१७ पॉलिसी सापडल्या.
सॉफ्टवेअरचा वापर करून पॉलिसी
पोलिसांच्या चौकशीमध्ये हे चौघे बनावट पॉलिसी तयार करण्यासाठी डब्ल्यूपीएस हे सॉफ्टवेअर वापरत असल्याचे समोर आले आहे. याच सॉफ्टवेअरचा वापर करून त्यांनी शेकडो वाहनचालकांना अनेक नामांकित विमा कंपन्यांच्या पॉलिसी दिल्या. आरोपीकडून मोबाइलवरील बनावट विमा पॉलिसी, मोबाइल आणि रोख रक्कम जप्त करण्यात आल्याची माहिती पोलिसांनी दिली.
म. टा. खास प्रतिनिधी, मुंबई
बनावट विमा पॉलिसी तयार करून वाहनचालकांच्या जीवाशी खेळणाऱ्या रॅकेटचा मुंबई गुन्हे शाखेने पर्दाफाश केला. याप्रकरणी गुन्हे शाखेने चौघांना अटक केली असून, त्यांच्याकडून ३२५ बनावट विमा पॉलिसी जप्त करण्यात आल्या. या टोळीने आणखी शेकडो वाहनचालकांना अशा खोट्या विमा पॉलिसी दिल्याची शक्यता असून, वाहनचालकांनी आपल्याकडील पॉलिसी तपासून पाहाव्यात, असे आवाहन पोलिसांनी केले आहे.
रस्ते अपघातात वाहनाचे नुकसान झाल्यास भरपाई मिळावी तसेच जीवितहानी झाल्यास वारसांना आर्थिक मदत मिळावी यासाठी अनेक कंपन्या विमा पॉलिसी देतात. पॉलिसी घेतल्यावर दरवर्षाला हप्ता भरावा लागतो. जवळपास सर्वच वाहनचालक या पॉलिसी घेतात. याचाच गैरफायदा घेत कमी खर्चाचा हप्ता आणि जास्त परतावा देण्याचे आमिष दाखवून काहीजण बनावट पॉलिसी देत असल्याच्या तक्रारी गुन्हे शाखेकडे येत होत्या. सहपोलिस आयुक्त आशुतोष डुंबरे यांनी याप्रकरणी चौकशीच्या सूचना आपल्या पथकांना दिल्या. बनावट पॉलिसी विकणारी एक टोळी पश्चिम द्रूतगती महामार्गावर गोरेगाव येथे कार्यरत असल्याची माहिती गुन्हे शाखेच्या युनिट बाराच्या अधिकाऱ्यांना मिळाली. प्रभारी पोलिस निरीक्षक सुनील जाधव, महेश निवतकर, सचिन गवस यांच्यासह कदम, आव्हाड, सावंत, गीते, पोळ यांच्या पथकाने या ठिकाणी छापा टाकला.
पीयूसी व्हॅनमधून पॉलिसीचे वाटप
पश्चिम द्रूतगती महामार्गावर एका पीयूसी देणाऱ्या व्हॅनमधून बनावट पॉलिसी वितरित केल्या जात होत्या. या व्हॅनमधून पोलिसांनी आठ बनावट पॉलिसी जप्त केल्या. याप्रकरणी पंकज राकेश गिरी, आनंद गजराज गिरी, योगेश अखिलेश मिश्रा आणि सुशील रमाशंकर दुबे या चौघांना अटक केली. या आरोपींच्या मोबाइलमध्ये आणखी ३१७ पॉलिसी सापडल्या.
सॉफ्टवेअरचा वापर करून पॉलिसी
पोलिसांच्या चौकशीमध्ये हे चौघे बनावट पॉलिसी तयार करण्यासाठी डब्ल्यूपीएस हे सॉफ्टवेअर वापरत असल्याचे समोर आले आहे. याच सॉफ्टवेअरचा वापर करून त्यांनी शेकडो वाहनचालकांना अनेक नामांकित विमा कंपन्यांच्या पॉलिसी दिल्या. आरोपीकडून मोबाइलवरील बनावट विमा पॉलिसी, मोबाइल आणि रोख रक्कम जप्त करण्यात आल्याची माहिती पोलिसांनी दिली.