ज्येष्ठ अभिनेते धमेंद्र रुग्णालयात

मटा ऑनलाइन वृत्त । मुंबई

हिंदी चित्रपटसृष्टीतील ज्येष्ठ अभिनेते धमेंद्र यांना मुंबईतील नानावटी रुग्णालयात दाखल करण्यात आले आहे. गेल्या काही दिवसांपासून त्यांना अस्वस्थ वाटत होते. सोमवारी जेव्हा धमेंद्र यांना रुग्णालयात दाखल करण्यात आले तेव्हा त्यांना पोटात वेदना होत होत्या. त्यांना गॅस्ट्रो झाल्याचे निदान झाले आहे.

धमेंद्र यांना सोमवारी रुग्णालयात दाखल करण्यात आले. पोटाच्या आजारामुळे त्यांना रुग्णालयात दाखल करण्यात आले. ते उपचारांना योग्य प्रतिसाद देत आहेत. त्यामुळे येत्या काही दिवसात त्यांना डिस्चार्जही देऊ, असे धमेंद्र यांच्यावर उपचार करणारे डॉ.विशेष अग्रवाल यांनी सांगितले. पोटासंबंधिच्या आजारामुळे धमेंद्र यांना याआधी रुग्णालयात दाखल करण्यात आले होते.

काही दिवसांपूर्वीच धमेंद्र यांनी ८१वा वाढदिवस साजरा केला होता. पत्नी हेमा मालिनी आणि मुलगी इशा यांनी त्यांना टि्वटरवरून शुभेच्छा दिल्या होत्या.