म. टा. खास प्रतिनिधी, मुंबई
सार्वजनिक रुग्णालयांमध्ये रुग्णांचा सतत वाढता रेटा असतो, अनेक रुग्ण हे ब्रेनडेड अवस्थेमध्ये असूनही त्यांचे अवयवदान करण्यास नातेवाईक तयार नसतात. त्यामुळे डॉक्टरांच्या प्रयत्नांना यश येत नाही. रविवारी मात्र सर जेजे रुग्णालयामध्ये प्रथमच ब्रेनडेड रुग्णाचे नातेवाईकांच्या संमतीने प्रत्यारोपणासाठी अवयवदान करण्यात आले. राजेश महाजन यांनी आपली पत्नी संगीता हिचे अवयवदान केले. राजेश हे १० वर्षांचे असताना त्यांच्या आईचे निधन झाले होते. त्यांच्या मुलांनाही दहाव्या वर्षी आईचे छत्र गमवावे लागले. मात्र पत्नी गेल्यावरही अवयवदानाच्या रुपाने तिच्या स्मृती कायम राहाव्यात हा विचार करून महाजन यांनी संमती दिली.
जळगाव येथील संगीता महाजन यांना १७ जुलैला मोटरसायकलने धडक दिली होती. डॉक्टरांनी त्यांना ब्रेनडेड घोषित केले होते. अशा नाजूक क्षणी महाजन कुटुंबांला अवयवदानासाठी प्रेरित करणे हे डॉक्टरांपुढील आव्हान होते. जेजे रुग्णालयातील डॉक्टरांच्या चमूने ते आव्हान पेलले. संगीता यांचे यकृत आणि डोळे प्रत्यारोपणासाठी दान करण्यात आले. संगीता यांच्या अवयवदानामुळे रुग्णांचे प्राण वाचवणे शक्य होणार आहे.
सर जेजे रुग्णालयात प्रथमच ब्रेनडेड रुग्णाचे अवयवदान होत असल्याने, रुग्णालयाच्या प्रत्येक विभागातील डॉक्टरांनी शस्त्रक्रियेच्या वेळी मोलाचे योगदान दिले. जनरल सर्जरी विभागाचे प्रमुख डॉ. अजय भंडारवार, डॉ. लीना सेठ, डॉ. व्यंकट गीते, डॉ. प्रिया पाटील यावेळी उपस्थित होते. याशिवाय, सर जेजे रुग्णालयाचे अधीक्षक डॉ. संजय सुरासे, सेंट जॉर्जेस रुग्णालयाचे अधीक्षक डॉ. मधुकर गायकवाड यांनी अवयवदानाची प्रक्रिया सुरळीत पार पाडण्याकरीता मदत केली. अवयवदानासाठी यकृत काढण्याची शस्त्रक्रिया ज्युपिटर रुग्णालयातील प्रत्यारोपण शल्यविशारद डॉ. गौरव चौबळ यांनी केली. येथे अवयदानाची चळवळ वाढावी यासाठी अधिक प्रयत्न करण्यात येतील अशी ग्वाही रुग्णालयाचे अधिष्ठाता डॉ तात्याराव लहाने यांनी व्यक्त केला.
सार्वजनिक रुग्णालयांमध्ये रुग्णांचा सतत वाढता रेटा असतो, अनेक रुग्ण हे ब्रेनडेड अवस्थेमध्ये असूनही त्यांचे अवयवदान करण्यास नातेवाईक तयार नसतात. त्यामुळे डॉक्टरांच्या प्रयत्नांना यश येत नाही. रविवारी मात्र सर जेजे रुग्णालयामध्ये प्रथमच ब्रेनडेड रुग्णाचे नातेवाईकांच्या संमतीने प्रत्यारोपणासाठी अवयवदान करण्यात आले. राजेश महाजन यांनी आपली पत्नी संगीता हिचे अवयवदान केले. राजेश हे १० वर्षांचे असताना त्यांच्या आईचे निधन झाले होते. त्यांच्या मुलांनाही दहाव्या वर्षी आईचे छत्र गमवावे लागले. मात्र पत्नी गेल्यावरही अवयवदानाच्या रुपाने तिच्या स्मृती कायम राहाव्यात हा विचार करून महाजन यांनी संमती दिली.
जळगाव येथील संगीता महाजन यांना १७ जुलैला मोटरसायकलने धडक दिली होती. डॉक्टरांनी त्यांना ब्रेनडेड घोषित केले होते. अशा नाजूक क्षणी महाजन कुटुंबांला अवयवदानासाठी प्रेरित करणे हे डॉक्टरांपुढील आव्हान होते. जेजे रुग्णालयातील डॉक्टरांच्या चमूने ते आव्हान पेलले. संगीता यांचे यकृत आणि डोळे प्रत्यारोपणासाठी दान करण्यात आले. संगीता यांच्या अवयवदानामुळे रुग्णांचे प्राण वाचवणे शक्य होणार आहे.
सर जेजे रुग्णालयात प्रथमच ब्रेनडेड रुग्णाचे अवयवदान होत असल्याने, रुग्णालयाच्या प्रत्येक विभागातील डॉक्टरांनी शस्त्रक्रियेच्या वेळी मोलाचे योगदान दिले. जनरल सर्जरी विभागाचे प्रमुख डॉ. अजय भंडारवार, डॉ. लीना सेठ, डॉ. व्यंकट गीते, डॉ. प्रिया पाटील यावेळी उपस्थित होते. याशिवाय, सर जेजे रुग्णालयाचे अधीक्षक डॉ. संजय सुरासे, सेंट जॉर्जेस रुग्णालयाचे अधीक्षक डॉ. मधुकर गायकवाड यांनी अवयवदानाची प्रक्रिया सुरळीत पार पाडण्याकरीता मदत केली. अवयवदानासाठी यकृत काढण्याची शस्त्रक्रिया ज्युपिटर रुग्णालयातील प्रत्यारोपण शल्यविशारद डॉ. गौरव चौबळ यांनी केली. येथे अवयदानाची चळवळ वाढावी यासाठी अधिक प्रयत्न करण्यात येतील अशी ग्वाही रुग्णालयाचे अधिष्ठाता डॉ तात्याराव लहाने यांनी व्यक्त केला.