म. टा. विशेष प्रतिनिधी, मुंबई
मुंबईतील एका ब्रेनडेड सरकारी कर्मचाऱ्याची किडनी व लिव्हर दान केल्यामुळे तीन जणांना जीवदान मिळाले आहे. त्यात २७ वर्षांच्या एका युवतीचा समावेश आहे.
मुंबईच्या पश्चमि उपनगरातील ४४ वर्षांच्या एका सरकारी कर्मचाऱ्याला मेंदूत अंतर्गत रक्तस्त्राव झाल्याने एका खासगी रुग्णालयात दाखल करण्यात आले. प्रकृती गंभीर असल्याने पुढील उपचारांसाठी त्यांना मुंबई सेंट्रल येथील व्होकार्ट रुग्णालयात दाखल करण्यात आले. डॉक्टरांनी त्यांच्यावर उपचार करण्यासाठी प्रयत्नांची शर्थ केली. पण डॉक्टरांनी त्यांना अखेर ब्रेनडेड घोषित केले.
अयवदानाचा संकल्प
मध्यंतरी राज्य सरकारने अवयवदानासाठी जनजागृती मोहीम आयोजित केली होती त्यावेळी या सरकारी कर्मचाऱ्याने अवयवदाचा संकल्प होता. एखाद्याने अवयवदानाची शपथ घेतली तरी नियमानुसार कुटुंबीयांची परवानगी घ्यावी लागते. या कर्मचाऱ्याला ब्रेनडेड घोषित केल्यावर अवयवदान चळवळीतील कार्यकर्त्यांनी त्यांच्या कुटुंबीयांशी संपर्क साधून अवयवदानाचे महत्त्व पटवून दिले. त्यानंतर कुटुंबीयांनी अवयवदानाला परवानगी दिली.
मुंबई सेंट्रलच्या व्होकार्ट रुग्णालयाला तीन महिन्यांपूर्वीच अवयव प्रत्यारोपणाचा परवाना मिळाला आहे. या रुग्णालयात २७ वर्षांची एक तरुणी किडनीच्या प्रतीक्षेत होती. या ब्रेनडेड रुग्णाच्या किडनीचे गुरुवारी पहाटे या तरुणीवर प्रत्यारोपण करण्यात आल्याची माहिती या रुग्णालयाचे प्रमुख डॉ. पराग रिदानी यांनी दिली. दुसऱ्या किडनीचे ठाण्यातल्या ज्युपिटर रुग्णालयातील गरजू रुग्णावर तर लिव्हरचे ग्लोबल रुग्णालयातील गरजू रुग्णावर प्रत्यारोपण करण्यात आले.
मुंबईतील एका ब्रेनडेड सरकारी कर्मचाऱ्याची किडनी व लिव्हर दान केल्यामुळे तीन जणांना जीवदान मिळाले आहे. त्यात २७ वर्षांच्या एका युवतीचा समावेश आहे.
मुंबईच्या पश्चमि उपनगरातील ४४ वर्षांच्या एका सरकारी कर्मचाऱ्याला मेंदूत अंतर्गत रक्तस्त्राव झाल्याने एका खासगी रुग्णालयात दाखल करण्यात आले. प्रकृती गंभीर असल्याने पुढील उपचारांसाठी त्यांना मुंबई सेंट्रल येथील व्होकार्ट रुग्णालयात दाखल करण्यात आले. डॉक्टरांनी त्यांच्यावर उपचार करण्यासाठी प्रयत्नांची शर्थ केली. पण डॉक्टरांनी त्यांना अखेर ब्रेनडेड घोषित केले.
अयवदानाचा संकल्प
मध्यंतरी राज्य सरकारने अवयवदानासाठी जनजागृती मोहीम आयोजित केली होती त्यावेळी या सरकारी कर्मचाऱ्याने अवयवदाचा संकल्प होता. एखाद्याने अवयवदानाची शपथ घेतली तरी नियमानुसार कुटुंबीयांची परवानगी घ्यावी लागते. या कर्मचाऱ्याला ब्रेनडेड घोषित केल्यावर अवयवदान चळवळीतील कार्यकर्त्यांनी त्यांच्या कुटुंबीयांशी संपर्क साधून अवयवदानाचे महत्त्व पटवून दिले. त्यानंतर कुटुंबीयांनी अवयवदानाला परवानगी दिली.
मुंबई सेंट्रलच्या व्होकार्ट रुग्णालयाला तीन महिन्यांपूर्वीच अवयव प्रत्यारोपणाचा परवाना मिळाला आहे. या रुग्णालयात २७ वर्षांची एक तरुणी किडनीच्या प्रतीक्षेत होती. या ब्रेनडेड रुग्णाच्या किडनीचे गुरुवारी पहाटे या तरुणीवर प्रत्यारोपण करण्यात आल्याची माहिती या रुग्णालयाचे प्रमुख डॉ. पराग रिदानी यांनी दिली. दुसऱ्या किडनीचे ठाण्यातल्या ज्युपिटर रुग्णालयातील गरजू रुग्णावर तर लिव्हरचे ग्लोबल रुग्णालयातील गरजू रुग्णावर प्रत्यारोपण करण्यात आले.