म. टा. प्रतिनिधी, मुंबई
ब्रिटनने युरोपीय समुदायातून बाहेर पडण्याचा निर्णय घेतल्यानंतर (ब्रेग्झिट) जगभरात सोशल मीडियावर प्रतिक्रियांचा, कार्टून्सचा, चित्रांचा, कोपरखळ्यांचा, चिमट्यांचा आणि विनोदांचा अक्षरशः महापूर आला असून त्यात अमेरिकेतील रिपब्लिकन अध्यक्षीय उमेदवार डोनाल्ड ट्रम्प यांच्यापासून असंख्य गुपिते उघड करणाऱ्या एडवर्ड स्नोडेनपर्यंत हजारो सेलिब्रिटी व सामान्य नेटकर उतरले आहेत. ‘ओ, ब्रिटन, आता कोहिनूर तुमच्याकडे राहिला तरी चालेल हं,’ असा टोला कुणी भारतीयाने मारलाे; तर स्नोडेनने म्हटलेय, ‘देशातील तब्बल निम्म्या लोकसंख्येला स्वतःच्याच हिताच्या विरोधात मत नोंदविण्यासाठी तयार करणे, किती सोपे आहे, हे कळले. धडाच आहे हा सर्वांसाठी.’
१५ ऑगस्ट, १९४७च्या वृत्तपत्राचे पहिले पान देऊन एकाने म्हटलेय, ओरिजिनल ब्रेग्जिट, ते हेच.’ ब्रिटनचे बाहेर पडणे न आवडलेल्यांंनी संयम राखून प्रतिक्रिया व्यक्त केल्या आहेत. बाळाला दटावणाऱ्या आईचा फोटो टाकून एकाने म्हटलेय, ‘जॉर्ज, यापुढे तू मला पेरे, म्युलर, मिग्युल यांच्यासोबत खेळताना दिसता कामा नयेस..’ ही नावे अर्थातच फ्रेंच, जर्मन मुलांची असतात. पौंडाच्या घसरत्या किमतीकडे निर्देश करीत काहींंनी ‘विम्बल्डन बक्षिसाची रक्कम काही तासांत १० टक्क्यांनी घटली बरं का,’ अशी आठवण क्रीडाप्रेमींना करून दिली आहे.
ब्रेग्झिटचा खरा जबर फटका स्टर्लिंग पौंडाच्या किमतीला बसल्याची आठवण करून देताना एकाने म्हटले आहे, ‘बघा, जगातले सर्वांत बलाढ्य चलन कसे कोसळते आहे! ३० वर्षांतला नीचांक! जपानने व्यापार थांबवला आणि स्कॉटलंडही स्वातंत्र्यासाठी झगडतोय..’ ‘अरेच्या, मला वाटले होते, मी सोडण्याचा पर्याय दिला असला तरी प्रत्यक्षात तसे होणार नाही.. पण तसे तर झालेय. हे मला नकोय आता...’ असा पश्चात्ताप करणाऱ्या प्रतिक्रियांनीही सोशल मीडिया भरून वाहतो आहे. विमानातून उडी मारणाऱ्या इंग्रजाला ‘अरे, पॅराशूट तर घे..’ असे समजावणाऱ्या वैमानिकाला इंग्रज म्हणतोय, ‘अरे, माझा झेंडा आहे ना सोबत!’ असे चित्रांकन करणारे कार्टून ब्रिटनच्या ‘अतिरेकी राष्ट्रवादा’वर नेमके बोट ठेवते आहे. काहींनी ‘सार्वमताशी शृंगार करण्याची ही नवी रीत साऱ्या जगाला धोक्याच्या खाईत घेऊन जाईल,’ अशी भीतीही व्यक्त केली आहे. ब्रेग्झिट आणि ट्रम्प यांची घोडदौड यांची सांगड घालणाऱ्या असंख्य पोस्ट्स मीडियावर पडत आहेत. या दोन्ही घडामोडी ग्लोबलायझेशन थोपवून सर्वांना संकुचित बनविण्याची सुरुवात तर करत नाहीत ना, अशी शंका या पोस्ट्समधून व्यक्त होत आहे.
ब्रेग्झिटचा जगाला बसलेला हा धक्का सोशल मीडियावर असंख्य प्रतिक्रियांमधून असा वाहतो आहे. या प्रपाताची तीव्रता पाहता तो आणखी काही दिवस रोरावत राहणार, हे नक्की!
ब्रिटनने युरोपीय समुदायातून बाहेर पडण्याचा निर्णय घेतल्यानंतर (ब्रेग्झिट) जगभरात सोशल मीडियावर प्रतिक्रियांचा, कार्टून्सचा, चित्रांचा, कोपरखळ्यांचा, चिमट्यांचा आणि विनोदांचा अक्षरशः महापूर आला असून त्यात अमेरिकेतील रिपब्लिकन अध्यक्षीय उमेदवार डोनाल्ड ट्रम्प यांच्यापासून असंख्य गुपिते उघड करणाऱ्या एडवर्ड स्नोडेनपर्यंत हजारो सेलिब्रिटी व सामान्य नेटकर उतरले आहेत. ‘ओ, ब्रिटन, आता कोहिनूर तुमच्याकडे राहिला तरी चालेल हं,’ असा टोला कुणी भारतीयाने मारलाे; तर स्नोडेनने म्हटलेय, ‘देशातील तब्बल निम्म्या लोकसंख्येला स्वतःच्याच हिताच्या विरोधात मत नोंदविण्यासाठी तयार करणे, किती सोपे आहे, हे कळले. धडाच आहे हा सर्वांसाठी.’
१५ ऑगस्ट, १९४७च्या वृत्तपत्राचे पहिले पान देऊन एकाने म्हटलेय, ओरिजिनल ब्रेग्जिट, ते हेच.’ ब्रिटनचे बाहेर पडणे न आवडलेल्यांंनी संयम राखून प्रतिक्रिया व्यक्त केल्या आहेत. बाळाला दटावणाऱ्या आईचा फोटो टाकून एकाने म्हटलेय, ‘जॉर्ज, यापुढे तू मला पेरे, म्युलर, मिग्युल यांच्यासोबत खेळताना दिसता कामा नयेस..’ ही नावे अर्थातच फ्रेंच, जर्मन मुलांची असतात. पौंडाच्या घसरत्या किमतीकडे निर्देश करीत काहींंनी ‘विम्बल्डन बक्षिसाची रक्कम काही तासांत १० टक्क्यांनी घटली बरं का,’ अशी आठवण क्रीडाप्रेमींना करून दिली आहे.
ब्रेग्झिटचा खरा जबर फटका स्टर्लिंग पौंडाच्या किमतीला बसल्याची आठवण करून देताना एकाने म्हटले आहे, ‘बघा, जगातले सर्वांत बलाढ्य चलन कसे कोसळते आहे! ३० वर्षांतला नीचांक! जपानने व्यापार थांबवला आणि स्कॉटलंडही स्वातंत्र्यासाठी झगडतोय..’ ‘अरेच्या, मला वाटले होते, मी सोडण्याचा पर्याय दिला असला तरी प्रत्यक्षात तसे होणार नाही.. पण तसे तर झालेय. हे मला नकोय आता...’ असा पश्चात्ताप करणाऱ्या प्रतिक्रियांनीही सोशल मीडिया भरून वाहतो आहे. विमानातून उडी मारणाऱ्या इंग्रजाला ‘अरे, पॅराशूट तर घे..’ असे समजावणाऱ्या वैमानिकाला इंग्रज म्हणतोय, ‘अरे, माझा झेंडा आहे ना सोबत!’ असे चित्रांकन करणारे कार्टून ब्रिटनच्या ‘अतिरेकी राष्ट्रवादा’वर नेमके बोट ठेवते आहे. काहींनी ‘सार्वमताशी शृंगार करण्याची ही नवी रीत साऱ्या जगाला धोक्याच्या खाईत घेऊन जाईल,’ अशी भीतीही व्यक्त केली आहे. ब्रेग्झिट आणि ट्रम्प यांची घोडदौड यांची सांगड घालणाऱ्या असंख्य पोस्ट्स मीडियावर पडत आहेत. या दोन्ही घडामोडी ग्लोबलायझेशन थोपवून सर्वांना संकुचित बनविण्याची सुरुवात तर करत नाहीत ना, अशी शंका या पोस्ट्समधून व्यक्त होत आहे.
ब्रेग्झिटचा जगाला बसलेला हा धक्का सोशल मीडियावर असंख्य प्रतिक्रियांमधून असा वाहतो आहे. या प्रपाताची तीव्रता पाहता तो आणखी काही दिवस रोरावत राहणार, हे नक्की!