मुंबई ः बोरिवली येथे अशिलाचे घर रजिस्टर करण्यासाठी चार हजार १०० रुपयांची लाच मागणाऱ्या वरिष्ठ लिपिकासह एकाला लाचलुचपत प्रतिबंधक विभागाच्या (एसीबी) अधिकाऱ्यांनी अटक केली आहे. अनिरुद्ध डोंगरे आणि विशाल शिंदे अशी त्यांची नावे आहेत.
तक्रारदाराने नुकतेच बोरिवलीत घर घेतले होते. या घराच्या नोंदणीसाठी तक्रारदार हे सहदुय्यम निबंधक कार्यालयात गेले होते. त्या ठिकाणी तक्रारदार वरिष्ठ लिपिक डोंगरेला भेटले. त्यावेळी नाव नोंदणी करण्यापूर्वी त्याने शिंदेला भेटण्यास सांगितले. त्यानुसार तक्रारदार शिंदेला भेटले असता, त्याने सरकारी शुल्क ७८९ रुपये आणि तातडीने नोंदणी करण्यासाठी चार हजार १०० रुपये मागितले. मात्र तक्रारदाराची लाच देण्याची इच्छा नसल्यामुळे त्यांनी या दोघांची लाचलुचपत प्रतिबंधक विभागाकडे तक्रार नोंदवली. त्यानुसार अधिकाऱ्यांनी सापळा रचून या दोघांना अटक केली.
तक्रारदाराने नुकतेच बोरिवलीत घर घेतले होते. या घराच्या नोंदणीसाठी तक्रारदार हे सहदुय्यम निबंधक कार्यालयात गेले होते. त्या ठिकाणी तक्रारदार वरिष्ठ लिपिक डोंगरेला भेटले. त्यावेळी नाव नोंदणी करण्यापूर्वी त्याने शिंदेला भेटण्यास सांगितले. त्यानुसार तक्रारदार शिंदेला भेटले असता, त्याने सरकारी शुल्क ७८९ रुपये आणि तातडीने नोंदणी करण्यासाठी चार हजार १०० रुपये मागितले. मात्र तक्रारदाराची लाच देण्याची इच्छा नसल्यामुळे त्यांनी या दोघांची लाचलुचपत प्रतिबंधक विभागाकडे तक्रार नोंदवली. त्यानुसार अधिकाऱ्यांनी सापळा रचून या दोघांना अटक केली.