मुंबई:
मुंबई आणि कोकणातील खारफुटीच्या जंगलांमध्ये होणाऱ्या बेकायदेशीर वृक्षतोडीला चाप बसवण्यासाठी इस्रोची इंडियन इन्स्टिट्यूट ऑफ स्पेस टेक्नॉलॉजी ( आयआयएसटी) ही संस्था एक अॅप तयार करते आहे. या अॅपमुळे खारफुटीच्या जंगलात झालेली छोटीशी हालचालही लगेच अधिकाऱ्यांना कळू शकेल आणि वृक्षतोड करणाऱ्यांना ,चोरट्यांना आळा घालायला मदत होईल.
गेली काही वर्षं नवी मुंबई, वाशी आणि कोकणात अनेक ठिकाणी खारफुटीच्या जंगलात चोरीच्या आणि वृक्षतोडीच्या अनेक घटना घडत आहेत. या घटनांना चाप बसवण्यासाठी आयआयएसटीचे वैज्ञानिक तयारी करत आहेत. खारफुटीच्या जंगलांवर ते उपग्रहाच्या साहाय्याने सतत नजर ठेवून आहेत. या उपग्रहांची चाचणी यशस्वी झाली की एक अॅप तयार करण्यात येणार आहे. हे अॅप काही निवडक अधिकाऱ्यांनाच पाहता येईल. या जंगलांमध्ये थोडीशी हालचाल जरी झाली तरी ती अधिकाऱ्यांना लगेच कळेल. तसंच नागरिकांनी वृक्षतोडीचे पाठवलेले फोटो देखील या अॅपवर लगेच दिसतील. यामुळे वृक्षतोड करणाऱ्याला लगेच अटक करण्यात येईल. सध्या ही प्रक्रिया प्रायोगिक तत्वावर असून २०२१मध्ये हे अॅप लाँच करण्यात येणार आहे.
खारफुटीच्या जंगलांच्या संवर्धनासाठी जेएनपीटी आणि आयआयएसटी संयुक्तपणे काम करत आहेत. या प्रकल्पावर सरकार एकूण ७० लाख रुपये खर्च करत आहे.
मुंबई आणि कोकणातील खारफुटीच्या जंगलांमध्ये होणाऱ्या बेकायदेशीर वृक्षतोडीला चाप बसवण्यासाठी इस्रोची इंडियन इन्स्टिट्यूट ऑफ स्पेस टेक्नॉलॉजी ( आयआयएसटी) ही संस्था एक अॅप तयार करते आहे. या अॅपमुळे खारफुटीच्या जंगलात झालेली छोटीशी हालचालही लगेच अधिकाऱ्यांना कळू शकेल आणि वृक्षतोड करणाऱ्यांना ,चोरट्यांना आळा घालायला मदत होईल.
गेली काही वर्षं नवी मुंबई, वाशी आणि कोकणात अनेक ठिकाणी खारफुटीच्या जंगलात चोरीच्या आणि वृक्षतोडीच्या अनेक घटना घडत आहेत. या घटनांना चाप बसवण्यासाठी आयआयएसटीचे वैज्ञानिक तयारी करत आहेत. खारफुटीच्या जंगलांवर ते उपग्रहाच्या साहाय्याने सतत नजर ठेवून आहेत. या उपग्रहांची चाचणी यशस्वी झाली की एक अॅप तयार करण्यात येणार आहे. हे अॅप काही निवडक अधिकाऱ्यांनाच पाहता येईल. या जंगलांमध्ये थोडीशी हालचाल जरी झाली तरी ती अधिकाऱ्यांना लगेच कळेल. तसंच नागरिकांनी वृक्षतोडीचे पाठवलेले फोटो देखील या अॅपवर लगेच दिसतील. यामुळे वृक्षतोड करणाऱ्याला लगेच अटक करण्यात येईल. सध्या ही प्रक्रिया प्रायोगिक तत्वावर असून २०२१मध्ये हे अॅप लाँच करण्यात येणार आहे.
खारफुटीच्या जंगलांच्या संवर्धनासाठी जेएनपीटी आणि आयआयएसटी संयुक्तपणे काम करत आहेत. या प्रकल्पावर सरकार एकूण ७० लाख रुपये खर्च करत आहे.