इंजिन दुरुस्त, मध्य रेल्वे 'रुळावर'

मुंबई :

मध्य रेल्वेच्या बदलापूर आणि अंबरनाथ स्थानकादरम्यान मालगाडी बंद पडल्याने बदलापूरहून सीएसएमटीकडे येणारी वाहतूक कोलमडली होती. प्रवाशांचे यामुळे खूप हाल झाले. मात्र इंजिनातला हा बिघाड दुरुस्त करण्यात आला आणि हळूहळू या मार्गावरील वाहतूक पूर्वपदावर आली.

बदलापूर आणि अंबरनाथदरम्यान मालगाडीच्या इंजिनात तांत्रिक बिघाड झाला होता. परिणामी बदलापूरहून मुंबईच्या दिशेने येणाऱ्या लोकल सेवेवर परिणाम झाला होता. या इंजिनाच्या दुरुस्तीचे काम करण्यात आले असून आता हळूहळू या मार्गावरील रेल्वे सेवा पूर्वपदावर आली आहे.