म. टा. खास प्रतिनिधी, मुंबई
लोकल प्रवास अधिक सुरक्षित होण्यासाठी लोकल डब्यांमध्ये सीसीटीव्ही कॅमेरे बसवण्याचे काम मध्य रेल्वेतर्फे हाती घेण्यात आले आहे. आतापर्यंत २२ लोकलमध्ये ३५२ सीसीटीव्ही कॅमेरे बसवण्यात आले आहे. सीसीटीव्ही कॅमेरे आणि टॉकबॅक यंत्रणेसाठी १५६ कोटी रुपयांचा खर्च येणार आहे. त्यातील सीसीटीव्ही कॅमेऱ्यांची सुविधा पुरवण्याची जबाबदारी रेल्वेच्याच रेलटेल महामंडळाकडे सोपवण्यात आली आहे.
लोकल प्रवासात चोऱ्यांपासून ते महिला प्रवाशांना त्रासदायक ठरणाऱ्या विनयभंग, छेडछाडीसारख्या घटनांना रोखण्यासाठी सर्वच लोकलमध्ये सीसीटीव्ही कॅमेरे बसवण्याचा निर्णय घेण्यात आला. सुरुवातीला महिलांच्या डब्यात सीसीटीव्ही कॅमेरे आणि टॉकबॅक यंत्रणेला प्राधान्य देण्यात आले. त्यानंतर सर्वच डब्यांमध्ये सीसीटीव्ही कॅमेरे बसवण्याचा निर्णय घेण्यात आला. सद्यस्थितीत मध्य रेल्वेने २२ लोकलमधील महिलांच्या प्रथम आणि दुसऱ्या श्रेणीच्या डब्यात सीसीटीव्ही कॅमेरे बसवले गेले आहेत.
हमसफर मॉडेल राबवणार
मध्य रेल्वेच्या सर्वच डब्यांमध्ये हमसफर एक्स्प्रेसमध्ये जसे अत्याधुनिक सीसीटीव्ही पुरवण्यात आले आहेत, त्याच तऱ्हेचे कॅमेरे असतील, असे ज्येष्ठ अधिकाऱ्यांनी स्पष्ट केले. हमसफर एक्स्प्रेसमध्ये वेगाच्या अनुषंगाने सुस्पष्ट दृश्य टिपणारे कॅमेरे बसवले गेले आहेत. त्याचप्रमाणे लोकलचा वेगही प्रतितास १०० किमी वेगाने असल्याने कॅमेऱ्यांमध्ये त्याप्रमाणे बदल केले जाणार आहेत.
प्रत्येक लोकलसाठी ८८ कॅमेऱ्यांची जोड
प्रत्येक १२ डब्यांच्या लोकलमध्ये ८८ सीसीटीव्ही कॅमेरे पुरवावे लागणार आहेत. यापूर्वीच १२ लोकलमधील महिला डब्यांमध्ये कॅमेरे बसवले गेले आहेत.
लोकल प्रवास अधिक सुरक्षित होण्यासाठी लोकल डब्यांमध्ये सीसीटीव्ही कॅमेरे बसवण्याचे काम मध्य रेल्वेतर्फे हाती घेण्यात आले आहे. आतापर्यंत २२ लोकलमध्ये ३५२ सीसीटीव्ही कॅमेरे बसवण्यात आले आहे. सीसीटीव्ही कॅमेरे आणि टॉकबॅक यंत्रणेसाठी १५६ कोटी रुपयांचा खर्च येणार आहे. त्यातील सीसीटीव्ही कॅमेऱ्यांची सुविधा पुरवण्याची जबाबदारी रेल्वेच्याच रेलटेल महामंडळाकडे सोपवण्यात आली आहे.
लोकल प्रवासात चोऱ्यांपासून ते महिला प्रवाशांना त्रासदायक ठरणाऱ्या विनयभंग, छेडछाडीसारख्या घटनांना रोखण्यासाठी सर्वच लोकलमध्ये सीसीटीव्ही कॅमेरे बसवण्याचा निर्णय घेण्यात आला. सुरुवातीला महिलांच्या डब्यात सीसीटीव्ही कॅमेरे आणि टॉकबॅक यंत्रणेला प्राधान्य देण्यात आले. त्यानंतर सर्वच डब्यांमध्ये सीसीटीव्ही कॅमेरे बसवण्याचा निर्णय घेण्यात आला. सद्यस्थितीत मध्य रेल्वेने २२ लोकलमधील महिलांच्या प्रथम आणि दुसऱ्या श्रेणीच्या डब्यात सीसीटीव्ही कॅमेरे बसवले गेले आहेत.
हमसफर मॉडेल राबवणार
मध्य रेल्वेच्या सर्वच डब्यांमध्ये हमसफर एक्स्प्रेसमध्ये जसे अत्याधुनिक सीसीटीव्ही पुरवण्यात आले आहेत, त्याच तऱ्हेचे कॅमेरे असतील, असे ज्येष्ठ अधिकाऱ्यांनी स्पष्ट केले. हमसफर एक्स्प्रेसमध्ये वेगाच्या अनुषंगाने सुस्पष्ट दृश्य टिपणारे कॅमेरे बसवले गेले आहेत. त्याचप्रमाणे लोकलचा वेगही प्रतितास १०० किमी वेगाने असल्याने कॅमेऱ्यांमध्ये त्याप्रमाणे बदल केले जाणार आहेत.
प्रत्येक लोकलसाठी ८८ कॅमेऱ्यांची जोड
प्रत्येक १२ डब्यांच्या लोकलमध्ये ८८ सीसीटीव्ही कॅमेरे पुरवावे लागणार आहेत. यापूर्वीच १२ लोकलमधील महिला डब्यांमध्ये कॅमेरे बसवले गेले आहेत.