म. टा. खास प्रतिनिधी, मुंबई
शिवसेना खासदार संजय राऊत यांचा पीए बनविण्याचे आमिष दाखवून सूरज पालव या भामट्याने एका खासगी कंपनीत सेल्स एग्झिक्युटिव्ह असलेल्या आशुतोष सोलंकी याला दोन लाखांना फसविले. या प्रकरणी तक्रारीनंतर आग्रीपाडा पोलिस ठाण्यात गुन्हा दाखल करण्यात आला असून पोलिस या भामट्याचा शोध घेत आहेत.
सन २०१३ मध्ये एकाच कंपनीत आशुतोष सोलंकी आणि सूरज पालव काम करत होते. काही दिवसांनी सूरजने नोकरी सोडली. मात्र, नोकरी सोडल्यानंतरही तो आशुतोषच्या संपर्कात होता. सूरजशी आग्रीपाडा येथे भेट झाल्यानंतर त्याने सध्या खासदार संजय राऊत यांचा पीए म्हणून काम करीत असल्याचे सांगितले. खासदार असल्याने त्यांना वारंवार दिल्लीला जावे लागते. त्यामुळे त्यांना आणखी एका पीएची गरज आहे. तू काम करण्यास उत्सुक आहेस का? असे विचारल्यावर आशुतोष त्यासाठी लगेच तयार झाला. पण, नोकरीसाठी दोन लाख खर्च करावे लागतील असे सूरजने त्याला सांगितले. चांगला पगार मिळणार असेल तर दोन लाख खर्च करायला हरकत नाही, असा विचार करून आशुतोषने त्यास होकार दिला.
सूरजने पुन्हा काही दिवसांनी आशुतोषला फोन करून नोकरी पक्की झाल्याचे सांगत, दोन लाख घेऊन ये, नियुक्ती पत्र देतो, असे सांगितले. संशय येऊ नये म्हणून त्याने आशुतोषला शिवसेना भवन येथे बोलाविले. दोन लाख दिल्यानंतर शिवसेना पक्षाच्या लेटरहेडवर असलेले नियुक्ती पत्र त्याने आशुतोषला दिले. नियुक्तीपत्र मिळाल्यामुळे आशुतोष खूष झाला आणि खासदारांच्या कार्यालयातून फोन येण्याची वाट पाहू लागला.
आशुतोषने नियुक्तीपत्र त्याच्या काकांना दाखविले. काकांनी हे पत्र घेऊन शिवसेना भवन गाठले. असे कोणतेच नियुक्तीपत्र शिवसेना भवनमधून दिले जात नसल्याचे तेथील पदाधिकाऱ्यांनी सांगितले. त्याचवेळी आपली फसवणूक झाल्याचे आशुतोष याच्या लक्षात आले. याच दरम्यान शिवाजी पार्क पोलिसांनी सूरज याला अटक केल्याचे आशुतोष याला कळले. त्याने अशाप्रकारे अनेकांना २८ लाखांना फसविले होते. आशुतोषनेही आग्रीपाडा पोलिस ठाण्यात तक्रार केली. मात्र,, शिवाजी पार्क पोलिस ठाण्यातील गुन्ह्यात सूरज जामिनावर असून सध्या तो गायब असल्याचे पोलिसांनी सांगितले.
शिवसेना खासदार संजय राऊत यांचा पीए बनविण्याचे आमिष दाखवून सूरज पालव या भामट्याने एका खासगी कंपनीत सेल्स एग्झिक्युटिव्ह असलेल्या आशुतोष सोलंकी याला दोन लाखांना फसविले. या प्रकरणी तक्रारीनंतर आग्रीपाडा पोलिस ठाण्यात गुन्हा दाखल करण्यात आला असून पोलिस या भामट्याचा शोध घेत आहेत.
सन २०१३ मध्ये एकाच कंपनीत आशुतोष सोलंकी आणि सूरज पालव काम करत होते. काही दिवसांनी सूरजने नोकरी सोडली. मात्र, नोकरी सोडल्यानंतरही तो आशुतोषच्या संपर्कात होता. सूरजशी आग्रीपाडा येथे भेट झाल्यानंतर त्याने सध्या खासदार संजय राऊत यांचा पीए म्हणून काम करीत असल्याचे सांगितले. खासदार असल्याने त्यांना वारंवार दिल्लीला जावे लागते. त्यामुळे त्यांना आणखी एका पीएची गरज आहे. तू काम करण्यास उत्सुक आहेस का? असे विचारल्यावर आशुतोष त्यासाठी लगेच तयार झाला. पण, नोकरीसाठी दोन लाख खर्च करावे लागतील असे सूरजने त्याला सांगितले. चांगला पगार मिळणार असेल तर दोन लाख खर्च करायला हरकत नाही, असा विचार करून आशुतोषने त्यास होकार दिला.
सूरजने पुन्हा काही दिवसांनी आशुतोषला फोन करून नोकरी पक्की झाल्याचे सांगत, दोन लाख घेऊन ये, नियुक्ती पत्र देतो, असे सांगितले. संशय येऊ नये म्हणून त्याने आशुतोषला शिवसेना भवन येथे बोलाविले. दोन लाख दिल्यानंतर शिवसेना पक्षाच्या लेटरहेडवर असलेले नियुक्ती पत्र त्याने आशुतोषला दिले. नियुक्तीपत्र मिळाल्यामुळे आशुतोष खूष झाला आणि खासदारांच्या कार्यालयातून फोन येण्याची वाट पाहू लागला.
आशुतोषने नियुक्तीपत्र त्याच्या काकांना दाखविले. काकांनी हे पत्र घेऊन शिवसेना भवन गाठले. असे कोणतेच नियुक्तीपत्र शिवसेना भवनमधून दिले जात नसल्याचे तेथील पदाधिकाऱ्यांनी सांगितले. त्याचवेळी आपली फसवणूक झाल्याचे आशुतोष याच्या लक्षात आले. याच दरम्यान शिवाजी पार्क पोलिसांनी सूरज याला अटक केल्याचे आशुतोष याला कळले. त्याने अशाप्रकारे अनेकांना २८ लाखांना फसविले होते. आशुतोषनेही आग्रीपाडा पोलिस ठाण्यात तक्रार केली. मात्र,, शिवाजी पार्क पोलिस ठाण्यातील गुन्ह्यात सूरज जामिनावर असून सध्या तो गायब असल्याचे पोलिसांनी सांगितले.