मुंबई:
आर्थिक घोटाळ्यांप्रकरणी दोन वर्षांहून अधिक काळ तुरुंगवास भोगून जामिनावर सुटलेले राष्ट्रवादी काँग्रेसचे नेते छगन भुजबळ सोशल मीडियात सक्रिय झाले आहेत. भुजबळ यांनी स्वत:चं ट्विटर अकाउंट सुरू केलं असून कार्यकर्त्यांना उद्देशून आज पहिलं ट्विट केलं. 'वैद्यकीय उपचार पूर्ण झाल्यानंतर मी तुमच्याशी प्रत्यक्ष बोलेन,' असं त्यांनी ट्विटमध्ये म्हटलं आहे.
नवी दिल्लीतील महाराष्ट्र सदनासह इतर काही घोटाळ्यांप्रकरणी छगन भुजबळ तुरुंगात होते. नुकतीच त्यांची जामिनावर सुटका झाली. तुरुंगात असताना त्यांची प्रकृती बरीच खालावली होती. त्यांच्यावर आजही उपचार सुरू आहेत. डॉक्टरांनी त्यांना पूर्वीसारखी धावपळ न करण्याचा सल्ला दिला आहे. त्यामुळं राजकारणात प्रत्यक्ष सक्रिय होण्यास त्यांना वेळ लागणार आहे. असं असलं तरी सोशल मीडियाच्या माध्यमातून त्यांनी कार्यकर्त्यांशी संवाद सुरू केला आहे.
स्वत:च्या ट्विटर अकाउंटवरून त्यांनी आज पहिलं ट्विट केलं. ट्विटच्या माध्यमातून त्यांनी आपल्याला कठीण काळात साथ देणाऱ्यांचे आभार मानले आहेत. लवकरच प्रत्यक्ष भेटेन, असा शब्दही त्यांनी कार्यकर्त्यांना दिला आहे.
आर्थिक घोटाळ्यांप्रकरणी दोन वर्षांहून अधिक काळ तुरुंगवास भोगून जामिनावर सुटलेले राष्ट्रवादी काँग्रेसचे नेते छगन भुजबळ सोशल मीडियात सक्रिय झाले आहेत. भुजबळ यांनी स्वत:चं ट्विटर अकाउंट सुरू केलं असून कार्यकर्त्यांना उद्देशून आज पहिलं ट्विट केलं. 'वैद्यकीय उपचार पूर्ण झाल्यानंतर मी तुमच्याशी प्रत्यक्ष बोलेन,' असं त्यांनी ट्विटमध्ये म्हटलं आहे.
नवी दिल्लीतील महाराष्ट्र सदनासह इतर काही घोटाळ्यांप्रकरणी छगन भुजबळ तुरुंगात होते. नुकतीच त्यांची जामिनावर सुटका झाली. तुरुंगात असताना त्यांची प्रकृती बरीच खालावली होती. त्यांच्यावर आजही उपचार सुरू आहेत. डॉक्टरांनी त्यांना पूर्वीसारखी धावपळ न करण्याचा सल्ला दिला आहे. त्यामुळं राजकारणात प्रत्यक्ष सक्रिय होण्यास त्यांना वेळ लागणार आहे. असं असलं तरी सोशल मीडियाच्या माध्यमातून त्यांनी कार्यकर्त्यांशी संवाद सुरू केला आहे.
स्वत:च्या ट्विटर अकाउंटवरून त्यांनी आज पहिलं ट्विट केलं. ट्विटच्या माध्यमातून त्यांनी आपल्याला कठीण काळात साथ देणाऱ्यांचे आभार मानले आहेत. लवकरच प्रत्यक्ष भेटेन, असा शब्दही त्यांनी कार्यकर्त्यांना दिला आहे.