म. टा. विशेष प्रतिनिधी, मुंबईः शिवसेनेतील ४० आमदार फोडत एकनाथ शिंदे यांनी शिवसेनेला राज्य पातळीवर धक्का दिल्यानंतर आता शिंदे गटाने शिवसेनेला राष्ट्रीय पातळीवरही अडचणीत आणले आहे. १२ राज्यांतील शिवसेना अध्यक्षांनी एकनाथ शिंदे यांना पाठिंबा जाहीर केल्याने ठाकरे गटास मोठा हादरा बसला आहे. या घडामोडींमुळे शिवसेनेचे निवडणूक चिन्ह धोक्यात येणार असल्याची चर्चा आहे.
एकनाथ शिंदे यांनी शिवसेनेच्या ४० आमदारांना फोडत शिवसेनेला जोरदार धक्का दिला. त्यानंतर शिवसेनेच्या १२ खासदारांनी शिंदेंना पाठिंबा दर्शवला. परंतु आता देशपातळीवरही १२ राज्यांतील प्रमुखांनी एकनाथ शिंदे यांना पाठिंबा दिला आहे. दिल्ली, मध्य प्रदेश, छत्तीसगड, मणिपूर, गोवा, बिहारमध्ये आदी राज्यांचा यात समावेश आहे. देशभरातील शिवसेना नेत्यांची मुंबईत महत्त्वाची बैठक झाली. या बैठकीला विविध राज्यांतील शिवसेनेचे अध्यक्ष, नेते आणि पदाधिकारी उपस्थित होते. त्यांनी या बैठकीत शिंदे गटाला त्यांचा पाठिंबा दर्शवला आहे. त्यामुळे आधीच पक्ष धोक्यात आलेला असताना आता निवडणूक चिन्हदेखील अडचणीत येणार असल्याचे बोलले जात आहे.
एकनाथ शिंदे यांनी शिवसेनेच्या ४० आमदारांना फोडत शिवसेनेला जोरदार धक्का दिला. त्यानंतर शिवसेनेच्या १२ खासदारांनी शिंदेंना पाठिंबा दर्शवला. परंतु आता देशपातळीवरही १२ राज्यांतील प्रमुखांनी एकनाथ शिंदे यांना पाठिंबा दिला आहे. दिल्ली, मध्य प्रदेश, छत्तीसगड, मणिपूर, गोवा, बिहारमध्ये आदी राज्यांचा यात समावेश आहे. देशभरातील शिवसेना नेत्यांची मुंबईत महत्त्वाची बैठक झाली. या बैठकीला विविध राज्यांतील शिवसेनेचे अध्यक्ष, नेते आणि पदाधिकारी उपस्थित होते. त्यांनी या बैठकीत शिंदे गटाला त्यांचा पाठिंबा दर्शवला आहे. त्यामुळे आधीच पक्ष धोक्यात आलेला असताना आता निवडणूक चिन्हदेखील अडचणीत येणार असल्याचे बोलले जात आहे.