citizen mulund
फेरीवाल्यांची गर्दी
मुलुंड - मुलुंड येथील एनकेजीएसबी बँकेजवळ असलेल्या फूटपाथवर फेरीवाल्यांची गर्दी झालेली आहे. त्यामुळे स्थानिक रहिवाशांना त्याचा त्रास होतो. त्यांना फूटपाथऐवजी रस्त्यावरून चालावे लागते. तरी संबंधित प्रशासनाने याची दखल घ्यावी.
- प्रमोद सावंत
citizen govandi
फूटपाथवरील गटार उघडे
गोवंडी- गोवंडी स्टेशन रोड एन्डारोम कंपनीच्या गेटजवळील फूटपाथवरील गटार उघडे आहे. येथे पावसाळ्यात गुडघाभर पाणी साचते. त्यामुळे संभाव्य अपघाताची शक्यता आहे. पालिकेने कृपया त्वरीत लक्ष देऊन गटारावर झाकण बसवावे.
- मल्हारी घाटगे
citizen boravali
अपघाताला आमंत्रण
बोरिवली - बोरिवली पूर्व येथे डिस्कव्हरी बिल्डिंगसमोरील दुभाजक तुटले आहेत. पावसाचे पाणी साचले तर वाहनचालकांना ते दिसणार नाहीत. त्यामुळे एखादा अपघात घडू शकतो. संबधित पालिका अधिकारी व स्थानिक लोकप्रतिनिधींनी त्याचे गांभीर्य लक्षात घेऊन त्वरीत उपाययोजना कराव्यात.
- सचिन पवार
citizen worli
नाला कधी साफ होणार?
वरळी - वरळी येथील नेहरू सायन्स सेंटरलगत असलेल्या नाल्यात मोठ्या प्रमाणात कचरा आणि गाळ असून त्याची दुर्गंधी परिसरातील नागरिकांना रोगराईकडे घेऊन जात आहे. त्यामुळे पालिकेने स्वच्छतेचे भान ठेवावे.
-शिवदास शिरोडकर
citizen goregoan
पाणपोई सुरू करावी
गोरेगाव - गोरेगाव पश्चिम येथील जवाहरनगर रस्ता क्रमांक ८ येथील पाणपोई गेल्या अनेक दिवसांपासून बंद आहे. त्यामुळे अनेकांची गैरसोय होत आहे. तरी संबंधित प्रशासनाने याची दखल घेऊन या पाणपोईची दुरुस्ती करून ती नव्याने सुरू करावी.
-उत्कर्ष बोर्ले
citizen tilak nagar
अपघाताला आमंत्रण
टिळकनगर - चेंबूर टिळकनगर येथील 'लोकमान्य टिळक हायस्कूल' या शाळेच्या मागील प्रवेशद्वाराशेजारीच लहान गटारावरील झाकण गेले काही दिवस उघडे आहे. त्यात पडून शाळेची मुले किंवा पालकांना इजा होण्याची दाट शक्यता आहे. तरी संबंधित प्रशासनाने वेळीच उपाय योजावेत.
- मनोज चव्हाण