मुंबई: सवाई भीमसेन संगीत संमेलन २०१९च्या निमित्ताने मुंबईकर रसिक प्रेक्षकांना शास्त्रीय संगीतावर आधारित चित्रपट महोत्सव अनुभवायला मिळणार आहे. षड्ज हा महोत्सव २२ आणि २३ नोव्हेंबरला गोरेगाव येथील प्रबोधन क्रीडाभवन येथे होणार आहे. हा चित्रपट महोत्सव विनामूल्य असेल.
शुक्रवार, २२ नोव्हेंबरला सकाळी १० वाजता गुलजार दिग्दर्शिक भारतरत्न पंडित भीमसेन जोशी हा चित्रपट दाखवला जाईल, तर शनिवारी २३ नोव्हेंबरला भास्कर रावदिग्दर्शित म्युझिक ऑफ इंडिया 'ड्रम्स', म्युझिक ऑफ इंडिया 'इंस्ट्रुमेंट्स' आणि प्रमोद पातीदिग्दर्शित रवी शंकर चित्रपट दाखवण्यात येतील. सवाई भीमसेन संगीत संमेलन २०१९ या महोत्सवाचे आयोजन यावर्षी आर्य संगीत प्रसारक मंडळ, इंडियन मॅजिक आय प्रा. लिमिटेड आणि प्रबोधन गोरेगाव यांच्या संयुक्त विद्यमाने २२ ते २४ नोव्हेंबरला गोरेगावच्या प्रबोधन क्रीडाभवन येथे आयोजन करण्यात आले आहे. अधिक माहितीसाठी संपर्क : प्रबोधन गोरेगाव - ०२२-२८७९७५८१.