म. टा. प्रतिनिधी, मुंबई
पॉर्न साइट, मोबाइलवर फॉरवर्ड होणाऱ्या अश्लील क्लिपचा बालमनावर किती विपरित परिणाम होत आहे, यावर प्रकाश टाकणारी घटना उघडकीस आली आहे. या क्लिप्स पाहून केवळ औत्सुक्यापोटी शाळकरी विद्यार्थ्यांनी आपल्याच मित्रावर लैंगिक अत्याचार केल्याचा धक्कादायक प्रकार समोर आला आहे. या प्रकरणी वांद्रे पोलिस ठाण्यात दोन शाळकरी मुलांवर अनैसर्गिक अत्याचार केल्याचा गुन्हा नोंदवला आहे.
वांद्रे पश्चिम परिसरातील एका नामांकित शाळेत पीडित मुलगा ७ व्या इयत्तेत शिकतो. अभ्यासात हुशार असलेला हा मुलगा ताकदीने इतरांपेक्षा कमी आहे. त्याच्या याच स्वभावाचा फायदा त्याच्या दोन मित्रांनी घेतला. ऑगस्ट महिन्यात त्याच्या दोन मित्रांनी त्याला बोलण्यात गुंतवून शाळेच्या गच्चीवर नेले. त्या ठिकाणी विद्यार्थी, शिक्षक आणि शाळेतील सुरक्षा रक्षकांची फारशी वर्दळ नसल्याचे पाहून या दोघांनी पीडित मुलावर जबरदस्ती केली. तसेच आरडाओरड केल्यास मारण्याची तसेच याबाबत कुणाला सांगितल्यास शाळेतील मित्रांमध्ये बदनामी करण्याची धमकी दिली. घडलेल्या या प्रकाराने पीडित मुलगा मानसिक तणावाखाली गेला. त्यानंतर दोन्ही अल्पवयीन आरोपी मुले पीडित मुलाला धमकावत त्याच्यावर वेळोवेळी अत्याचार करू लागले. नैराश्यात गेलेला हा मुलगा शाळेत जाण्यास टाळाटाळ करू लागल्याने त्याच्या कुटुंबीयांनी त्याला विश्वासात घेऊन चौकशी केल्यानंतर हा प्रकार पुढे आला. या प्रकरणी पोलिसात तक्रार नोंदवल्यानंतर अत्याचार करणाऱ्या दोन्ही मुलांना पोलिसांनी ताब्यात घेतले. पोलिसांनी केलेल्या चौकशीत त्यांनी पॉर्न साइट, मोबाइलवर फॉरवर्ड होणाऱ्या अश्लील क्लिप पाहून हे कृत्य केल्याची कबुली दिली आहे. या दोघांची रवानगी पोलिसांनी बालसुधारगृहात केल्याची माहिती एका वरिष्ठ अधिकाऱ्याने दिली.
पॉर्न साइट, मोबाइलवर फॉरवर्ड होणाऱ्या अश्लील क्लिपचा बालमनावर किती विपरित परिणाम होत आहे, यावर प्रकाश टाकणारी घटना उघडकीस आली आहे. या क्लिप्स पाहून केवळ औत्सुक्यापोटी शाळकरी विद्यार्थ्यांनी आपल्याच मित्रावर लैंगिक अत्याचार केल्याचा धक्कादायक प्रकार समोर आला आहे. या प्रकरणी वांद्रे पोलिस ठाण्यात दोन शाळकरी मुलांवर अनैसर्गिक अत्याचार केल्याचा गुन्हा नोंदवला आहे.
वांद्रे पश्चिम परिसरातील एका नामांकित शाळेत पीडित मुलगा ७ व्या इयत्तेत शिकतो. अभ्यासात हुशार असलेला हा मुलगा ताकदीने इतरांपेक्षा कमी आहे. त्याच्या याच स्वभावाचा फायदा त्याच्या दोन मित्रांनी घेतला. ऑगस्ट महिन्यात त्याच्या दोन मित्रांनी त्याला बोलण्यात गुंतवून शाळेच्या गच्चीवर नेले. त्या ठिकाणी विद्यार्थी, शिक्षक आणि शाळेतील सुरक्षा रक्षकांची फारशी वर्दळ नसल्याचे पाहून या दोघांनी पीडित मुलावर जबरदस्ती केली. तसेच आरडाओरड केल्यास मारण्याची तसेच याबाबत कुणाला सांगितल्यास शाळेतील मित्रांमध्ये बदनामी करण्याची धमकी दिली. घडलेल्या या प्रकाराने पीडित मुलगा मानसिक तणावाखाली गेला. त्यानंतर दोन्ही अल्पवयीन आरोपी मुले पीडित मुलाला धमकावत त्याच्यावर वेळोवेळी अत्याचार करू लागले. नैराश्यात गेलेला हा मुलगा शाळेत जाण्यास टाळाटाळ करू लागल्याने त्याच्या कुटुंबीयांनी त्याला विश्वासात घेऊन चौकशी केल्यानंतर हा प्रकार पुढे आला. या प्रकरणी पोलिसात तक्रार नोंदवल्यानंतर अत्याचार करणाऱ्या दोन्ही मुलांना पोलिसांनी ताब्यात घेतले. पोलिसांनी केलेल्या चौकशीत त्यांनी पॉर्न साइट, मोबाइलवर फॉरवर्ड होणाऱ्या अश्लील क्लिप पाहून हे कृत्य केल्याची कबुली दिली आहे. या दोघांची रवानगी पोलिसांनी बालसुधारगृहात केल्याची माहिती एका वरिष्ठ अधिकाऱ्याने दिली.