मुंबै बँकेच्या योजनेला वाढता प्रतिसाद
म. टा. विशेष प्रतिनिधी, मुंबई
बिल्डरची मनमानी, वर्षानुवर्षे रखडणारे प्रकल्प, बिल्डरकडून थकवली जाणारी भाडी...पुनर्विकासाची आस लागलेले हजारो मुंबईकर या चक्रात भरडून निघाले आहेत. या चक्रातून त्यांना बाहेर काढतानाच नाडणाऱ्या बिल्डरांनाही चार हात दूर ठेवणाऱ्या मुंबै बँकेच्या स्वयंपुनर्विकास योजनेमुळे असंख्य रहिवाशांना आशेचा किरण दिसू लागला आहे. या योजनेत सहभागी होण्यासाठी जवळपास ५०० पेक्षा जास्त सोसायट्यांनी बँकेशी संपर्क साधला असून प्रक्रिया पूर्ण करणाऱ्या चार सोसायट्यांना ५२ कोटी रुपयांचे कर्जही मंजूर झाले आहे.
उर्वरित नऊ सोसायट्यांना ३६२.४८ कोटी, चार सोसायट्यांना २१६.०८ कोटी, तर आणखी चार सोसायट्यांना १९७.९८ कोटी रुपयांचे कर्ज मंजूर झाले आहे. एकूण मिळून ७७७ कोटी रुपयांचे कर्ज मंजूर झाले आहे. स्वयंपुनर्विकासात सहभागी होणाऱ्या सोसायट्यांसाठी बँकेने एक हजार कोटी रुपयांची तरतूद केली आहे. या योजनेअंतर्गत गोरेगाव पूर्वेकडील अजितकुमार को. ऑप हौ. सोसायटीचे बांधकाम वेगाने सुरू असून रहिवाशांना डिसेंबर २०१८पर्यंत ताबा मिळण्याची अपेक्षा आहे.
स्वयंपुनर्विकासाचा फायदा
इमारतीचे एकूण क्षेत्रफळ, त्यानुसार मिळणारा वाढीव एफएसआय या गणितावर रहिवाशांना वाढीव क्षेत्रफळाची घरे मिळतील. समजा सात मजल्याच्या इमारतीत ४०० चौ.फु.ची घरे असतील व बिल्डर ६०० चौ.फु. वाढीव क्षेत्रफळ देत असेल, तर स्वयंपुनर्विकास योजनेअंतर्गत ८०० चौ. फु.चे घर मिळेल. बिल्डर देऊ करत असलेल्या घरांपेक्षा कितीतरी मोठी घरे शिवाय जास्तीचा कॉर्पस फंड रहिवाशांना मिळेल.
म. टा. विशेष प्रतिनिधी, मुंबई
बिल्डरची मनमानी, वर्षानुवर्षे रखडणारे प्रकल्प, बिल्डरकडून थकवली जाणारी भाडी...पुनर्विकासाची आस लागलेले हजारो मुंबईकर या चक्रात भरडून निघाले आहेत. या चक्रातून त्यांना बाहेर काढतानाच नाडणाऱ्या बिल्डरांनाही चार हात दूर ठेवणाऱ्या मुंबै बँकेच्या स्वयंपुनर्विकास योजनेमुळे असंख्य रहिवाशांना आशेचा किरण दिसू लागला आहे. या योजनेत सहभागी होण्यासाठी जवळपास ५०० पेक्षा जास्त सोसायट्यांनी बँकेशी संपर्क साधला असून प्रक्रिया पूर्ण करणाऱ्या चार सोसायट्यांना ५२ कोटी रुपयांचे कर्जही मंजूर झाले आहे.
उर्वरित नऊ सोसायट्यांना ३६२.४८ कोटी, चार सोसायट्यांना २१६.०८ कोटी, तर आणखी चार सोसायट्यांना १९७.९८ कोटी रुपयांचे कर्ज मंजूर झाले आहे. एकूण मिळून ७७७ कोटी रुपयांचे कर्ज मंजूर झाले आहे. स्वयंपुनर्विकासात सहभागी होणाऱ्या सोसायट्यांसाठी बँकेने एक हजार कोटी रुपयांची तरतूद केली आहे. या योजनेअंतर्गत गोरेगाव पूर्वेकडील अजितकुमार को. ऑप हौ. सोसायटीचे बांधकाम वेगाने सुरू असून रहिवाशांना डिसेंबर २०१८पर्यंत ताबा मिळण्याची अपेक्षा आहे.
स्वयंपुनर्विकासाचा फायदा
इमारतीचे एकूण क्षेत्रफळ, त्यानुसार मिळणारा वाढीव एफएसआय या गणितावर रहिवाशांना वाढीव क्षेत्रफळाची घरे मिळतील. समजा सात मजल्याच्या इमारतीत ४०० चौ.फु.ची घरे असतील व बिल्डर ६०० चौ.फु. वाढीव क्षेत्रफळ देत असेल, तर स्वयंपुनर्विकास योजनेअंतर्गत ८०० चौ. फु.चे घर मिळेल. बिल्डर देऊ करत असलेल्या घरांपेक्षा कितीतरी मोठी घरे शिवाय जास्तीचा कॉर्पस फंड रहिवाशांना मिळेल.