मुंबई: बेहिशेबी मालमत्ता प्रकरणात विधानसभा अध्यक्षांची परवानगी न घेताच दाखल करण्यात आलेल्या गुन्ह्यातून काँग्रेसचे नेते कृपाशंकर सिंह यांची अखेर सुटका झाली आहे. या खटल्यातून एसीबी कोर्टाने दोषमुक्त केल्यानं कृपाशंकर सिंह यांना मोठा दिलासा मिळाला आहे.
२०१२ मध्ये एसीबीने कृपाशंकर सिंह यांच्याविरोधात उत्पन्नापेक्षा अधिक संपत्ती बाळगल्याप्रकरणी गुन्हा दाखल केला होता. या प्रकरणाची सुनावणी करताना न्यायालयाने त्यांना दोषमुक्त केलं. कोणत्याही लोकनेत्याच्या विरोधात खटला चालवण्यासाठी सक्षम प्राधिकरणाची परवानगी आवश्यक असते. मात्र, या प्रकरणात ती घेण्यात आली नसल्याने कृपाशंकर सिंह यांच्याविरोधात खटला चालवताच येणार नसल्याचं त्यांच्या वतीने एसीबी कोर्टात सांगण्यात आलं. त्यामुळे कृपाशंकर यांना त्यांच्या विरोधात एसीबीने दाखल केलेल्या खटल्यातून दिलासा मिळाला आहे.
कृपाशंकर सिंह आमदार असताना एसीबीने त्यांच्या विरोधात गुन्हा दाखल केला होता. त्यांच्या विरोधात गुन्हा दाखल करण्यासाठी विधानसभा अध्यक्षांची परवानगी मागण्यात आली होती. पण विधानसभा अध्यक्षांनी परवानगी नाकारल्यानंतरही त्यांच्या विरोधात गुन्हा दाखल करण्यात आला होता. त्यामुळे न्यायालयाने एसीबीला फटकारत नियमावर बोट ठेवले. कृपाशंकर यांच्याविरोधात २०१५ मध्ये आरोपपत्र दाखल करण्यात आले होते. २०१६ मध्ये त्यांनी हे आरोपपत्र रद्द करण्याची मागणी केली होती, असं सिंह यांच्या वकिलाने सांगितलं. या प्रकरणात कृपाशंकर यांची पत्नी मालतीदेवी सिंह, मुलगा नरेंद्र मोहन सिंह, जावई विजय सिंह आणि सून अंकिता सिंह हे सहआरोपी आहेत.
२०१२ मध्ये एसीबीने कृपाशंकर सिंह यांच्याविरोधात उत्पन्नापेक्षा अधिक संपत्ती बाळगल्याप्रकरणी गुन्हा दाखल केला होता. या प्रकरणाची सुनावणी करताना न्यायालयाने त्यांना दोषमुक्त केलं. कोणत्याही लोकनेत्याच्या विरोधात खटला चालवण्यासाठी सक्षम प्राधिकरणाची परवानगी आवश्यक असते. मात्र, या प्रकरणात ती घेण्यात आली नसल्याने कृपाशंकर सिंह यांच्याविरोधात खटला चालवताच येणार नसल्याचं त्यांच्या वतीने एसीबी कोर्टात सांगण्यात आलं. त्यामुळे कृपाशंकर यांना त्यांच्या विरोधात एसीबीने दाखल केलेल्या खटल्यातून दिलासा मिळाला आहे.
कृपाशंकर सिंह आमदार असताना एसीबीने त्यांच्या विरोधात गुन्हा दाखल केला होता. त्यांच्या विरोधात गुन्हा दाखल करण्यासाठी विधानसभा अध्यक्षांची परवानगी मागण्यात आली होती. पण विधानसभा अध्यक्षांनी परवानगी नाकारल्यानंतरही त्यांच्या विरोधात गुन्हा दाखल करण्यात आला होता. त्यामुळे न्यायालयाने एसीबीला फटकारत नियमावर बोट ठेवले. कृपाशंकर यांच्याविरोधात २०१५ मध्ये आरोपपत्र दाखल करण्यात आले होते. २०१६ मध्ये त्यांनी हे आरोपपत्र रद्द करण्याची मागणी केली होती, असं सिंह यांच्या वकिलाने सांगितलं. या प्रकरणात कृपाशंकर यांची पत्नी मालतीदेवी सिंह, मुलगा नरेंद्र मोहन सिंह, जावई विजय सिंह आणि सून अंकिता सिंह हे सहआरोपी आहेत.