मुंबई :
राज्याचा नवा विरोधी पक्षनेता कोण असणार?, याचा फैसला आता काँग्रेस अध्यक्ष राहुल गांधी यांच्या हाती असणार आहे. काँग्रेस विधीमंडळ पक्षाचा नवा नेता निवडण्याचे सर्वाधिकार राहुल गांधी यांना देण्याचा निर्णय आज एकमताने काँग्रेस आमदारांच्या बैठकीत घेण्यात आला.
राधाकृष्ण विखे-पाटील यांनी विरोधीपक्षनेतेपदाचा राजीनामा दिल्याने हे पद रिक्त झाले असून या पदावर कुणाची वर्णी लागणार, याकडे सर्वांचे लक्ष लागले आहे. राज्यात यंदा विधानसभेच्या निवडणुका होणार असल्याने या पदावर दलित चेहरा आणावा, अशा हालचाली सुरू आहेत. त्यात माजी खासदार एकनाथ गायकवाड यांची कन्या व धारावीच्या आमदार वर्षा गायकवाड यांचे नाव आघाडीवर आहे. विजय वडेट्टीवार यांच्या नावाचीही एका गटाकडून चर्चा आहे. या पार्श्वभूमीवर आज काँग्रेस विधीमंडळ पक्षाची बैठक झाली असता नेते निवडीचा निर्णय पक्षाध्यक्ष राहुल गांधी यांच्यावर सोपवण्यात आला.
नवा विधीमंडळ पक्षनेता ठरवण्याचा सर्वाधिकार राहुल गांधी यांना देण्याचा ठराव आमदार विजय वडेट्टीवार यांनी मांडला. त्याला आमदार नसीम खान आणि यशोमती ठाकूर यांनी अनुमोदन दिले आणि हा ठराव एकमताने मंजूर करण्यात आला.
राज्याचा नवा विरोधी पक्षनेता कोण असणार?, याचा फैसला आता काँग्रेस अध्यक्ष राहुल गांधी यांच्या हाती असणार आहे. काँग्रेस विधीमंडळ पक्षाचा नवा नेता निवडण्याचे सर्वाधिकार राहुल गांधी यांना देण्याचा निर्णय आज एकमताने काँग्रेस आमदारांच्या बैठकीत घेण्यात आला.
राधाकृष्ण विखे-पाटील यांनी विरोधीपक्षनेतेपदाचा राजीनामा दिल्याने हे पद रिक्त झाले असून या पदावर कुणाची वर्णी लागणार, याकडे सर्वांचे लक्ष लागले आहे. राज्यात यंदा विधानसभेच्या निवडणुका होणार असल्याने या पदावर दलित चेहरा आणावा, अशा हालचाली सुरू आहेत. त्यात माजी खासदार एकनाथ गायकवाड यांची कन्या व धारावीच्या आमदार वर्षा गायकवाड यांचे नाव आघाडीवर आहे. विजय वडेट्टीवार यांच्या नावाचीही एका गटाकडून चर्चा आहे. या पार्श्वभूमीवर आज काँग्रेस विधीमंडळ पक्षाची बैठक झाली असता नेते निवडीचा निर्णय पक्षाध्यक्ष राहुल गांधी यांच्यावर सोपवण्यात आला.
नवा विधीमंडळ पक्षनेता ठरवण्याचा सर्वाधिकार राहुल गांधी यांना देण्याचा ठराव आमदार विजय वडेट्टीवार यांनी मांडला. त्याला आमदार नसीम खान आणि यशोमती ठाकूर यांनी अनुमोदन दिले आणि हा ठराव एकमताने मंजूर करण्यात आला.