मुंबई: २६/११ च्या मुंबईवरील हल्ल्यात दहशतवादी अजमल कसाबला जिवंत पकडणारे राष्ट्रपती पदक विजेते पोलीस अधिकारी संजय गोविलकर यांना निलंबित करण्यात आलं आहे. दाऊदचा हस्तक सोहैल भामला याला मुंबई विमानतळावरून जाऊ दिल्याप्रकरणी गोविलकर यांचं निलंबन झालं आहे. दुबईतून मुंबईत दाखल झाल्यानंतर भामलाला विमानतळावर ताब्यात घेण्यात आलं होतं, अशी माहिती वरिष्ठ पोलीस सूत्रांनी 'मिरर'ला दिली. गोविलकर यांच्यासह सहाय्यक पोलीस निरीक्षक जितेंद्र शिंगोटे यांनाही निलंबित करण्यात आलं आहे.
हे दोन्ही पोलीस अधिकारी मुंबई पोलिसांच्या आर्थिक गुन्हे शाखेत कार्यरत होते. शुक्रवारी त्यांना पोलीस आयुक्तांकडून निलंबनाचे आदेश मिळाले. भामला हा मुंबई पोलिसांच्या वॉन्टेड यादीत गेल्या अनेक वर्षांपासून होता. मात्र गेल्या आठवड्यात जुजबी चौकशीनंतर भामलाला विमानतळावरून सोडण्यात आलं.
२००४ मध्ये भामलाला मुंबईत बनावट नोटांप्रकरणी पाच वर्षांच्या तुरुंगवासाची शिक्षा झाली होती. अंतरिम जामीन मिळाल्यानंतर तो बेपत्ता झाल्याने त्याला फरार घोषित करण्यात आले होते. जुहू येथील एका व्यापाऱ्यानेही भामलाविरुद्ध फसवणुकीचा गुन्हा दाखल केला होता. मुंबई पोलिसांनी भामलासाठी लुक आऊट नोटीसही काढली होती.
मुंबईत दाखल होताच विमानतळ प्राधिकरणानं भामलाला ताब्यात घेतलं आणि आर्थिक गुन्हे शाखेला कळवलं. गोविलकर या शाखेचे युनिट ३ चे पोलीस निरीक्षक आहेत. शिंगोटेंनी भामलाला विमानतळाहून आर्थिक गुन्हे शाखेपर्यंत आणले. मात्र प्राथमिक चौकशीनंतर त्याला सोडण्यात आले. नंतर तो पुन्हा देश सोडून फरार झाल्याचे वृत्त आहे. पोलीस आयुक्त संजय बर्वे यांनी या घटनेची गंभीर दखल घेत दोन्ही अधिकाऱ्यांना निलंबित केले.
हे दोन्ही पोलीस अधिकारी मुंबई पोलिसांच्या आर्थिक गुन्हे शाखेत कार्यरत होते. शुक्रवारी त्यांना पोलीस आयुक्तांकडून निलंबनाचे आदेश मिळाले. भामला हा मुंबई पोलिसांच्या वॉन्टेड यादीत गेल्या अनेक वर्षांपासून होता. मात्र गेल्या आठवड्यात जुजबी चौकशीनंतर भामलाला विमानतळावरून सोडण्यात आलं.
२००४ मध्ये भामलाला मुंबईत बनावट नोटांप्रकरणी पाच वर्षांच्या तुरुंगवासाची शिक्षा झाली होती. अंतरिम जामीन मिळाल्यानंतर तो बेपत्ता झाल्याने त्याला फरार घोषित करण्यात आले होते. जुहू येथील एका व्यापाऱ्यानेही भामलाविरुद्ध फसवणुकीचा गुन्हा दाखल केला होता. मुंबई पोलिसांनी भामलासाठी लुक आऊट नोटीसही काढली होती.
मुंबईत दाखल होताच विमानतळ प्राधिकरणानं भामलाला ताब्यात घेतलं आणि आर्थिक गुन्हे शाखेला कळवलं. गोविलकर या शाखेचे युनिट ३ चे पोलीस निरीक्षक आहेत. शिंगोटेंनी भामलाला विमानतळाहून आर्थिक गुन्हे शाखेपर्यंत आणले. मात्र प्राथमिक चौकशीनंतर त्याला सोडण्यात आले. नंतर तो पुन्हा देश सोडून फरार झाल्याचे वृत्त आहे. पोलीस आयुक्त संजय बर्वे यांनी या घटनेची गंभीर दखल घेत दोन्ही अधिकाऱ्यांना निलंबित केले.