मुंबईत २५ करोनाबाधितांचा मृत्यू, ७४८ नवे रुग्ण

मुंबई: मुंबईतील करोनाबाधितांची संख्या दिवसागणिक वाढतच आहे. आज दिवसभरात मुंबईत ७४८ नवीन रुग्णांची नोंद झाली आहे. तर २५ रुग्णांचा मृत्यू झाला आहे. एकूण करोनाबाधितांची संख्या १२ हजारांच्या उंबरठ्यावर पोहोचली आहे.

मुंबईतील करोना विषाणूची साखळी घट्ट आवळली जात आहे. आज दिवसभरात ७४८ नव्या रुग्णांची नोंद झाली आहे. तर २५ बाधितांचा मृत्यू झाला आहे. त्यामुळं एकूण मृत्यूची संख्या ४६२ झाली आहे. आज एकूण १५४ रुग्ण बरे झाले असून, त्यांना घरी सोडण्यात आले आहे. तर बरे झालेल्या रुग्णांची एकूण संख्या २५८९ झाली आहे.

आज झालेल्या २५ मृ्त्यूंपैकी १३ रुग्णांना दीर्घकालीन आजार होते. या मृतांमध्ये १३ पुरूष आणि १२ महिला रुग्ण होत्या. तिघांचे वय ४० वर्षांखालील होते. तर १३ जणांचे वय ६० वर्षांवरील होते. उर्वरित ९ जणांचे वय ४० ते ६० वयोगटातील होते, अशी माहिती महापालिकेनं दिली. ४ ते ६ मे या कालावधीत प्रयोगशाळांमध्ये केलेल्या चाचण्यांमध्ये २०६ जणांचे अहवाल हे पॉझिटिव्ह आले आहेत. त्यामुळं आजच्या अहवालात त्याचा अंतर्भाव केला आहे, अशी माहितीही पालिकेनं दिली.

लष्कर मुंबईत येणार नाही, पण केंद्राकडे अतिरिक्त कुमक मागवली: मुख्यमंत्री

धारावी, दादर, माहिममध्ये रुग्णसंख्या वाढतेय

धारावी, दादर आणि माहिममधील करोनाबाधितांची संख्या वाढतच आहे. धारावीत आज २५ रुग्ण सापडले. माहिममध्ये ११ नवीन रुग्णांची नोंद झाली. तर दादरमध्ये २१ नवे रुग्ण सापडले आहेत. तर एकाचा मृत्यू झाला आहे. धारावीतील एकूण बाधितांची संख्या ८०८ वर पोहोचली असून, आतापर्यंत २६ जणांचा मृत्यू झाला आहे. दादरमधील बाधितांची संख्या ८७, तर माहिममधील रुग्णांची एकूण संख्या १०७ वर पोहोचली आहे. बेस्टच्या आठ कर्मचाऱ्यांनाही करोनाचा संसर्ग झाला. त्यामुळं बेस्टमधील बाधितांचा आकडा ६४ वर पोहोचला आहे. तर चार जणांचा मृ्त्यू झाला आहे.

राज्यात करोनाबाधितांची संख्या १९ हजार ६३ वर; ३४७० रुग्ण बरे होऊन घरी

Live: अफवांना बळी पडू नका; मुख्यमंत्र्यांचं मजुरांना आवाहन