मुंबई: करोना व्हायरसनंतर मास्कचा काळाबाजार व बनावट सॅनिटायझर तयार केलं जात असेल तर, संबंधितांवर तात्काळ कारवाई करण्याचे आदेश पोलिसांना देण्यात आले आहेत, अशी माहिती गृहमंत्री अनिल देशमुख यांनी दिली.

करोनाच्या पार्श्वभूमीवर आरोग्य, अन्न व औषध प्रशासनाकडून आलेल्या सूचनांनुसार गृहविभागातील वरीष्ठ पोलीस अधिकाऱ्यांची बैठक आज झाली.
यामध्ये मास्कचा काळाबाजार असेल किंवा बनावट सॅनिटायझर तयार करणाऱ्यांवर कारवाई करण्याचे आदेश देण्यात आले आहेत; शिवाय ज्या फेक न्यूज आहेत, व्हॉट्सअॅप मेसेजवरून गैरसमज पसरवत आहेत, त्यांच्यावर सायबर गुन्ह्याखाली कारवाई करण्यात येणार आहे, असेही देशमुख यांनी स्पष्ट केले.

करोनावरही मात होणार; भारताला मोठं यश

खबरदारी घ्या! नागपूरमध्ये करोनाचा चौथा रुग्ण
'करोना';पोल्ट्री उद्योगाला २ हजार कोटींचा फटका
तुरुंगात कैद्यांची वैद्यकीय तपासणी

तुरुंगातील कैद्यांची वैद्यकीय तपासणी केल्यानंतर संशयित कुणी सापडलं तर त्यांच्यासाठी अतिदक्षता विभाग स्थापन करून त्यांच्यावर उपचार करण्याच्या सूचना गृह विभागाच्या वतीने पोलिसांना देण्यात आल्या आहेत, अशी माहितीही अनिल देशमुख यांनी दिली.