शिवभोजन थाळी पुढील ३ महिने ५ रुपयांत मिळणार

मुंबई: शिवभोजन योजनेचा तालुका स्तरावर विस्तार करून पुढील तीन महिने ५ रुपये इतक्या दरात शिवभोजन थाळी देण्याचा निर्णय आज, मंगळवारी झालेल्या मंत्रिमंडळ बैठकीत घेण्यात आला. करोनाच्या प्रादुर्भावामुळे मजूर, स्थलांतरित, बेघर तसेच बाहेरगावचे विद्यार्थी व इतर नागरिकांचे जेवणाअभावी हाल होऊ नये, यासाठी हा निर्णय घेण्यात आला.

सध्या जिल्हा स्तरावर ही शिवभोजन केंद्रे चालवली जातात. आता तालुका स्तरावर सुरू होतील. पुढील तीन महिन्यांसाठी शिवभोजनाच्या प्रती थाळीचा दर पाच रुपये इतका करण्यात आला आहे. शिवभोजन थाळीची किंमत शहरी भागात ५० रुपये प्रती थाळी असून, ग्रामीण भागात ३५ रुपये इतकी आहे. प्रत्येक ग्राहकाकडून मिळालेल्या ५ रुपयांव्यतिरिक्त उर्वरित रक्कम शहरी भागात प्रती थाळी ४५ रुपये आणि ग्रामीण भागात प्रती थाळी ३० रुपये असे अनुदान संबंधित केंद्र चालकाला देण्यात येईल, असा निर्णय या बैठकीत घेण्यात आला. ही भोजनालये सकाळी ११ ते दुपारी ३ या वेळेत सुरू राहतील. या शिवभोजन केंद्र चालकांना देखील करोनाच्या पार्श्वभूमीवर स्वच्छता ठेवणे, निर्जंतुकीकरण करून घेणे, कर्मचाऱ्यांनी वारंवार साबणाने हात धुणे तसेच मास्कचा वापर करणे अनिवार्य करण्यात आले आहे.

राज्य चिंताग्रस्त! आणखी १५० करोनाग्रस्त; एकूण १,०१८ रुग्ण

लॉकडाऊनसंबंधी निर्णय स्थिती पाहून: CM

'करोना संशयिताच्या मृतदेहाचे विच्छेदन नको'

केशरी कार्डधारकांना सरकारचा मोठा दिलासा