मुंबई: 'करोना' व्हायरसची साथ आल्यापासून जगभर अफवांचा बाजार उठला आहे. भारतात अफवांना इतका ऊत आला आहे की करोनाच्या साथीचे धागे अगदी सव्वाशे वर्षांपूर्वीच्या प्लेगच्या साथीशी जोडले जात आहेत. प्लेगच्या साथीत मोठ्या प्रमाणावर हिंदू मेले आणि पारशी वाचले असा एक मेसेज व्हायरल होत आहे. त्याची कारणमीमांसाही करण्यात आली आहे. मात्र, हा मेसेज खोडसाळ असल्याचं एका आरोग्यविषयक अहवालातून स्पष्ट झालं आहे.
१८९६ साली आलेल्या प्लेगच्या साथीमुळं मुंबई, पुण्यात लाखो लोकांचा मृत्यू झाला होता. डॉ. वाल्डेमेर हाफकीन यांनी शोधून काढलेल्या लसीमुळं ही साथ कालांतरानं नियंत्रणात आली. मात्र, हिंदू धर्मातील लोकांनी शाकाहारी असल्याचं सांगून ही लस टोचून घेण्यास नकार दिला. याउलट पारशी लोकांनी ही लस टोचून घेतली. त्यामुळं त्यावेळी प्लेगच्या साथीमध्ये मोठ्या प्रमाणावर हिंदू वारले आणि पारशी वाचले, अशा आशयाचा एक संदेश सध्या सगळीकडं फिरत आहे.
सध्या 'करोना'चं वातावरण असल्यामुळं हा संदेश मोठ्या प्रमाणावर वाचलाही जात आहे. मात्र, हा संदेश खोटा असल्याचं स्पष्ट झालं आहे. त्या साथीच्या काळात पारशांना प्लेगची लागण होण्याचे आणि मृत्यूचे प्रमाण बरेच होते. प्लेगच्या साथीमुळं दगावणाऱ्या हिंदूंच्या आणि पारशांच्या टक्केवारीत फारसा फरक नव्हता. प्लेगच्या काळात पारशी समाजातील जन्मदर व मृत्यूदर जवळपास सारखाच होता. 'हिस्ट्री ऑफ प्लेग इन बॉम्बे' नामक अहवालातील आकडेवारीतून हे स्पष्ट होते. ५० हून अधिक नर्स आणि डॉक्टर लंडनवरून खास प्लेग रुग्णांवर उपचार करण्यासाठी आले होते, असंही अहवालात नमूद करण्यात आलं आहे. अहवालात प्लेगची बाधा झालेले, या रोगामुळं दगावलेले व उपचारानंतर बरे झालेले अशा सगळ्यांची आकडेवारीच देण्यात आली आहे. त्यामुळं याबाबत व्हायरल होत असलेला संदेश निराधार असल्याचं स्पष्ट झालं आहे.
हाच तो अहवाल
वाचा: करोनाग्रस्त आरोपी नाहीत, नावं जाहीर करा: मनसे
वाचा: राज्यातील १७ विद्यार्थी फिलिपिन्समध्ये अडकले
१८९६ साली आलेल्या प्लेगच्या साथीमुळं मुंबई, पुण्यात लाखो लोकांचा मृत्यू झाला होता. डॉ. वाल्डेमेर हाफकीन यांनी शोधून काढलेल्या लसीमुळं ही साथ कालांतरानं नियंत्रणात आली. मात्र, हिंदू धर्मातील लोकांनी शाकाहारी असल्याचं सांगून ही लस टोचून घेण्यास नकार दिला. याउलट पारशी लोकांनी ही लस टोचून घेतली. त्यामुळं त्यावेळी प्लेगच्या साथीमध्ये मोठ्या प्रमाणावर हिंदू वारले आणि पारशी वाचले, अशा आशयाचा एक संदेश सध्या सगळीकडं फिरत आहे.
सध्या 'करोना'चं वातावरण असल्यामुळं हा संदेश मोठ्या प्रमाणावर वाचलाही जात आहे. मात्र, हा संदेश खोटा असल्याचं स्पष्ट झालं आहे. त्या साथीच्या काळात पारशांना प्लेगची लागण होण्याचे आणि मृत्यूचे प्रमाण बरेच होते. प्लेगच्या साथीमुळं दगावणाऱ्या हिंदूंच्या आणि पारशांच्या टक्केवारीत फारसा फरक नव्हता. प्लेगच्या काळात पारशी समाजातील जन्मदर व मृत्यूदर जवळपास सारखाच होता. 'हिस्ट्री ऑफ प्लेग इन बॉम्बे' नामक अहवालातील आकडेवारीतून हे स्पष्ट होते. ५० हून अधिक नर्स आणि डॉक्टर लंडनवरून खास प्लेग रुग्णांवर उपचार करण्यासाठी आले होते, असंही अहवालात नमूद करण्यात आलं आहे. अहवालात प्लेगची बाधा झालेले, या रोगामुळं दगावलेले व उपचारानंतर बरे झालेले अशा सगळ्यांची आकडेवारीच देण्यात आली आहे. त्यामुळं याबाबत व्हायरल होत असलेला संदेश निराधार असल्याचं स्पष्ट झालं आहे.
हाच तो अहवाल
वाचा: करोनाग्रस्त आरोपी नाहीत, नावं जाहीर करा: मनसे
वाचा: राज्यातील १७ विद्यार्थी फिलिपिन्समध्ये अडकले