धक्कादायक! मुंबईत करोनाबाधित वृद्धेला रस्त्यावर काढावी लागली रात्र

मुंबई: रुग्णालयात उपचारासाठी गेल्यानंतर खाट उपलब्ध न झाल्यानं एका करोनाबाधित वृद्धेला रस्त्यावरच आख्खी रात्र जागून काढून लागल्याची धक्कादायक घटना मुंबईत उघडकीस आली आहे. ही महिला पवईची असून, तिच्या कुटुंबातील इतर तिघेही करोनाग्रस्त असल्याचे चाचणी अहवालानंतर स्पष्ट झालं आहे.

करोनाबाधित महिला ही पवईची असून, तिचं वय ६३ वर्षे आहे. शनिवारी तिच्यासह कुटुंबातील इतर तिघे जण करोनाबाधित असल्याचं चाचणी अहवालातून स्पष्ट झालं आहे. हे कुटुंब राहत असलेली इमारतही सील करण्यात आली आहे. महापालिकेच्या कर्मचाऱ्यांनी या वृद्ध महिलेला उपचारासाठी राजावाडी रुग्णालयात नेलं. मात्र, तिथं खाटा उपलब्ध नव्हत्या. ही महिला राहत असलेली इमारतही सील करण्यात आली आहे. नाइलाजास्तव या महिलेला इमारतीच्या समोरच्या रस्त्यावर संपूर्ण रात्र जागून काढावी लागली. अखेर रविवारी दुपारी तिला सेव्हन हिल्समध्ये नेण्यात आलं.

करोनाने मृत्यू... मरणानेही छळले!

चिंता वाढली! धारावीत करोनाची सर्वाधिक लागण तरुणांना

‘आर्थिक लूट थांबवण्याची मागणी’