करोना : मुंबई पालिका खरेदी करणार १ लाख रॅपिड टेस्ट किट

मुंबई: मुंबईत लवकरच करोनाची रॅपिड टेस्ट होणार आहे. मुंबई महापालिका तब्बल १ लाख रॅपिड टेस्ट किट खरेदी करणार आहे. दक्षिण कोरियातून या किट मागवण्यात येणार आहेत. या किट आल्यानंतर रॅपिड टेस्टला सुरुवात होणार आहे, अशी माहिती पालिकेच्या एका अधिकाऱ्यानं दिली.

सार्वजनिक ठिकाणी नागरिकांना ट्रिपल लेयर मास्क वापरणं महापालिकेनं बंधनकारक केलं आहे. दरम्यान, कोविड १९ चा फैलाव रोखण्यासाठी ३८१ परिसर कंटेन्मेंट झोन म्हणून घोषित करण्यात आले आहेत, अशी माहितीही महापालिकेच्या अधिकाऱ्यानं दिली.

करोनाचा प्रादुर्भाव वाढला आहे. तो रोखण्यासाठी महापालिकेनं अनेक कठोर उपाय निर्बंध योजले आहेत. धारावीमधील कंटेन्मेंट परिसर आणि बफर झोनमधील सर्व भाजीपाला, फळबाजार आणि फेरीवाले, विक्रेत्यांना बंदी घालण्यात आली आहे. या परिसरात केवळ मेडिकल स्टोअर खुले ठेवण्यास परवानगी देण्यात आली आहे. या परिसरात सर्व जीवनावश्यक वस्तू घरपोच देण्यात येणार आहेत, अशी माहितीही अधिकाऱ्यानं दिली.

धारावीत महिलेचा मृत्यू; करोनाचा तिसरा बळी

यंदा पहिल्यांदाच महाराष्ट्र दिनी परेड होणार नाही

करोनाः संसर्गापासून बचावाचे 'हे' घरगुती उपाय