म. टा.विशेष प्रतिनिधी:
विधान परिषदेच्या नऊ सदस्यांची मुदत शुक्रवारी संपली असली तरी करोनाच्या पार्श्वभूमीवर विधान परिषदेच्या निवडणुका पुढे ढकलण्यात आल्या आहेत. यापैकीच एका जागेवर मुख्यमंत्री उद्धव ठाकरे सदस्य म्हणून निवडून जाणार होते. मुदत संपलेल्या सदस्यांमध्ये उपसभापती डॉ. नीलम गोऱ्हे, हेमंत टकले आदींचा समावेश आहे.
विधानसभा सदस्यांच्या मतदानाद्वारे विधान परिषदेवर निवडून दिलेल्या नऊ सदस्यांची मुदत शुक्रवारी संपली. या रिक्त जागांसाठी १५ ते २० एप्रिलपर्यंत निवडणूक अपेक्षित होती. मात्र, राज्यात करोना विषाणूचा प्रादुर्भाव लक्षात घेऊन निवडणूक आयोगाने या निवडणुका अनिश्चित कालावधीसाठी पुढे ढकलल्या आहेत. या निवडणुका कधी होणार याबाबत आता काहीच निश्चित नाही. करोना साथीची तीव्रता कमी होऊन आणि लॉकडाउन उठल्यानंतर विधान परिषद निवडणुकीची घोषणा होऊ शकते. तोपर्यंत या नऊ जागा रिक्त राहणार आहेत. यापैकीच एका जागेवर मुख्यमंत्री उद्धव ठाकरे निवडून जाणार होते. मात्र या निवडणुकाच पुढे ढकलण्यात आल्याने आता रिक्त असलेल्या राज्यपाल नियुक्त दोन जागांपैकी एका जागेसाठी मंत्रिमंडळाने उद्धव ठाकरे यांच्या नावाची शिफारस करून ती राज्यपाल भगतसिंह कोश्यारी यांच्याकडे पाठवली आहे. मात्र या जागेबाबतची शिफारस अद्याप राज्यपालांनी मंजूर केलेली नाही.
विधान परिषदेची मुदत सांपलेल्या सदस्यांमध्ये भाजपच्या स्मिता वाघ, अरुण अडसड, पृथ्वीराज देशमुख, काँग्रेसचे चंद्रकांत रघुवंशी, हरिभाऊ राठोड, राष्ट्रवादीचे हेमंत टकले, आनंद ठाकूर, किरण पावसकर आणि शिवसेनेच्या डॉ. नीलम गोऱ्हे यांचा समावेश आहे.
विधान परिषदेच्या नऊ सदस्यांची मुदत शुक्रवारी संपली असली तरी करोनाच्या पार्श्वभूमीवर विधान परिषदेच्या निवडणुका पुढे ढकलण्यात आल्या आहेत. यापैकीच एका जागेवर मुख्यमंत्री उद्धव ठाकरे सदस्य म्हणून निवडून जाणार होते. मुदत संपलेल्या सदस्यांमध्ये उपसभापती डॉ. नीलम गोऱ्हे, हेमंत टकले आदींचा समावेश आहे.
विधानसभा सदस्यांच्या मतदानाद्वारे विधान परिषदेवर निवडून दिलेल्या नऊ सदस्यांची मुदत शुक्रवारी संपली. या रिक्त जागांसाठी १५ ते २० एप्रिलपर्यंत निवडणूक अपेक्षित होती. मात्र, राज्यात करोना विषाणूचा प्रादुर्भाव लक्षात घेऊन निवडणूक आयोगाने या निवडणुका अनिश्चित कालावधीसाठी पुढे ढकलल्या आहेत. या निवडणुका कधी होणार याबाबत आता काहीच निश्चित नाही. करोना साथीची तीव्रता कमी होऊन आणि लॉकडाउन उठल्यानंतर विधान परिषद निवडणुकीची घोषणा होऊ शकते. तोपर्यंत या नऊ जागा रिक्त राहणार आहेत. यापैकीच एका जागेवर मुख्यमंत्री उद्धव ठाकरे निवडून जाणार होते. मात्र या निवडणुकाच पुढे ढकलण्यात आल्याने आता रिक्त असलेल्या राज्यपाल नियुक्त दोन जागांपैकी एका जागेसाठी मंत्रिमंडळाने उद्धव ठाकरे यांच्या नावाची शिफारस करून ती राज्यपाल भगतसिंह कोश्यारी यांच्याकडे पाठवली आहे. मात्र या जागेबाबतची शिफारस अद्याप राज्यपालांनी मंजूर केलेली नाही.
विधान परिषदेची मुदत सांपलेल्या सदस्यांमध्ये भाजपच्या स्मिता वाघ, अरुण अडसड, पृथ्वीराज देशमुख, काँग्रेसचे चंद्रकांत रघुवंशी, हरिभाऊ राठोड, राष्ट्रवादीचे हेमंत टकले, आनंद ठाकूर, किरण पावसकर आणि शिवसेनेच्या डॉ. नीलम गोऱ्हे यांचा समावेश आहे.