‘केईएम’चे १३ पैकी १० शवागार कर्मचारी करोनाबाधित

मुंबई : केईएम रुग्णालयाच्या शवागारातील १३ कर्मचाऱ्यांपैकी दहा जणांचे करोना चाचणी नमुने पॉझिटिव्ह आले आहेत. इतर तीन कर्मचाऱ्यांचे स्वॅब घेण्यात आले असून त्यांच्या अहवालाची प्रतीक्षा आहे.म्युनिसिपल मजदूर युनियनचे चिटणीस प्रदीप नारकर यांनी शवागारातील कर्मचाऱ्यांना सुरक्षेच्या दृष्टिकोनातून अधिक काळजी घेणे गरजेचे असल्याचे सांगितले. करोनाने मृत झालेल्या रुग्णांचा मृतदेह बंदिस्त करण्यासाठी प्रत्येक मृतदेहामागे एक हजार रुपयांचा प्रोत्साहन भत्ता देण्याची मागणी ११ मेपासून लागू करावी, असेही संघटनेमार्फत सांगण्यात आले आहे.