मुंबई : ‘मुंबईत गर्दीच्या ठिकाणांवर अवतीभवती अनेक लोक असतानाही मुली सुरक्षित नाहीत’, अशी गंभीर टिप्पणी करत विशेष पोक्सो न्यायालयाने ३२ वर्षीय तरुणाला दोषी ठरवून त्याला तीन वर्षांची शिक्षा ठोठावली आहे. मराठी वाहिन्यांवरील मालिकांत काम करणाऱ्या व बारावीची विद्यार्थिनी असलेल्या एका अभिनेत्रीचा, दादर रेल्वे स्थानकात ठाण्याला जाणारी लोकल पकडत असताना विनयभंग केल्याचा आरोप या तरुणावर होता.
ही १६ वर्षीय अभिनेत्री ठाण्यातून नियमितपणे गोरेगावमधील फिल्मसिटीमध्ये मालिकेच्या चित्रिकरणासाठी जायची. त्याकरिता ती अनेकदा लोकलनेच प्रवास करायची. काही वर्षांपूर्वी आपल्या मित्राबरोबर दादर स्थानकातून ठाण्याची लोकल पकडत आरोपी तरुणाने तिला आक्षेपार्ह पद्धतीने स्पर्श करत तिचा विनयभंग केला. तिच्या तक्रारीवरून पोलिसांनी आरोपीविरोधात भादंविच्या कलम ३५४ (विनयभंग) व पोक्सो कायद्याच्या कलमांन्वये गुन्हा दाखल केला होता.
‘फिल्मसिटीमध्ये जात असल्याबद्दलचे कोणतेही ओळखपत्र पीडितेने पुरावा म्हणून दिले नाही. तसेच महिलांसाठी राखीव डबा असताना तिने सर्वसाधारण डब्यात प्रवेश करण्याचे कोणतेही कारण नव्हते. केवळ तिच्या तोंडी साक्षीवर विश्वास ठेवला जाऊ शकत नाही’, असे म्हणत आरोपीने स्वत:चा बचाव करतानाच आपल्यावरील आरोपांचेही खंडन केले. मात्र, ‘पीडिता फिल्मसिटीमध्ये नियमित जात नव्हती, असे दाखविणारा कोणताही पुरावा आरोपीने दिला नाही. मुलींना सर्वसाधारण डब्यातून प्रवेश करण्यास मज्जाव नाही. शिवाय त्यावेळी ती मित्रासोबत होती. त्यामुळे सर्वसाधारण डब्यातून प्रवेश करण्यासाठी कारणही होते’, असे नमूद करत आरोपीने आक्षेपार्ह व अश्लील स्वरुपाचे वर्तन केल्याचे सरकारी पक्षाने सिद्ध केले असल्याचे न्या. प्रिया बनकर यांनी आपल्या आदेशात म्हटले. ‘अशा घटनांनी गर्दीच्या व रहदारीच्या ठिकाणांवरही मुली सुरक्षित नसल्याचे स्पष्ट होते. या घटनेने पीडितेच्या व तिच्या कुटुंबीयांच्या मनावरही आघात झाला’, असे निरीक्षणही न्यायाधीशांनी आदेशात नोंदवले.
ही १६ वर्षीय अभिनेत्री ठाण्यातून नियमितपणे गोरेगावमधील फिल्मसिटीमध्ये मालिकेच्या चित्रिकरणासाठी जायची. त्याकरिता ती अनेकदा लोकलनेच प्रवास करायची. काही वर्षांपूर्वी आपल्या मित्राबरोबर दादर स्थानकातून ठाण्याची लोकल पकडत आरोपी तरुणाने तिला आक्षेपार्ह पद्धतीने स्पर्श करत तिचा विनयभंग केला. तिच्या तक्रारीवरून पोलिसांनी आरोपीविरोधात भादंविच्या कलम ३५४ (विनयभंग) व पोक्सो कायद्याच्या कलमांन्वये गुन्हा दाखल केला होता.
‘फिल्मसिटीमध्ये जात असल्याबद्दलचे कोणतेही ओळखपत्र पीडितेने पुरावा म्हणून दिले नाही. तसेच महिलांसाठी राखीव डबा असताना तिने सर्वसाधारण डब्यात प्रवेश करण्याचे कोणतेही कारण नव्हते. केवळ तिच्या तोंडी साक्षीवर विश्वास ठेवला जाऊ शकत नाही’, असे म्हणत आरोपीने स्वत:चा बचाव करतानाच आपल्यावरील आरोपांचेही खंडन केले. मात्र, ‘पीडिता फिल्मसिटीमध्ये नियमित जात नव्हती, असे दाखविणारा कोणताही पुरावा आरोपीने दिला नाही. मुलींना सर्वसाधारण डब्यातून प्रवेश करण्यास मज्जाव नाही. शिवाय त्यावेळी ती मित्रासोबत होती. त्यामुळे सर्वसाधारण डब्यातून प्रवेश करण्यासाठी कारणही होते’, असे नमूद करत आरोपीने आक्षेपार्ह व अश्लील स्वरुपाचे वर्तन केल्याचे सरकारी पक्षाने सिद्ध केले असल्याचे न्या. प्रिया बनकर यांनी आपल्या आदेशात म्हटले. ‘अशा घटनांनी गर्दीच्या व रहदारीच्या ठिकाणांवरही मुली सुरक्षित नसल्याचे स्पष्ट होते. या घटनेने पीडितेच्या व तिच्या कुटुंबीयांच्या मनावरही आघात झाला’, असे निरीक्षणही न्यायाधीशांनी आदेशात नोंदवले.