म. टा. विशेष प्रतिनिधी, मुंबईः राज्यात बी ए.५ आणि बी ए. ४ या प्रकारांचे आणखी २३ रुग्ण आढळले असून, कस्तुरबा रुग्णालयाच्या मध्यवर्ती प्रयोगशाळेने दिलेल्या अहवालानुसार, यात मुंबईतील बीए ५ प्रकारांचे १७; तर बीए ४ प्रकाराचे सहा रुग्ण आढळले आहे. कस्तुरबा प्रयोगशाळेने एकूण ३६४ नमुन्यांचे परीक्षण केले असून, त्यापैकी एक नमुना वगळता सर्व नमुन्यांमध्ये ओमायक्रॉन हाच विषाणू आढळून आल्याचे राज्याच्या आरोग्यविभागाने सांगितले आहे.
उपलब्ध माहितीनुसार, ३६४पैकी ३२५ नमुन्यांमध्ये बीए २ आणि बीए २.३८ हे प्रकार सर्वाधिक प्रमाणात आढळून आले आहेत. हे सर्व नमुने १ ते १८ जून या कालावधीतील आहेत. या २३ रुग्णांमध्ये ० ते १८ वर्षांतील १, १९ ते २५ वर्षांतील २, २६ ते ५० वर्षांतील ९ तर ५० वर्षापेक्षा अधिक असलेल्या रुग्णांची संख्या ११ आहे. यात ११ पुरुषांचा व १२ स्त्रियांचा समावेश आहे. यामुळे राज्यात आतापर्यंत आढळलेल्या बीए.४ आणि बीए.५ रुग्णांची संख्या ४९ झाली आहे. यापैकी पुण्यात १५, मुंबईत २८, नागपूर येथे ४; तर ठाण्यात दोन रुग्ण आढळले आहेत.
'आयसीएमआर' पोर्टल बंद
दीड ते दोन हजार रुग्णसंख्येची नोंद होत असताना, शनिवारी 'आयसीएमआर' पोर्टल काम करत नसल्याने मुंबईमध्ये ८४० रुग्णसंख्येची नोंद करण्यात आली आहे. मात्र, करोनामुळे मुंबईत तीन ज्येष्ठ नागरिकांचा मृत्यू झाला आहे. या तिन्ही रुग्णांना दीर्घकालीन सहआजार असल्याची माहिती पालिकेच्या आरोग्यविभागाने दिली आहे. शनिवारी मुंबईत ९२ जणांना रुग्णालयात दाखल करण्यात आले असून, ऑक्सिजनवर असलेल्या रुग्णांची संख्या आठ इतकी आहे. संसर्गामुळे रुग्णालयात दाखल कराव्या लागणाऱ्या रुग्णांचे प्रमाण वाढत असून, ते आता २.७० टक्के इतके नोंदवण्यात आले आहे. आज करोना प्रतिबंधासाठी ७७३३ चाचण्या करण्यात आल्या आहेत.
उपलब्ध माहितीनुसार, ३६४पैकी ३२५ नमुन्यांमध्ये बीए २ आणि बीए २.३८ हे प्रकार सर्वाधिक प्रमाणात आढळून आले आहेत. हे सर्व नमुने १ ते १८ जून या कालावधीतील आहेत. या २३ रुग्णांमध्ये ० ते १८ वर्षांतील १, १९ ते २५ वर्षांतील २, २६ ते ५० वर्षांतील ९ तर ५० वर्षापेक्षा अधिक असलेल्या रुग्णांची संख्या ११ आहे. यात ११ पुरुषांचा व १२ स्त्रियांचा समावेश आहे. यामुळे राज्यात आतापर्यंत आढळलेल्या बीए.४ आणि बीए.५ रुग्णांची संख्या ४९ झाली आहे. यापैकी पुण्यात १५, मुंबईत २८, नागपूर येथे ४; तर ठाण्यात दोन रुग्ण आढळले आहेत.
'आयसीएमआर' पोर्टल बंद
दीड ते दोन हजार रुग्णसंख्येची नोंद होत असताना, शनिवारी 'आयसीएमआर' पोर्टल काम करत नसल्याने मुंबईमध्ये ८४० रुग्णसंख्येची नोंद करण्यात आली आहे. मात्र, करोनामुळे मुंबईत तीन ज्येष्ठ नागरिकांचा मृत्यू झाला आहे. या तिन्ही रुग्णांना दीर्घकालीन सहआजार असल्याची माहिती पालिकेच्या आरोग्यविभागाने दिली आहे. शनिवारी मुंबईत ९२ जणांना रुग्णालयात दाखल करण्यात आले असून, ऑक्सिजनवर असलेल्या रुग्णांची संख्या आठ इतकी आहे. संसर्गामुळे रुग्णालयात दाखल कराव्या लागणाऱ्या रुग्णांचे प्रमाण वाढत असून, ते आता २.७० टक्के इतके नोंदवण्यात आले आहे. आज करोना प्रतिबंधासाठी ७७३३ चाचण्या करण्यात आल्या आहेत.