‘सीपीएस’ प्रवेश ‘नीट’मार्फतच

मुंबई : परळ येथील कॉलेज ऑफ फिजिशियन अँड सर्जनमधील (सीपीएस) प्रवेशांवर राज्याच्या आरोग्य संचालनालयाने निर्बंध आणले आहेत. या अभ्यासक्रमाच्या जागा ‘नीट’ परीक्षांमार्फतच भरण्याची अधिसूचना राज्याच्या आरोग्य संचालनालयाने काढली आहे. त्यामुळे या संस्थेतील प्रवेश प्रक्रियेमध्ये पारदर्शकता येईल, असे बोलले जात आहे.

‘सीपीएस’मार्फत स्त्री रोग, त्वचा रोग, रेडिऑलॉजी, बालरोग, श्वसन विकार आदी विषयांसाठी दोन वर्षांचा पदविका अभ्यासक्रम घेण्यात येतो. ‘एमबीबीएस’ झाल्यावर विशेष शिक्षण घेण्यासाठी वैद्यकीय विद्यार्थी या यासाठी प्रवेश घेतात. या संस्थेत सुमारे ८०० जागा आहेत. मात्र संस्थेमार्फतच सीईटी घेऊन प्रवेश दिले जात होते. त्याचे निकाल वेळेवर जाहीर होत नसल्याने त्याचा प्रवेश प्रक्रियेवर

परिणाम होत असल्याची तक्रार इं‌‌डियन मेडिकल असो., मार्ड तसेच कर्ण प्रतिष्ठानने मुख्यमंत्र्यांकडे केली होती.