मुंबई: रेल्वे रुळाला तडे, हर्बर २५ मिनिटं उशिरानं

मटा ऑनलाइन वृत्त । मुंबई

मानखुर्द रेल्वे स्थानकाजवळ रेल्वे रुळाला तडे गेल्यानं हार्बर मार्गाची वाहतूक २० ते २५ मिनिटे उशीरानं धावत आहे. त्यामुळं सकाळी सकाळी कामावर जाणाऱ्या चाकरमान्यांना मनस्तापाला सामोरे जावं लागलं.

पहाटे ६ वाजून २५ मिनिटांनी मानखुर्द रेल्वे स्थानकाला तडे गेले. त्यामुळं पनवेलवरून सीएसटीला जाणाऱ्या चाकरमान्यांचे चांगलेच हाल झाले. रुळाला तडे गेल्याने हार्बर सेवा २५ मिनिटे धावत होती. त्यामुळे हार्बरच्या प्रत्येक रेल्वे स्थानकांवर कामावर जाणाऱ्या चाकरमान्यांची आणि महाविद्यालयीन विद्यार्थ्यांची तोबा गर्दी झाली होती. तब्बल पाऊण तासानं रेल्वे रूळ दुरुस्तीचं काम पुर्ण करण्यात आलं, पण वाहतूक सुरळीत होण्यास अजून वेळ जाणार असल्याचं रेल्वे अधिकाऱ्यानं सांगितलं.