‘मोपलवारांनी ६०० कोटी पांढरे केले!’

मुंबई : ‘एमएसआरडी’च्या व्यवस्थापकीय संचालकपदावरून हटवण्यात आलेल्या राधेशाम मोपलवार यांच्यासह सात आजी-माजी सनदी अधिकाऱ्यांनी सुमारे ६०० कोटींहून अधिक काळा पैसे वेगवेगळ्या कंपन्यांमध्ये गुंतवून पांढरा केल्याचा आरोप भाजपचे आमदार अनिल गोटे यांनी बुधवारी केला.

मोपलवार बनावट स्टॅम्प तेलगी घोटाळ्यातील प्रमुख सूत्रधार असून, पंतप्रधान नरेंद्र मोदी यांची भेट घेऊन मी त्यांच्याकडे हे सर्व पुरावे सोपविणार असल्याचेही गोटे यांनी सांगितले. मोपलवार आणि या अधिकाऱ्यांची टोळी असून हे सर्व सातत्याने महाराष्ट्राला लुबाडत आहेत. त्यांनी कोलकातामधील बंद पडलेली अनॉल्ड ही होल्डिंग कंपनी विकत घेऊन त्यात गुंतवणूक केली आहे, असे गोटे म्हणाले.