म. टा. विशेष प्रतिनिधी, मुंबई
पावसाळा सरत आला असताना मुंबईतील क्रूझ पर्यटनाच्या हंगामाला सुरुवात झाली आहे. व्हायकिंग ओरियोन ही या हंगामातील पहिली क्रूझ मुंबई बंदरात पोहोचली असून, या क्रूझमधील प्रवाशांच्या स्वागतासाठी मुंबई पोर्ट ट्रस्टच्या पुढाकाराने रंगारंग कार्यक्रमाचे आयोजन करण्यात आले आहे.
मस्कतहून आलेली ही क्रूझ गोवा, कोलंबो असा प्रवास करत सिंगापूरला प्रवास समाप्त करेल. आज, सोमवारी क्रूझ पुढल्या प्रवासासाठी प्रयाण करेल. या क्रूझमधून ९०० परदेशी प्रवासी बंदरात उतरले. मुंबई पोर्ट ट्रस्ट व इंडिया टुरिझम यांच्या वतीने पर्यटकांचे खास मराठमोळ्या ढंगात स्वागत करण्यात आले. ढोलताशांच्या गजरात झालेल्या स्वागताने पर्यटक भारावून गेले होते. बंदरावर उतरलेल्या प्रवाशांचे औक्षणही करण्यात आले. पुढल्या प्रवासासाठी आणखी ९०० प्रवासी क्रूझमध्ये प्रवेशकर्ते झाले. पर्यटकांसाठी बंदर परिसरात विविध वस्तूंचे स्टॉल लावण्यात आले होते. विविध हस्तकलांचे प्रदर्शन तसेच वारली चित्रकलेचा यावेळी पर्यटकांनी आस्वाद घेतला. पर्यटकांचे मनोरंजन व्हावे, तसेच त्यांना भारतीय-महाराष्ट्रीयन संस्कृतीची ओळख व्हावी, म्हणून ढोलताशा पथक, कोळी नृत्य, गरबा, भांगडा, घुमर, लावणी तसेच कथ्थक नृत्याचे आयोजन करण्यात आले होते.
पावसाळा सरत आला असताना मुंबईतील क्रूझ पर्यटनाच्या हंगामाला सुरुवात झाली आहे. व्हायकिंग ओरियोन ही या हंगामातील पहिली क्रूझ मुंबई बंदरात पोहोचली असून, या क्रूझमधील प्रवाशांच्या स्वागतासाठी मुंबई पोर्ट ट्रस्टच्या पुढाकाराने रंगारंग कार्यक्रमाचे आयोजन करण्यात आले आहे.
मस्कतहून आलेली ही क्रूझ गोवा, कोलंबो असा प्रवास करत सिंगापूरला प्रवास समाप्त करेल. आज, सोमवारी क्रूझ पुढल्या प्रवासासाठी प्रयाण करेल. या क्रूझमधून ९०० परदेशी प्रवासी बंदरात उतरले. मुंबई पोर्ट ट्रस्ट व इंडिया टुरिझम यांच्या वतीने पर्यटकांचे खास मराठमोळ्या ढंगात स्वागत करण्यात आले. ढोलताशांच्या गजरात झालेल्या स्वागताने पर्यटक भारावून गेले होते. बंदरावर उतरलेल्या प्रवाशांचे औक्षणही करण्यात आले. पुढल्या प्रवासासाठी आणखी ९०० प्रवासी क्रूझमध्ये प्रवेशकर्ते झाले. पर्यटकांसाठी बंदर परिसरात विविध वस्तूंचे स्टॉल लावण्यात आले होते. विविध हस्तकलांचे प्रदर्शन तसेच वारली चित्रकलेचा यावेळी पर्यटकांनी आस्वाद घेतला. पर्यटकांचे मनोरंजन व्हावे, तसेच त्यांना भारतीय-महाराष्ट्रीयन संस्कृतीची ओळख व्हावी, म्हणून ढोलताशा पथक, कोळी नृत्य, गरबा, भांगडा, घुमर, लावणी तसेच कथ्थक नृत्याचे आयोजन करण्यात आले होते.