म. टा. खास प्रतिनिधी, मुंबई
सेकंदाच्या काट्यावर चालणाऱ्या मुंबईकरांपैकी लाखोंना सीएसटी इमारतीच्या सर्वांत उंचावरील लक्षवेधक घड्याळाशी आपल्या घड्याळ, मोबाइलच्या वेळा जुळवून घेण्याची सवय झाली आहे. ब्रिटिश अमदानीपासून मुंबईकरांना सेवा देणाऱ्या या घड्याळाचा एकनिष्ठ सेवक ३८ वर्षांच्या सेवेनंतर महिन्याअखेरीस मध्य रेल्वेतून निवृत्त होत आहे. १५० वर्षे जुन्या घड्याळांसह सीएसटी इमारतीतील अनेक पुरातन घड्याळ्यांची दररोज काळजी घेणारे बंडू उर्फ बी. के. जाधव ‘घड्याळजी’ प्रदीर्घ सेवा बजावून निवृत्त होणार आहेत.
मध्य रेल्वेच्या ऐतिहासिक वास्तूस लाभलेल्या अनेक परंपरांमध्ये इथल्या घड्याळ्यांचाही समावेश आहे. सीएसटी इमारतीचे वैभव असणाऱ्या घड्याळा व्यतिरिक्त अन्य २७ घड्याळे या वास्तूत आहेत. त्यांच्या देखभालीचे काम जाधव करतात.
१९७९ पासून रेल्वेच्या सेवेत असलेले जाधव यांच्यापूर्वी चांदिवाले नावाचे कर्मचारी हे काम पाहत असत. ते निवृत्त झाल्यावर हे काम जाधव यांनी सांभाळले. मोठ्या घड्याळ्यास चावी देण्याचे मुख्य काम जाधव करतात. एकदा चावी दिली की, सात ते आठ दिवसांपर्यंत घड्याळे सुतासारखी चालतात. आता त्यांच्या सेवानिवृत्तीनंतर ही जबाबदारी अद्याप तरी कोणावर सोपवण्यात आलेली नाही. मात्र इतर सहकाऱ्यांना चावी देण्याचे काम शिकविले असल्याने ती अडचण नसल्याचे सिनिअर क्लॉक रिपेअर पदावरून निवृत्त होणारे जाधव सांगतात.
यापूर्वी एक-दोनदा मुख्यालयातील बाह्यदर्शनी असणाऱ्या घड्याळ्यामध्ये बिघाड झाला होता. तेव्हा जाधव यांच्यासह अन्य तज्ज्ञांनी त्याच्या दुरुस्तीसाठी स्वतःला झोकून दिले होते.
सेकंदाच्या काट्यावर चालणाऱ्या मुंबईकरांपैकी लाखोंना सीएसटी इमारतीच्या सर्वांत उंचावरील लक्षवेधक घड्याळाशी आपल्या घड्याळ, मोबाइलच्या वेळा जुळवून घेण्याची सवय झाली आहे. ब्रिटिश अमदानीपासून मुंबईकरांना सेवा देणाऱ्या या घड्याळाचा एकनिष्ठ सेवक ३८ वर्षांच्या सेवेनंतर महिन्याअखेरीस मध्य रेल्वेतून निवृत्त होत आहे. १५० वर्षे जुन्या घड्याळांसह सीएसटी इमारतीतील अनेक पुरातन घड्याळ्यांची दररोज काळजी घेणारे बंडू उर्फ बी. के. जाधव ‘घड्याळजी’ प्रदीर्घ सेवा बजावून निवृत्त होणार आहेत.
मध्य रेल्वेच्या ऐतिहासिक वास्तूस लाभलेल्या अनेक परंपरांमध्ये इथल्या घड्याळ्यांचाही समावेश आहे. सीएसटी इमारतीचे वैभव असणाऱ्या घड्याळा व्यतिरिक्त अन्य २७ घड्याळे या वास्तूत आहेत. त्यांच्या देखभालीचे काम जाधव करतात.
१९७९ पासून रेल्वेच्या सेवेत असलेले जाधव यांच्यापूर्वी चांदिवाले नावाचे कर्मचारी हे काम पाहत असत. ते निवृत्त झाल्यावर हे काम जाधव यांनी सांभाळले. मोठ्या घड्याळ्यास चावी देण्याचे मुख्य काम जाधव करतात. एकदा चावी दिली की, सात ते आठ दिवसांपर्यंत घड्याळे सुतासारखी चालतात. आता त्यांच्या सेवानिवृत्तीनंतर ही जबाबदारी अद्याप तरी कोणावर सोपवण्यात आलेली नाही. मात्र इतर सहकाऱ्यांना चावी देण्याचे काम शिकविले असल्याने ती अडचण नसल्याचे सिनिअर क्लॉक रिपेअर पदावरून निवृत्त होणारे जाधव सांगतात.
यापूर्वी एक-दोनदा मुख्यालयातील बाह्यदर्शनी असणाऱ्या घड्याळ्यामध्ये बिघाड झाला होता. तेव्हा जाधव यांच्यासह अन्य तज्ज्ञांनी त्याच्या दुरुस्तीसाठी स्वतःला झोकून दिले होते.