म. टा. विशेष प्रतिनिधी, मुंबई
लॉकडाउन शिथिल होईपर्यंत यंदा पावसाने फारशी उपस्थिती लावलेली नाही. त्यामुळे जूनचा अखेरचा आठवडा सुरू झाला तरी मुंबईत ठिकठिकाणी फांद्याछाटणी सुरू आहे. मेमध्ये होणारी फांद्याछाटणी यंदा काहीशी संथ झाली होती. या फांद्याछाटणीने पुन्हा जोर धरायला सुरुवात केली आहे. गेल्या दोन-तीन दिवसांमध्ये अनेक ठिकाणी बेसुमार फांद्या कापल्याची नागरिकांची तक्रार आहे.
अंघोळीची गोळी समूहाचे तुषार वारंग यांनी नेपियन सी मार्गावरील पेटीट हॉलजवळ बहरलेल्या सोनमोहोराच्या झाडाचा फोटो सोशल मीडियावर पोस्ट केला आहे. फांद्याछाटणी करताना फुलांनी डवरलेल्या झाडांच्या केवळ वरचा पर्णभार कमी करण्यात आलेला नाही, तर बुंध्यापासून फुटलेल्या उपफांद्याही कापण्यात आल्याचे त्यांनी सांगितले. त्यांनी यासंदर्भात मायबीएमसीवरून तक्रारही केली आहे. अशा बेसुमार छाटण्यांमुळे फांद्याछाटणी करताना उद्यान विभागाचे अधिकारी उपस्थित असण्याबद्दल पुन्हा एकदा प्रश्नचिन्ह निर्माण होत आहे.
दादर येथील सजग नागरिक डॉ. सीम खोत यांनी गुरुवारी महापालिका आयुक्त इकबाल सिंग चहल यांना पत्र लिहून जी उत्तर विभागातील फांद्याछाटणीबद्दल तक्रार केली आहे. ही फांद्याछाटणी नसून झाडांची कत्तल असल्याचे त्यांनी म्हटले आहे. सध्या करोनाच्या काळात आपण शुद्ध ऑक्सिजनची गरज अनुभवत आहोत, तरीही हवा शुद्ध करणाऱ्या यंत्रणेला अशा पद्धतीने फांद्याछाटणी करून आपण धोका पोहोचवत आहोत याबद्दल त्यांनी नाराजी व्यक्त केली आहे. यामध्ये निरोगी झाडांवरही कुऱ्हाड चालवण्यात येत आहे. फांद्याछाटणीच्या वेळी याचे तांत्रिक ज्ञान नसलेल्या कर्मचाऱ्यांवर छाटणीची संपूर्ण जबाबदारी सोपवण्यात येते असाही आक्षेप त्यांनी या पत्राद्वारे नोंदवला आहे.
काही वेळा फांद्याछाटणी करणाऱ्यांकडे पत्रही नसते, त्यामध्ये काय लिहिले आहे, सूचना काय आहेत, हे छाटणीचे काम करणाऱ्यांना वाचता येत नाही त्यामुळे हा मनमानी कारभार असतो याबद्दल त्यांनी संताप व्यक्त केला आहे. माहीममध्ये दोन दिवसांपूर्वी जंगली बदाम जवळजवळ अर्ध्यावर छाटल्याचे त्या म्हणाल्या. अधिकाऱ्यांच्या म्हणण्यानुसार त्या झाडाला वाळवी लागली होती मात्र कापलेले ओंडके सशक्त दिसत असल्याचे त्या म्हणाल्या. जी उत्तर येथील भेंडीच्या झाडाच्या फांद्याही पूर्ण छाटून टाकल्याचे त्या म्हणाल्या.
इलेक्ट्रिक करवतीने कापणी
दहिसर पूर्वमध्येही अग्निशमन दलाच्या केंद्राजवळ शुक्रवारी नागरिकांनी इलेक्ट्रिक करवतीने झाडांची कापणी सुरू असल्याचे पाहिले. यासंदर्भात हरकत नोंदवल्यावर कंत्राटदाराच्या कर्मचाऱ्यांनी परवानगी असल्याचे तोंडी उत्तर दिले. मात्र सातत्याने फांद्याछाटणीच्या अमानुष पद्धतीसंदर्भात किती तक्रार करायच्या आणि तक्रारी करून त्याची दखल कधी घेतली जाणार, अशी विचारणा नागरिकांडून होत आहे.
लॉकडाउन शिथिल होईपर्यंत यंदा पावसाने फारशी उपस्थिती लावलेली नाही. त्यामुळे जूनचा अखेरचा आठवडा सुरू झाला तरी मुंबईत ठिकठिकाणी फांद्याछाटणी सुरू आहे. मेमध्ये होणारी फांद्याछाटणी यंदा काहीशी संथ झाली होती. या फांद्याछाटणीने पुन्हा जोर धरायला सुरुवात केली आहे. गेल्या दोन-तीन दिवसांमध्ये अनेक ठिकाणी बेसुमार फांद्या कापल्याची नागरिकांची तक्रार आहे.
अंघोळीची गोळी समूहाचे तुषार वारंग यांनी नेपियन सी मार्गावरील पेटीट हॉलजवळ बहरलेल्या सोनमोहोराच्या झाडाचा फोटो सोशल मीडियावर पोस्ट केला आहे. फांद्याछाटणी करताना फुलांनी डवरलेल्या झाडांच्या केवळ वरचा पर्णभार कमी करण्यात आलेला नाही, तर बुंध्यापासून फुटलेल्या उपफांद्याही कापण्यात आल्याचे त्यांनी सांगितले. त्यांनी यासंदर्भात मायबीएमसीवरून तक्रारही केली आहे. अशा बेसुमार छाटण्यांमुळे फांद्याछाटणी करताना उद्यान विभागाचे अधिकारी उपस्थित असण्याबद्दल पुन्हा एकदा प्रश्नचिन्ह निर्माण होत आहे.
दादर येथील सजग नागरिक डॉ. सीम खोत यांनी गुरुवारी महापालिका आयुक्त इकबाल सिंग चहल यांना पत्र लिहून जी उत्तर विभागातील फांद्याछाटणीबद्दल तक्रार केली आहे. ही फांद्याछाटणी नसून झाडांची कत्तल असल्याचे त्यांनी म्हटले आहे. सध्या करोनाच्या काळात आपण शुद्ध ऑक्सिजनची गरज अनुभवत आहोत, तरीही हवा शुद्ध करणाऱ्या यंत्रणेला अशा पद्धतीने फांद्याछाटणी करून आपण धोका पोहोचवत आहोत याबद्दल त्यांनी नाराजी व्यक्त केली आहे. यामध्ये निरोगी झाडांवरही कुऱ्हाड चालवण्यात येत आहे. फांद्याछाटणीच्या वेळी याचे तांत्रिक ज्ञान नसलेल्या कर्मचाऱ्यांवर छाटणीची संपूर्ण जबाबदारी सोपवण्यात येते असाही आक्षेप त्यांनी या पत्राद्वारे नोंदवला आहे.
काही वेळा फांद्याछाटणी करणाऱ्यांकडे पत्रही नसते, त्यामध्ये काय लिहिले आहे, सूचना काय आहेत, हे छाटणीचे काम करणाऱ्यांना वाचता येत नाही त्यामुळे हा मनमानी कारभार असतो याबद्दल त्यांनी संताप व्यक्त केला आहे. माहीममध्ये दोन दिवसांपूर्वी जंगली बदाम जवळजवळ अर्ध्यावर छाटल्याचे त्या म्हणाल्या. अधिकाऱ्यांच्या म्हणण्यानुसार त्या झाडाला वाळवी लागली होती मात्र कापलेले ओंडके सशक्त दिसत असल्याचे त्या म्हणाल्या. जी उत्तर येथील भेंडीच्या झाडाच्या फांद्याही पूर्ण छाटून टाकल्याचे त्या म्हणाल्या.
इलेक्ट्रिक करवतीने कापणी
दहिसर पूर्वमध्येही अग्निशमन दलाच्या केंद्राजवळ शुक्रवारी नागरिकांनी इलेक्ट्रिक करवतीने झाडांची कापणी सुरू असल्याचे पाहिले. यासंदर्भात हरकत नोंदवल्यावर कंत्राटदाराच्या कर्मचाऱ्यांनी परवानगी असल्याचे तोंडी उत्तर दिले. मात्र सातत्याने फांद्याछाटणीच्या अमानुष पद्धतीसंदर्भात किती तक्रार करायच्या आणि तक्रारी करून त्याची दखल कधी घेतली जाणार, अशी विचारणा नागरिकांडून होत आहे.