म. टा. विशेष प्रतिनिधी, मुंबई
विविध प्रकारची संकेतस्थळे किंवा समाज माध्यमे हाताळताना तसेच इंटरनेटआधारे आर्थिक व्यवहार करताना पूर्णत: सजगता बाळगणे गरजेचे आहे. तंत्रज्ञानाच्या विकासाबरोबरच या क्षेत्रातील फसवणुकीचे तसेच गुन्हेगारीचे प्रमाणही वाढत आहे. त्यामुळे इंटरनेट हाताळणाऱ्या प्रत्येकाने आता सायबर सुरक्षिततेविषयी साक्षर होणे गरजेचे आहे, असे मत महाराष्ट्र सायबर सेलचे विशेष पोलिस महानिरीक्षक ब्रिजेश सिंह यांनी शुक्रवारी व्यक्त केले.
बॉम्बे चेंबर ऑफ कॉमर्स अँड इंडस्ट्री, महाराष्ट्र पोलिस तसेच महाराष्ट्र सायबर यांच्यावतीने वित्तीय व सामाजिक क्षेत्रातील सायबर गुन्हे रोखून त्यातील सुरक्षितता वाढविणे तसेच विवाह विषयक संकेतस्थळांवरील ऑनलाइन गैरप्रकारांना आळा घालण्यासंदर्भात एक दिवसीय परिषदेचे आयोजन करण्यात आले होते. त्यावेळी ते बोलत होते. सायबर गुन्हेगारांकडून विशेषत: ज्येष्ठ नागरिकांना लक्ष्य करण्यात येत आहे. इंटरनेट तथा समाज माध्यमांवर कोणतीही माहिती गोपनीय किंवा खासगी राहील, याची शाश्वती नाही. समाज माध्यमांवरील माहितीच्या आधारे आपल्या बँक व्यवहारविषयीचे पिनकोड किंवा सिक्युरिटी प्रश्नांचा अंदाज लावून सायबर गुन्हेगार अपहार करतात. त्यामुळे समाज माध्यमांवरही आपली माहिती देताना सजगता पाळणे गरजेचे आहे. विवाह विषयक संकेतस्थळांनी गैरप्रकार रोखण्यासाठी अधिक दक्ष होणे आवश्यक असून ग्राहकांची खात्रीशीर ओळख नोंदवण्यासाठी योग्य उपायोजना करणे आवश्यक आहे, असे त्यांनी सांगितले.
महिला, बालकांविरोधी गुन्हे रोखण्यासाठी वेबपोर्टल
महिला आणि बालकांविरोधी सायबर गुन्हे रोखण्यासाठी केंद्र सरकारने https://cybercrime.gov.in हे वेबपोर्टल सुरू केले आहे. पॉर्नोग्राफी किंवा इतर कोणत्याही सायबर गुन्ह्यांप्रकरणी या वेबपोर्टलवर थेट तक्रार करता येते. या वेबपोर्टलवरील तक्रारींचा निपटारा करण्यासाठी प्रत्येक राज्यात नोडल ऑफिसर नेमण्यात आले असून राज्यात महाराष्ट्र सायबरकडून हे काम करण्यात येते. महिला आणि बालकांविरोधी सायबर गुन्ह्यांच्या प्रकरणात या वेबपोर्टलवर थेट तक्रार करावी, असे आवाहनही ब्रिजेश सिंह यांनी यावेळी केले.
विविध प्रकारची संकेतस्थळे किंवा समाज माध्यमे हाताळताना तसेच इंटरनेटआधारे आर्थिक व्यवहार करताना पूर्णत: सजगता बाळगणे गरजेचे आहे. तंत्रज्ञानाच्या विकासाबरोबरच या क्षेत्रातील फसवणुकीचे तसेच गुन्हेगारीचे प्रमाणही वाढत आहे. त्यामुळे इंटरनेट हाताळणाऱ्या प्रत्येकाने आता सायबर सुरक्षिततेविषयी साक्षर होणे गरजेचे आहे, असे मत महाराष्ट्र सायबर सेलचे विशेष पोलिस महानिरीक्षक ब्रिजेश सिंह यांनी शुक्रवारी व्यक्त केले.
बॉम्बे चेंबर ऑफ कॉमर्स अँड इंडस्ट्री, महाराष्ट्र पोलिस तसेच महाराष्ट्र सायबर यांच्यावतीने वित्तीय व सामाजिक क्षेत्रातील सायबर गुन्हे रोखून त्यातील सुरक्षितता वाढविणे तसेच विवाह विषयक संकेतस्थळांवरील ऑनलाइन गैरप्रकारांना आळा घालण्यासंदर्भात एक दिवसीय परिषदेचे आयोजन करण्यात आले होते. त्यावेळी ते बोलत होते. सायबर गुन्हेगारांकडून विशेषत: ज्येष्ठ नागरिकांना लक्ष्य करण्यात येत आहे. इंटरनेट तथा समाज माध्यमांवर कोणतीही माहिती गोपनीय किंवा खासगी राहील, याची शाश्वती नाही. समाज माध्यमांवरील माहितीच्या आधारे आपल्या बँक व्यवहारविषयीचे पिनकोड किंवा सिक्युरिटी प्रश्नांचा अंदाज लावून सायबर गुन्हेगार अपहार करतात. त्यामुळे समाज माध्यमांवरही आपली माहिती देताना सजगता पाळणे गरजेचे आहे. विवाह विषयक संकेतस्थळांनी गैरप्रकार रोखण्यासाठी अधिक दक्ष होणे आवश्यक असून ग्राहकांची खात्रीशीर ओळख नोंदवण्यासाठी योग्य उपायोजना करणे आवश्यक आहे, असे त्यांनी सांगितले.
महिला, बालकांविरोधी गुन्हे रोखण्यासाठी वेबपोर्टल
महिला आणि बालकांविरोधी सायबर गुन्हे रोखण्यासाठी केंद्र सरकारने https://cybercrime.gov.in हे वेबपोर्टल सुरू केले आहे. पॉर्नोग्राफी किंवा इतर कोणत्याही सायबर गुन्ह्यांप्रकरणी या वेबपोर्टलवर थेट तक्रार करता येते. या वेबपोर्टलवरील तक्रारींचा निपटारा करण्यासाठी प्रत्येक राज्यात नोडल ऑफिसर नेमण्यात आले असून राज्यात महाराष्ट्र सायबरकडून हे काम करण्यात येते. महिला आणि बालकांविरोधी सायबर गुन्ह्यांच्या प्रकरणात या वेबपोर्टलवर थेट तक्रार करावी, असे आवाहनही ब्रिजेश सिंह यांनी यावेळी केले.