म. टा. खास प्रतिनिधी, मुंबई
ट्रक आणि बसच्या टपावर बसून जीवघेणा प्रवास करणाऱ्या गर्जना विवेकानंद युथ कनेक्ट गोविंदा पथक, मोरया गोविंदा पथक (सांताक्रूझ), यंग बॉइज गोविंदा पथक आणि कुर्ल्याचे शिवाजीनगर गोविंदा पथक या चार गोविंदा मंडळांवरही शिवाजी पार्क आणि कुर्ला पोलिस ठाण्यात गुन्हा नोंदवण्यात आला आहे.
तर चेंबूर पोलिस ठाणे परिसरात आयोजित दहीहंडी उत्सवातही सात गोविंदा पथकांवर कारवाई करण्यात आली आहे. कोळी किंग ट्रॉम्बे कोळीवाडा गोविंदा पथक, बाल मित्र व्यायाम शाळा गोविंदा पथक (सांताक्रूझ), सूर्योदय क्रीडा मंडळ गोविंदा पथक (सांताक्रूझ), बाळ गोपाळ मित्र मंडळ गोविंदा पथक (अॅण्टॉप हिल) यांनीही न्यायालयाच्या नियमांचे उल्लंघन करत नियमापेक्षा जास्त थर रचले, तर अभिनव गोविंदा पथक (घाटकोपर), वीर बजरंग गोविंदा पथक (घाटकोपर), अष्टविनायक गोविंदा पथक (वडाळा) या मंडळांनी अल्पवयीन मुलांना थरांवर चढवल्याने त्यांच्यावर चेंबूर पोलिस ठाण्यात गुन्हा नोंदवल्याचे पोलिस उपायुक्त शहाजी उमाप यांनी सांगितले. तर शिवाजी पार्क परिसरात परवानगी नसताना दहीहंडी उत्सवाचे आयोजन करत, शांतता परिसरात मोठ्याने साऊंड सिस्टीम लावल्याप्रकरणी गोल्डन क्रीडा मंडळावर (दादर) शिवाजी पार्क पोलिसांनी गुन्हा नोंदवला आहे.
गुन्हे दाखल झालेली मंडळे
कांजुरमार्ग पोलीस ठाणे - नूतन भीमज्योत क्रीडा मंडळ, सद्गुरूमंडळ पंतनगर, ओमसाई सेवा मंडळ, स्वयंभू हनुमान गोविंदा पथक विक्रोळी
घाटकोपर पोलीस ठाणे - रायगड चौक गोविंदा पथक
ना. म. जोशी मार्ग पोलिस ठाणे - गांधीनगर स्पोर्ट्स क्लब, वरळी
भांडुप पोलीस ठाणे - सन्मित्र मंडळ, घाटकोपर, आदिवासी मंडळ, अंधेरी, विक्रोळी - सिद्धिविनायक गोविंदा पथक
विजेच्या धक्क्याने गोविंदाचा मृत्यू
सांताक्रूझ-वाकोला येथे शॉक लागून एका गोविंदाचा मृत्यू झाला आहे. स्वप्निल खोबरेकर (२५) असे त्याचे नाव आहे. शॉक लागल्यानंतर या गोविंदाला व्ही. एन. देसाई रुग्णालात दाखल करण्यात आले. मात्र, डॉक्टरांनी त्याला मृत घोषित केले.
पालिका जखमींचा चाचण्यांचा खर्च करणार
पालिका रुग्णालयात उपचारांसाठी दाखल केलेल्या १८ वर्षांच्या खालील बहुतांश गोविंदांच्या डोक्याला मार लागल्याचे निष्पन्न झाले आहे. पालिका रुग्णालयातील जखमी गोविंदांचे सीटी स्कॅन, एमआरआय आदी चाचण्यांचा खर्च पालिका करणार आहे.
मुंबईत दहीहंडी फोडताना १२६ गोविंदा जखमी झाले. त्यापैकी ३४ गोविंदांना पालिकेच्या वेगवेगळ्या रुग्णालयात उपचारांसाठी दाखल केले आहे. त्यातील बहुतांश गोविंदांच्या डोक्याला मार लागला आहे. यासंदर्भात पालिका रुग्णालयाचे संचालक व केईएम रुग्णालयाचे डीन डॉ. अविनाश सुपे म्हणाले की, जखमी गोविंदांवर खास करून लहान मुलांवर सर्वोत्कृष्ट उपचार करण्याचा प्रयत्न आहे. डोक्याला मार लागलेल्या जखमी गोविंदांच्या सिटी स्कॅन व एमआरआय चाचण्या करण्यात आल्या आहेत. पण, गंभीर स्वरूपाची दुखापत दिसून आली नाही. उपचारांच्या खर्चाबाबत विचारले असता, त्यांच्या चाचण्यांसाठी कोणतेही शुल्क आकारण्यात येणार नाही. शक्य तेवढे मोफत उपचार देण्याचा आमचा प्रयत्न आहे, असे डॉ. सुपे म्हणाले.
'त्या' अल्पवयीन गोविंदाची प्रकृती चिंताजनक
उल्हासनगर कॅम्प ४ येथील लालचक्की चौकात शिवसेना- युवासेनेच्या वतीने आयोजित दहीहंडी उत्सवात १२ वर्षांचा गोविंदा सहाव्या थरावरून खाली कोसळून गंभीर जखमी झाला. त्याची प्रकृती चिंताजनक असून त्याच्या मेंदूला आणि फुप्फुसाला गंभीर मार लागला आहे. कल्याणच्या फोर्टीस रुग्णालयात त्याच्यावर उपचार सुरू आहेत. याप्रकरणी शिवतेज मित्र मंडळाचे अध्यक्ष राजेंद्र माने व गोविंदा पथकाचा प्रमुख योगेश कैलास डांगे यांच्याविरोधात गुन्हा दाखल करण्यात आला आहे.
लालचक्की चौकातील दहीहंडी आयोजनासाठी शिवतेज मित्र मंडळाचे अध्यक्ष राजेंद्र माने व गोविंदा पथकाचा प्रमुख योगेश डांगे यांनी २० फुटांपेक्षा जास्त उंचीचे थर उभारले, तसेच १२ वर्षीय सुजल उमेश धाडपकर याचा गोविंदा पथकात समावेश करून न्यायालयाच्या आदेशाचा अवमान केल्याने त्यांच्याविरोधात विठ्ठलवाडी गुन्हा दाखल करण्यात आला आहे. मात्र या दहीहंडीच्या आमंत्रणपत्रिकेत मुख्य आयोजक शहरप्रमुख राजेंद्र चौधरी व युवासेना शहरअधिकारी धीरज ठाकूर यांचे नाव दिलेले आहे. त्यांच्यावरही कारवाई करायला हवी, अशी चर्चा सुरू आहे.
ट्रक आणि बसच्या टपावर बसून जीवघेणा प्रवास करणाऱ्या गर्जना विवेकानंद युथ कनेक्ट गोविंदा पथक, मोरया गोविंदा पथक (सांताक्रूझ), यंग बॉइज गोविंदा पथक आणि कुर्ल्याचे शिवाजीनगर गोविंदा पथक या चार गोविंदा मंडळांवरही शिवाजी पार्क आणि कुर्ला पोलिस ठाण्यात गुन्हा नोंदवण्यात आला आहे.
तर चेंबूर पोलिस ठाणे परिसरात आयोजित दहीहंडी उत्सवातही सात गोविंदा पथकांवर कारवाई करण्यात आली आहे. कोळी किंग ट्रॉम्बे कोळीवाडा गोविंदा पथक, बाल मित्र व्यायाम शाळा गोविंदा पथक (सांताक्रूझ), सूर्योदय क्रीडा मंडळ गोविंदा पथक (सांताक्रूझ), बाळ गोपाळ मित्र मंडळ गोविंदा पथक (अॅण्टॉप हिल) यांनीही न्यायालयाच्या नियमांचे उल्लंघन करत नियमापेक्षा जास्त थर रचले, तर अभिनव गोविंदा पथक (घाटकोपर), वीर बजरंग गोविंदा पथक (घाटकोपर), अष्टविनायक गोविंदा पथक (वडाळा) या मंडळांनी अल्पवयीन मुलांना थरांवर चढवल्याने त्यांच्यावर चेंबूर पोलिस ठाण्यात गुन्हा नोंदवल्याचे पोलिस उपायुक्त शहाजी उमाप यांनी सांगितले. तर शिवाजी पार्क परिसरात परवानगी नसताना दहीहंडी उत्सवाचे आयोजन करत, शांतता परिसरात मोठ्याने साऊंड सिस्टीम लावल्याप्रकरणी गोल्डन क्रीडा मंडळावर (दादर) शिवाजी पार्क पोलिसांनी गुन्हा नोंदवला आहे.
गुन्हे दाखल झालेली मंडळे
कांजुरमार्ग पोलीस ठाणे - नूतन भीमज्योत क्रीडा मंडळ, सद्गुरूमंडळ पंतनगर, ओमसाई सेवा मंडळ, स्वयंभू हनुमान गोविंदा पथक विक्रोळी
घाटकोपर पोलीस ठाणे - रायगड चौक गोविंदा पथक
ना. म. जोशी मार्ग पोलिस ठाणे - गांधीनगर स्पोर्ट्स क्लब, वरळी
भांडुप पोलीस ठाणे - सन्मित्र मंडळ, घाटकोपर, आदिवासी मंडळ, अंधेरी, विक्रोळी - सिद्धिविनायक गोविंदा पथक
विजेच्या धक्क्याने गोविंदाचा मृत्यू
सांताक्रूझ-वाकोला येथे शॉक लागून एका गोविंदाचा मृत्यू झाला आहे. स्वप्निल खोबरेकर (२५) असे त्याचे नाव आहे. शॉक लागल्यानंतर या गोविंदाला व्ही. एन. देसाई रुग्णालात दाखल करण्यात आले. मात्र, डॉक्टरांनी त्याला मृत घोषित केले.
पालिका जखमींचा चाचण्यांचा खर्च करणार
पालिका रुग्णालयात उपचारांसाठी दाखल केलेल्या १८ वर्षांच्या खालील बहुतांश गोविंदांच्या डोक्याला मार लागल्याचे निष्पन्न झाले आहे. पालिका रुग्णालयातील जखमी गोविंदांचे सीटी स्कॅन, एमआरआय आदी चाचण्यांचा खर्च पालिका करणार आहे.
मुंबईत दहीहंडी फोडताना १२६ गोविंदा जखमी झाले. त्यापैकी ३४ गोविंदांना पालिकेच्या वेगवेगळ्या रुग्णालयात उपचारांसाठी दाखल केले आहे. त्यातील बहुतांश गोविंदांच्या डोक्याला मार लागला आहे. यासंदर्भात पालिका रुग्णालयाचे संचालक व केईएम रुग्णालयाचे डीन डॉ. अविनाश सुपे म्हणाले की, जखमी गोविंदांवर खास करून लहान मुलांवर सर्वोत्कृष्ट उपचार करण्याचा प्रयत्न आहे. डोक्याला मार लागलेल्या जखमी गोविंदांच्या सिटी स्कॅन व एमआरआय चाचण्या करण्यात आल्या आहेत. पण, गंभीर स्वरूपाची दुखापत दिसून आली नाही. उपचारांच्या खर्चाबाबत विचारले असता, त्यांच्या चाचण्यांसाठी कोणतेही शुल्क आकारण्यात येणार नाही. शक्य तेवढे मोफत उपचार देण्याचा आमचा प्रयत्न आहे, असे डॉ. सुपे म्हणाले.
'त्या' अल्पवयीन गोविंदाची प्रकृती चिंताजनक
उल्हासनगर कॅम्प ४ येथील लालचक्की चौकात शिवसेना- युवासेनेच्या वतीने आयोजित दहीहंडी उत्सवात १२ वर्षांचा गोविंदा सहाव्या थरावरून खाली कोसळून गंभीर जखमी झाला. त्याची प्रकृती चिंताजनक असून त्याच्या मेंदूला आणि फुप्फुसाला गंभीर मार लागला आहे. कल्याणच्या फोर्टीस रुग्णालयात त्याच्यावर उपचार सुरू आहेत. याप्रकरणी शिवतेज मित्र मंडळाचे अध्यक्ष राजेंद्र माने व गोविंदा पथकाचा प्रमुख योगेश कैलास डांगे यांच्याविरोधात गुन्हा दाखल करण्यात आला आहे.
लालचक्की चौकातील दहीहंडी आयोजनासाठी शिवतेज मित्र मंडळाचे अध्यक्ष राजेंद्र माने व गोविंदा पथकाचा प्रमुख योगेश डांगे यांनी २० फुटांपेक्षा जास्त उंचीचे थर उभारले, तसेच १२ वर्षीय सुजल उमेश धाडपकर याचा गोविंदा पथकात समावेश करून न्यायालयाच्या आदेशाचा अवमान केल्याने त्यांच्याविरोधात विठ्ठलवाडी गुन्हा दाखल करण्यात आला आहे. मात्र या दहीहंडीच्या आमंत्रणपत्रिकेत मुख्य आयोजक शहरप्रमुख राजेंद्र चौधरी व युवासेना शहरअधिकारी धीरज ठाकूर यांचे नाव दिलेले आहे. त्यांच्यावरही कारवाई करायला हवी, अशी चर्चा सुरू आहे.