म. टा. खास प्रतिनिधी, मुंबई
दिवसभर पावसाने दर्शन न दिल्याने गुरुवारी नवरात्रीच्या सहाव्या दिवशी दांडियाप्रेमींना दिलासा मिळतो ना मिळतो तोच संध्याकाळी उशिरा रिमझिम सुरू झाली. अधेमधे होणाऱ्या शिडकाव्याने कार्यक्रमाला थोडा विलंब झाला तरी आरतीला सुरुवात झाल्यावर मात्र मग दांडियाप्रेमी स्वतःला थांबवू शकले नाहीत. त्यानंतर पावसानेही रात्रीपर्यंत पुन्हा उपस्थिती लावली नाही.
ऑफिसमधून येणाऱ्यांना उपनगराच्या शेवटच्या टोकापर्यंत यायला सात-साडे सात वाजून जात असल्याने रात्री आठनंतर दांडियासाठी गर्दी वाढायला सुरुवात होते. बोरिवली पश्चिमेला लिंक रोड, चंदावरकर मार्ग, कोरा केंद्र येथे प्रीती-पिंकी, फाल्गुनी पाठक असे तीन मोठे दांडियाचे कार्यक्रम होत असल्याने लिंक रोड, चंदावरकर मार्ग येथे गेले काही दिवस साडे सातनंतर ट्रॅफिक जामची समस्याही जाणवत आहे. संध्याकाळी साडे सातनंतर हे रस्ते विविध रंगी दिसायला लागतात. झाडांवर केलेली रोषणाई आणि खाली रस्त्यावर दिसणारे हे विविध रंग यामुळे परिसराचे स्वरूपच पूर्ण बदलून गेलेले जाणवते. रात्री साडे दहा-अकरापर्यंत ही गर्दी या रस्त्यांवर दिसून येते.
साडे सातनंतर मैदानात कार्यक्रमासाठी प्रवेश मिळाल्यावर मग नाचायला आपल्या मित्रमंडळींना जास्तीत जास्त जागा कशी मिळेल याची काळजी घेत वर्तुळाकार मानवी सीमा आखण्यात येतात आणि मग हळूहळू ताल पकडत सुरू होतो जल्लोष. नवरात्रीचा हा इव्हेण्ट म्हणजे नवनवीन फॅशन स्टेटमेंट्सची झलक झाला आहे. चनिया-चोळी तर या कार्यक्रमामध्ये हटकून असतेच मात्र जीन्सवर रंगीत जॅकेट, जीन्स आणि टॉपवर साडीप्रमाणे घेतलेली ओढणी, कमरेला छल्ला, कंबरपट्टा बांधून त्याला दिलेला हटके लूक, अनारकली पंजाबी असा दांडियासाठी साजेसा पोशाख करून तरुणाईच नाही तर हौशी ज्येष्ठ नागरिक महिलासुद्धा यामध्ये सामील होतात. नाचण्याला, धमाल करायला कुठेही वयाचा अडसर या कार्यक्रमात जाणवत नाही. या गाण्यांमधून एनर्जी मिळत असल्याचे सांगत रात्री दहापर्यंत अनेक दांडियाप्रेमी अथक नाचतात.
अर्थात मैदानांमध्ये त्यांच्या खाण्यापिण्याची सोयही करण्यात आली आहे. मैदानामध्ये उंधियो या खास गुजराती स्पेशल डिशपासून पिझ्झा, मोमोजचे स्टॉल लागलेले दिसतात. आइस्क्रीम, कोल्ड्रींक याचेही स्टॉल्स इथे आवर्जून दिसतात. कार्यक्रमाच्या मैदानाबाहेरही खाण्यापिण्याच्या अनेक गाड्या लागलेल्या असतात. त्यामुळे नाचून दमल्यावर खाण्याचा रेडी ऑप्शन इथे उपलब्ध होतात. या नऊ दिवसांमध्ये डान्स, मस्ती आणि खादाडीचा पुरेपुर आनंद या कार्यक्रमांमधून मिळताना दिसतो.
दिवसभर पावसाने दर्शन न दिल्याने गुरुवारी नवरात्रीच्या सहाव्या दिवशी दांडियाप्रेमींना दिलासा मिळतो ना मिळतो तोच संध्याकाळी उशिरा रिमझिम सुरू झाली. अधेमधे होणाऱ्या शिडकाव्याने कार्यक्रमाला थोडा विलंब झाला तरी आरतीला सुरुवात झाल्यावर मात्र मग दांडियाप्रेमी स्वतःला थांबवू शकले नाहीत. त्यानंतर पावसानेही रात्रीपर्यंत पुन्हा उपस्थिती लावली नाही.
ऑफिसमधून येणाऱ्यांना उपनगराच्या शेवटच्या टोकापर्यंत यायला सात-साडे सात वाजून जात असल्याने रात्री आठनंतर दांडियासाठी गर्दी वाढायला सुरुवात होते. बोरिवली पश्चिमेला लिंक रोड, चंदावरकर मार्ग, कोरा केंद्र येथे प्रीती-पिंकी, फाल्गुनी पाठक असे तीन मोठे दांडियाचे कार्यक्रम होत असल्याने लिंक रोड, चंदावरकर मार्ग येथे गेले काही दिवस साडे सातनंतर ट्रॅफिक जामची समस्याही जाणवत आहे. संध्याकाळी साडे सातनंतर हे रस्ते विविध रंगी दिसायला लागतात. झाडांवर केलेली रोषणाई आणि खाली रस्त्यावर दिसणारे हे विविध रंग यामुळे परिसराचे स्वरूपच पूर्ण बदलून गेलेले जाणवते. रात्री साडे दहा-अकरापर्यंत ही गर्दी या रस्त्यांवर दिसून येते.
साडे सातनंतर मैदानात कार्यक्रमासाठी प्रवेश मिळाल्यावर मग नाचायला आपल्या मित्रमंडळींना जास्तीत जास्त जागा कशी मिळेल याची काळजी घेत वर्तुळाकार मानवी सीमा आखण्यात येतात आणि मग हळूहळू ताल पकडत सुरू होतो जल्लोष. नवरात्रीचा हा इव्हेण्ट म्हणजे नवनवीन फॅशन स्टेटमेंट्सची झलक झाला आहे. चनिया-चोळी तर या कार्यक्रमामध्ये हटकून असतेच मात्र जीन्सवर रंगीत जॅकेट, जीन्स आणि टॉपवर साडीप्रमाणे घेतलेली ओढणी, कमरेला छल्ला, कंबरपट्टा बांधून त्याला दिलेला हटके लूक, अनारकली पंजाबी असा दांडियासाठी साजेसा पोशाख करून तरुणाईच नाही तर हौशी ज्येष्ठ नागरिक महिलासुद्धा यामध्ये सामील होतात. नाचण्याला, धमाल करायला कुठेही वयाचा अडसर या कार्यक्रमात जाणवत नाही. या गाण्यांमधून एनर्जी मिळत असल्याचे सांगत रात्री दहापर्यंत अनेक दांडियाप्रेमी अथक नाचतात.
अर्थात मैदानांमध्ये त्यांच्या खाण्यापिण्याची सोयही करण्यात आली आहे. मैदानामध्ये उंधियो या खास गुजराती स्पेशल डिशपासून पिझ्झा, मोमोजचे स्टॉल लागलेले दिसतात. आइस्क्रीम, कोल्ड्रींक याचेही स्टॉल्स इथे आवर्जून दिसतात. कार्यक्रमाच्या मैदानाबाहेरही खाण्यापिण्याच्या अनेक गाड्या लागलेल्या असतात. त्यामुळे नाचून दमल्यावर खाण्याचा रेडी ऑप्शन इथे उपलब्ध होतात. या नऊ दिवसांमध्ये डान्स, मस्ती आणि खादाडीचा पुरेपुर आनंद या कार्यक्रमांमधून मिळताना दिसतो.