मटा ऑनलाइन वृत्त । मुंबई
'सोनू, तुला मुंबईवर भरोसा नाय का'?, 'मुंबईच्या रस्त्यात कसा झोल-झोल'...असं गाणं म्हणत पालिकेची 'पोलखोल' करणाऱ्या आरजे मलिष्का हिच्या घरात पालिकेच्या अधिकाऱ्यांना अळ्या सापडल्या आहेत.
वांद्रे पश्चिममधील पाली नाका येथे राहणाऱ्या मलिष्काच्या घरी पालिकेच्या अधिकाऱ्यांनी तपासणी केली. त्यावेळी पालिका अधिकाऱ्यांना मलिष्काच्या घरात शोभेच्या कुंडीखाली ठेवलेल्या डिशमध्ये साठलेल्या पाण्यात डेंग्यूच्या अळ्या सापडल्या. डेंग्यूच्या अळ्या घरात सापडल्याने पालिकेच्या एच वॉर्ड कार्यालयाने मलिष्काची आई लिली यांना नोटीस दिली आहे. दरम्यान, पालिकेने याप्रकरणी नियमानुसार कारवाई करावी अशी मागणी सभागृह नेते यशवंत जाधव यांनी केली आहे.
मलिष्का मेंडोन्सा ही आरजे मलिष्का नावानं प्रसिद्ध आहे. रेडिओ एफएममध्ये काम करीत असलेल्या मलिष्कानं काही दिवसापूर्वी मुंबई महापालिकेच्या रस्ते घोटाळ्यावर भाष्य करणारं गाणं गायलं होतं. मलिष्काचं हे गाणं सोशल मीडियावर चांगलंच व्हायरल झालं होतं. मलिष्काच्या गाण्यानं दुखावलेल्या सत्ताधारी शिवसेनेने मलिष्काला गाण्यातून प्रत्युत्तर देण्याच प्रयत्न केला होता. दरम्यान, पालिकेची पोलखोल केल्यानेच पालिकेच्या अधिकाऱ्यांनी मलिष्काच्या घराची तपासणी केलीय, अशी चर्चा होत आहे.
मलिष्कावर पालिकेने कारवाई करावी
आरजे मलिष्काने मुंबई महापालिकेची बदनामी केली असल्याने पालिकेने ९३.५ रेड एफएमवर ५०० कोटींचा अब्रुनुकसानीचा दावा ठोकावा, अशी मागणी युवा सेनेचे अमेय घोले व समाधान सरवणकर यांनी पालिका आयुक्तांकडे केली आहे. मलिष्काच्या गाण्यात थेट शिवसेनेचा उल्लेख नाही परंतु मुंबई आणि पालिकेची बदनामी झाल्याने हा दावा पालिकेने ठोकावा, असं त्यांनी म्हटलंय.
'सोनू, तुला मुंबईवर भरोसा नाय का'?, 'मुंबईच्या रस्त्यात कसा झोल-झोल'...असं गाणं म्हणत पालिकेची 'पोलखोल' करणाऱ्या आरजे मलिष्का हिच्या घरात पालिकेच्या अधिकाऱ्यांना अळ्या सापडल्या आहेत.
वांद्रे पश्चिममधील पाली नाका येथे राहणाऱ्या मलिष्काच्या घरी पालिकेच्या अधिकाऱ्यांनी तपासणी केली. त्यावेळी पालिका अधिकाऱ्यांना मलिष्काच्या घरात शोभेच्या कुंडीखाली ठेवलेल्या डिशमध्ये साठलेल्या पाण्यात डेंग्यूच्या अळ्या सापडल्या. डेंग्यूच्या अळ्या घरात सापडल्याने पालिकेच्या एच वॉर्ड कार्यालयाने मलिष्काची आई लिली यांना नोटीस दिली आहे. दरम्यान, पालिकेने याप्रकरणी नियमानुसार कारवाई करावी अशी मागणी सभागृह नेते यशवंत जाधव यांनी केली आहे.
मलिष्का मेंडोन्सा ही आरजे मलिष्का नावानं प्रसिद्ध आहे. रेडिओ एफएममध्ये काम करीत असलेल्या मलिष्कानं काही दिवसापूर्वी मुंबई महापालिकेच्या रस्ते घोटाळ्यावर भाष्य करणारं गाणं गायलं होतं. मलिष्काचं हे गाणं सोशल मीडियावर चांगलंच व्हायरल झालं होतं. मलिष्काच्या गाण्यानं दुखावलेल्या सत्ताधारी शिवसेनेने मलिष्काला गाण्यातून प्रत्युत्तर देण्याच प्रयत्न केला होता. दरम्यान, पालिकेची पोलखोल केल्यानेच पालिकेच्या अधिकाऱ्यांनी मलिष्काच्या घराची तपासणी केलीय, अशी चर्चा होत आहे.
मलिष्कावर पालिकेने कारवाई करावी
आरजे मलिष्काने मुंबई महापालिकेची बदनामी केली असल्याने पालिकेने ९३.५ रेड एफएमवर ५०० कोटींचा अब्रुनुकसानीचा दावा ठोकावा, अशी मागणी युवा सेनेचे अमेय घोले व समाधान सरवणकर यांनी पालिका आयुक्तांकडे केली आहे. मलिष्काच्या गाण्यात थेट शिवसेनेचा उल्लेख नाही परंतु मुंबई आणि पालिकेची बदनामी झाल्याने हा दावा पालिकेने ठोकावा, असं त्यांनी म्हटलंय.