मनी लाँड्रिंगच्या प्रकरण : कुंदन शिंदे यांच्या जामिनावर २३ रोजी निर्णय?

मुंबई : माजी गृहमंत्री व राष्ट्रवादी काँग्रेसचे नेते अनिल देशमुख यांच्याविरोधातील मनी लाँड्रिंगच्या प्रकरणात सहआरोपी असलेला त्यांचा माजी स्वीय सहायक कुंदन शिंदे याच्या जामीन अर्जावरील सुनावणी विशेष पीएमएलए न्यायालयाने बुधवारी पूर्ण करून आपला निर्णय राखून ठेवला. तसेच हे प्रकरण २३ जानेवारी रोजी पुन्हा सुनावणीस ठेवले. त्यामुळे त्यादिवशी जामिनाचा निर्णय होण्याची शक्यता आहे.

कुंदन शिंदे २६ जूनपासून याप्रकरणी अटकेत आहे. सक्तवसुली संचालनालयाने (ईडी) त्याला देशमुख यांचा स्वीय सचिव संजीव पलांडे याच्यासोबतच अटक केली होती. देशमुख यांना मुंबई उच्च न्यायालयाकडून सशर्त जामीन मिळाला असल्याच्या पार्श्वभूमीवर, शिंदेने अॅड. अनिकेत निकम यांच्यामार्फत पीएमएलए न्यायालयात जामीन अर्ज केला आहे.