सकाळी कॉलेज, दुपारी तालीम आणि रात्री एक वाजेपर्यंत जिवंत देखाव्याचं काम, असं व्यग्र वेळापत्रक वाचून आश्चर्यचकीत झालात ना? हे वेळापत्रक घाटकोपरच्या अखिल भटवाडी सार्वजनिक गणेशोत्सव मंडळाच्या सहा अवलियांचं आहे. कारण आपल्या दमदार अभिनयानं या सहा अवलियांनी मंडळाचा जिवंत देखावा उभा केलाय, त्याविषयी...
मुंबई टाइम्स टीम
एकीकडे बहुतांश गणेशोत्सव मंडळांनी देखाव्याकडून दिखाव्याकडे प्रवास सुरु केला आहे. तर दुसरीकडे काही मंडळं कालबाह्य ठरत चाललेल्या जिवंत देखाव्यांची परंपरा आजही जपतायत. घाटकोपरच्या अखिल भटवाडी सार्वजनिक गणेशोत्सव मंडळाचा असाच एक जिवंत देखावा सध्या सर्वांचंच लक्ष वेधून घेतोय. या जिवंत देखाव्यामध्ये सहभागी झालेल्या सहा कॉलेजिअन्सची आणि त्यांनी गणेशभक्तांना 'याची देही, याची डोळा' दिलेल्या पंढरपूर वारीच्या विलक्षण अनुभवाची चर्चा सध्या रंगते आहे.
उत्सवापूर्वी कोकणासह पश्चिम महाराष्ट्रावर ओढवलेल्या पूरपरिस्थितीचं भान राखत मंडळाने स्वतः सांगलीत जाऊन मदत केली. पण यंदा बाप्पासाठी सजावट काय असावी असा प्रश्न उपस्थित झाल्यानंतर पंढरपूरच्या वारीचा अनुभव गणेशभक्तांना देण्याचं ठरलं. यातही काही तरी वेगळेपण असायला हवं अशी कार्यकर्त्यांची इच्छा होती. मग काय, अलीकडे कालबाह्य ठरत चाललेला जिवंत देखावा उभारण्याचा निर्णय मंडळाने घेतला. हा निर्णय सर्वच स्तरावर कौतुकाचा विषय ठरतो आहे. भाविकांसोबत संवाद साधत, त्यांनाही सहभागी करून घेत देखावा सादर करण्याचा बहुदा पहिल्यांदाच प्रयत्न मंडळाकडून करण्यात आलाय. या देखाव्याची संहिता ज्येष्ठ अभिनेते प्रमोद पवारांच्या लेखणीतून उतरली असून, त्यांच्याच भारदस्त आवाजात रेकॉर्डिंगही झाले आहे.
या देखाव्यामध्ये सहभागी झालेल्या सहा विद्यार्थ्यांनी या देखाव्यात खऱ्याअर्थाने जीव ओतला आहे. सकाळी कॉलेज, दुपारी तालीम आणि संध्याकाळी ७ वाजता देखाव्याच्या सादरीकरणाला सुरुवात झाली की थेट भाविकांच्या गर्दीत रात्री १ पर्यंत चालणारे सादरीकरण, असं व्यग्र वेळापत्रक या विद्यार्थ्यांचं आहे. हे विद्यार्थी खास सादरीकरणासाठी ठाण्याहून घाटकोपर गाठतात आणि रात्रभर भटवाडीकर होऊन जातात. या सादरीकरणात मंगेश गोळे (विठ्ठल), करिष्मा गचांडे (रुक्मिणी), प्रेम कनोजिया (भाम्बाजी आणि नवतरुण), संदीप पवार (संत तुकाराम) आणि प्रणाली गुरव (संत जनाबाई) यांनी भूमिका साकारल्या आहेत. 'या देखाव्याच्या निमित्तानं आमच्या कलेला देखील योग्य रीतीने वाव मिळाला आहे. हा अनुभव खरं तर आमच्यासाठी देखील विलक्षण असा आहे', अशी प्रतिक्रिया या तरुणांनी दिली. या देख्याव्याचं कौतुक ऐकून लांबून येणाऱ्या भाविकांच्या अलोट गर्दीमुळे मागील तीन दिवसात ही सादरीकरणं रात्री दोन वाजेपर्यंत सुरु आहेत. ही मुले कुठल्याही तक्रारीशिवाय आपल्या कलेचा आविष्कार भाविकांना दाखवत असल्याचं मंडळाच्या प्रतीक जाधवनं सांगितलं. या सादरीकरणाला अजून उठावदार बनवण्यासाठी कला-दिग्दर्शक अतुल खुळेंनी सजावटीची भूमिका बजावली आहे. बाप्पाच्या साक्षीनं पंढरपूरच्या वारीचा जास्तीतजास्त अनुभव घ्यावा असं आवाहन कार्याध्यक्ष अभिषेक घाग यांनी केलं आहे.
मुंबई टाइम्स टीम
एकीकडे बहुतांश गणेशोत्सव मंडळांनी देखाव्याकडून दिखाव्याकडे प्रवास सुरु केला आहे. तर दुसरीकडे काही मंडळं कालबाह्य ठरत चाललेल्या जिवंत देखाव्यांची परंपरा आजही जपतायत. घाटकोपरच्या अखिल भटवाडी सार्वजनिक गणेशोत्सव मंडळाचा असाच एक जिवंत देखावा सध्या सर्वांचंच लक्ष वेधून घेतोय. या जिवंत देखाव्यामध्ये सहभागी झालेल्या सहा कॉलेजिअन्सची आणि त्यांनी गणेशभक्तांना 'याची देही, याची डोळा' दिलेल्या पंढरपूर वारीच्या विलक्षण अनुभवाची चर्चा सध्या रंगते आहे.
उत्सवापूर्वी कोकणासह पश्चिम महाराष्ट्रावर ओढवलेल्या पूरपरिस्थितीचं भान राखत मंडळाने स्वतः सांगलीत जाऊन मदत केली. पण यंदा बाप्पासाठी सजावट काय असावी असा प्रश्न उपस्थित झाल्यानंतर पंढरपूरच्या वारीचा अनुभव गणेशभक्तांना देण्याचं ठरलं. यातही काही तरी वेगळेपण असायला हवं अशी कार्यकर्त्यांची इच्छा होती. मग काय, अलीकडे कालबाह्य ठरत चाललेला जिवंत देखावा उभारण्याचा निर्णय मंडळाने घेतला. हा निर्णय सर्वच स्तरावर कौतुकाचा विषय ठरतो आहे. भाविकांसोबत संवाद साधत, त्यांनाही सहभागी करून घेत देखावा सादर करण्याचा बहुदा पहिल्यांदाच प्रयत्न मंडळाकडून करण्यात आलाय. या देखाव्याची संहिता ज्येष्ठ अभिनेते प्रमोद पवारांच्या लेखणीतून उतरली असून, त्यांच्याच भारदस्त आवाजात रेकॉर्डिंगही झाले आहे.
या देखाव्यामध्ये सहभागी झालेल्या सहा विद्यार्थ्यांनी या देखाव्यात खऱ्याअर्थाने जीव ओतला आहे. सकाळी कॉलेज, दुपारी तालीम आणि संध्याकाळी ७ वाजता देखाव्याच्या सादरीकरणाला सुरुवात झाली की थेट भाविकांच्या गर्दीत रात्री १ पर्यंत चालणारे सादरीकरण, असं व्यग्र वेळापत्रक या विद्यार्थ्यांचं आहे. हे विद्यार्थी खास सादरीकरणासाठी ठाण्याहून घाटकोपर गाठतात आणि रात्रभर भटवाडीकर होऊन जातात. या सादरीकरणात मंगेश गोळे (विठ्ठल), करिष्मा गचांडे (रुक्मिणी), प्रेम कनोजिया (भाम्बाजी आणि नवतरुण), संदीप पवार (संत तुकाराम) आणि प्रणाली गुरव (संत जनाबाई) यांनी भूमिका साकारल्या आहेत. 'या देखाव्याच्या निमित्तानं आमच्या कलेला देखील योग्य रीतीने वाव मिळाला आहे. हा अनुभव खरं तर आमच्यासाठी देखील विलक्षण असा आहे', अशी प्रतिक्रिया या तरुणांनी दिली. या देख्याव्याचं कौतुक ऐकून लांबून येणाऱ्या भाविकांच्या अलोट गर्दीमुळे मागील तीन दिवसात ही सादरीकरणं रात्री दोन वाजेपर्यंत सुरु आहेत. ही मुले कुठल्याही तक्रारीशिवाय आपल्या कलेचा आविष्कार भाविकांना दाखवत असल्याचं मंडळाच्या प्रतीक जाधवनं सांगितलं. या सादरीकरणाला अजून उठावदार बनवण्यासाठी कला-दिग्दर्शक अतुल खुळेंनी सजावटीची भूमिका बजावली आहे. बाप्पाच्या साक्षीनं पंढरपूरच्या वारीचा जास्तीतजास्त अनुभव घ्यावा असं आवाहन कार्याध्यक्ष अभिषेक घाग यांनी केलं आहे.