म. टा. प्रतिनिधी, मुंबई
'संध्याकाळी घरी येताना सीएसएमटीच्या 'डीपी' सेंटरमध्ये आलेले ऑनलाइन पार्सल घेऊन या...' येत्या काही दिवसांत बायकोने असे सांगितल्यास तो आदेश पूर्ण करण्याची तयारी नवरोबांनी ठेवावी. मुंबईतील धावपळीच्या जीवनात कार्यालयीन व्यस्त कामकाजामुळे घरी ऑनलाइन डिलिव्हरी घेऊ न शकणाऱ्या प्रवाशांसाठी रेल्वे स्थानकांतच 'डीपी (डीलिव्हरी-पिकअप) सेंटर' उभारण्याचा निर्णय मध्य रेल्वेने घेतला आहे. सीएसएमटीसह दादर, ठाणे आणि कल्याण स्थानकांत हे सेंटर कार्यान्वित झाल्यावर ऑनलाइन सामानाच्या डिलिव्हरीच्या चिंतेपासून प्रवाशांची सुटका होईल.
शहरातील बहुतांश जोडपी नोकरी, व्यवसायामुळे बाहेर असतात. हल्ली घरातील अनेक वस्तू ऑनलाइन संकेतस्थळांवरून मागवण्यात येतात. मात्र दुपारच्या वेळी घर बंद असल्यामुळे वस्तू परत जातात. यामुळे ती वस्तू घेण्यासाठी मुंबईकरांना वेळ वाया घालवावा लागतो. या कटकटीपासून सुटका मिळवण्यासाठी थेट रेल्वे स्थानकांत डीपी सेंटर उभारण्याचे नियोजन मध्य रेल्वेने केले आहे.
अॅमेझोन या ऑनलाइन या ई-कॉमर्स कंपनीच्या मदतीने सेंटर उभारण्यात येतील. सद्यस्थितीत मध्य रेल्वेवरील सीएसएमटी स्थानकासह दादर, ठाणे आणि कल्याण स्थानकांवर डीपी सेंटर उभारण्यात येतील. सकाळी ८ ते रात्री ८ या वेळेत हे सेंटर खुले राहणार आहे. येत्या पंधरा दिवसांत हे सेंटर सुरू होऊन प्रवाशांना या मोफत सेवेचा लाभ घेता येईल, अशी माहिती मुंबई विभागातील अधिकृत रेल्वे सूत्रांनी दिली.
चार रेल्वे स्थानकांवर प्रत्येकी ६ बाय ६ आकाराचे, ३६ चौरस फूट आकाराचे हे सेंटर असेल. सेंटरमध्ये सामानाची देखभाल करण्यासाठी खासगी कंपनीचा कर्मचारी नियुक्त करण्यात येणार आहे. ग्राहकाची ओळख पटवून संबंधित सामान देण्यात येईल. चार रेल्वे स्थानकांवर तीन महिन्यांसाठी प्रायोगिक तत्त्वावर हा उपक्रम सुरु करण्यात आला आहे. प्रवाशांच्या प्रतिसादानंतर या उपक्रमाचा कालावधी वाढवून सर्व रेल्वे स्थानकांत हा उपक्रम सुरू करण्याचे नियोजन आहे, अशी माहिती अधिकृत रेल्वे अधिकाऱ्यांनी दिली.
रेल्वे स्थानकांवर प्रायोगिक तत्त्वावर हा उपक्रम राबवण्यात येत आहे. उपक्रमामुळे प्रवासी आणि मध्य रेल्वे दोघांना फायदा होईल. प्रवाशांना कमी वेळेत कार्यालयीन वेळेत ऑनलाइन सामान उपलब्ध होणार असून उपक्रमाच्या माध्यमातून मध्य रेल्वेला आर्थिक उत्पन्न मिळणार आहे. हा प्रयोग यशस्वी ठरल्यास अन्य रेल्वे स्थानकांत हा उपक्रम राबवण्यात येईल.
-शिवाजी सुतार, मुख्य जनसंपर्क अधिकारी, मध्य रेल्वे
'संध्याकाळी घरी येताना सीएसएमटीच्या 'डीपी' सेंटरमध्ये आलेले ऑनलाइन पार्सल घेऊन या...' येत्या काही दिवसांत बायकोने असे सांगितल्यास तो आदेश पूर्ण करण्याची तयारी नवरोबांनी ठेवावी. मुंबईतील धावपळीच्या जीवनात कार्यालयीन व्यस्त कामकाजामुळे घरी ऑनलाइन डिलिव्हरी घेऊ न शकणाऱ्या प्रवाशांसाठी रेल्वे स्थानकांतच 'डीपी (डीलिव्हरी-पिकअप) सेंटर' उभारण्याचा निर्णय मध्य रेल्वेने घेतला आहे. सीएसएमटीसह दादर, ठाणे आणि कल्याण स्थानकांत हे सेंटर कार्यान्वित झाल्यावर ऑनलाइन सामानाच्या डिलिव्हरीच्या चिंतेपासून प्रवाशांची सुटका होईल.
शहरातील बहुतांश जोडपी नोकरी, व्यवसायामुळे बाहेर असतात. हल्ली घरातील अनेक वस्तू ऑनलाइन संकेतस्थळांवरून मागवण्यात येतात. मात्र दुपारच्या वेळी घर बंद असल्यामुळे वस्तू परत जातात. यामुळे ती वस्तू घेण्यासाठी मुंबईकरांना वेळ वाया घालवावा लागतो. या कटकटीपासून सुटका मिळवण्यासाठी थेट रेल्वे स्थानकांत डीपी सेंटर उभारण्याचे नियोजन मध्य रेल्वेने केले आहे.
अॅमेझोन या ऑनलाइन या ई-कॉमर्स कंपनीच्या मदतीने सेंटर उभारण्यात येतील. सद्यस्थितीत मध्य रेल्वेवरील सीएसएमटी स्थानकासह दादर, ठाणे आणि कल्याण स्थानकांवर डीपी सेंटर उभारण्यात येतील. सकाळी ८ ते रात्री ८ या वेळेत हे सेंटर खुले राहणार आहे. येत्या पंधरा दिवसांत हे सेंटर सुरू होऊन प्रवाशांना या मोफत सेवेचा लाभ घेता येईल, अशी माहिती मुंबई विभागातील अधिकृत रेल्वे सूत्रांनी दिली.
चार रेल्वे स्थानकांवर प्रत्येकी ६ बाय ६ आकाराचे, ३६ चौरस फूट आकाराचे हे सेंटर असेल. सेंटरमध्ये सामानाची देखभाल करण्यासाठी खासगी कंपनीचा कर्मचारी नियुक्त करण्यात येणार आहे. ग्राहकाची ओळख पटवून संबंधित सामान देण्यात येईल. चार रेल्वे स्थानकांवर तीन महिन्यांसाठी प्रायोगिक तत्त्वावर हा उपक्रम सुरु करण्यात आला आहे. प्रवाशांच्या प्रतिसादानंतर या उपक्रमाचा कालावधी वाढवून सर्व रेल्वे स्थानकांत हा उपक्रम सुरू करण्याचे नियोजन आहे, अशी माहिती अधिकृत रेल्वे अधिकाऱ्यांनी दिली.
रेल्वे स्थानकांवर प्रायोगिक तत्त्वावर हा उपक्रम राबवण्यात येत आहे. उपक्रमामुळे प्रवासी आणि मध्य रेल्वे दोघांना फायदा होईल. प्रवाशांना कमी वेळेत कार्यालयीन वेळेत ऑनलाइन सामान उपलब्ध होणार असून उपक्रमाच्या माध्यमातून मध्य रेल्वेला आर्थिक उत्पन्न मिळणार आहे. हा प्रयोग यशस्वी ठरल्यास अन्य रेल्वे स्थानकांत हा उपक्रम राबवण्यात येईल.
-शिवाजी सुतार, मुख्य जनसंपर्क अधिकारी, मध्य रेल्वे