अ‍ॅपशहर

कांदा निर्यातबंदी मागे घ्या; फडणवीसांचं केंद्र सरकारला पत्रं

कांदा निर्यातबंदी केल्यामुळे काँग्रेस-राष्ट्रवादीने केंद्र सरकारला घेरल्यानंतर विरोधी पक्षनेते देवेंद्र फडणवीस यांनी केंद्रीय व्यापार आणि वाणिज्य मंत्री पीयूष गोयल यांना पत्र लिहिलं आहे. कांदा निर्यातबंदी मागे घेण्याची विनंती त्यांनी या पत्रातून केली आहे.

महाराष्ट्र टाइम्स.कॉम 16 Sep 2020, 3:48 pm
मुंबई: केंद्र सरकारने कांदा निर्यातबंदी केल्यानंतर त्याचे महाराष्ट्रातून तीव्र आणि संतप्त पडसाद उमटल्यानंतर राज्य भाजपमध्ये खळबळ उडाली आहे. भाजप नेते आणि विरोधी पक्षनेते देवेंद्र फडणवीस यांनी केंद्रीय व्यापार आणि वाणिज्य मंत्री पीयूष गोयल यांना पत्र लिहून कांदा निर्यातबंदी मागे घेण्याची मागणी केली आहे.
महाराष्ट्र टाइम्स.कॉम devendra fadnavis
कांदा निर्यातबंदी मागे घ्या; फडणवीसांचं केंद्र सरकारला पत्रं


देवेंद्र फडणवीस यांनी आज केंद्रीय मंत्री पीयूष गोयल यांना पत्र लिहून ही मागणी केली आहे. कांदा निर्यातबंदी उठवण्याबाबत मी तुमच्याशी दुरध्वनीवरून संवाद साधला होता. त्यावेळी मी कांदा निर्यातबंदी उठवण्याची आपल्याकडे मागणी केली होती. त्यामुळे कांदा निर्यातबंदी त्वरीत मागे घ्यावी, अशी मी आपल्याला पुन्हा एकदा या पत्राद्वारे मागणी करत आहे, असं फडणवीस यांनी या पत्रात म्हटलं आहे. तसंच महाराष्ट्रातील कांद्याला आंतरराष्ट्रीय स्तरावर मोठी मागणी असते. त्यामुळे राज्यातील शेतकऱ्यांना त्यामुळे चांगली मिळकत होते. निर्यातबंदी घातल्यामुळे शेतकरी वर्ग प्रचंड नाराज असून दु:खी झाला आहे. त्यामुळे आपण लवकरच योग्य निर्णय घ्याल, ही आशा आहे, असंही त्यांनी या पत्रात नमूद केलं आहे.

कांदा निर्यातबंदी; अजितदादांनी केंद्रावर केला 'हा' आरोप

कांदा निर्यात बंदीवर कोण काय म्हणालं?

कांदा विक्रीतून शेतकऱ्यांना दोन पैसे मिळत होते. पण हे पैसे शेतकऱ्यांना मिळू न देण्याचा सरकराने घाट घातला आहे. शेतकऱ्यांना अडचणीत आणण्याचं महापाप सरकार करत असल्याचा आरोप करतानाच केंद्राच्या या निर्णयातून सरकार शेतकरी विरोधी असल्याचं दिसून येत असल्याची टीका उपमुख्यमंत्री अजित पवार यांनी केली आहे.

तर, केंद्र शासनाने कांदा निर्यात बंदीचा निर्णय घेतल्याने कांद्याच्या दरात घसरण सुरू झाली असून कांदा उत्पादक शेतकऱ्यांचे नुकसान होत आहे, असे सांगतानाच कांदा निर्यात बंदीचा केंद्राने फेरविचार करावा, अशी मागणी पणन मंत्री बाळासाहेब पाटील यांनी केली आहे. देशातील एकूण कांदा उत्पादनाचा विचार केला तर महाराष्ट्रात ७५ टक्के कांद्याचे उत्पादन घेतले जाते. निर्यातीमध्ये सुद्धा जवळपास ८० टक्के कांदा हा राज्यातील शेतकरी बांधवांचा असतो. त्यामुळे या शेतकरी बांधवांचे मोठे नुकसान होईल, असंही पाटील यांनी म्हटलं आहे.


कांदा निर्यातबंदी: शरद पवारांनी केंद्राला करून दिली 'या' धोक्याची जाणीव

दरम्यान, राष्ट्रवादीचे अध्यक्ष शरद पवार यांनी सुद्धा काल केंद्रीय वाणिज्य व उद्योग मंत्री पियुष गोयल यांची भेट घेऊन कांदा निर्यातबंदी संदर्भात चर्चा केली.तसेच राज्यात विविध ठिकाणी आंदोलन सुरू झाली आहेत, लिलाव थांबले आहेत. या सर्व बाबींचा विचार करून केंद्र शासनाने कांदा निर्यात बंदीच्या निर्णयाचा फेरविचार करावा, अशी मागणी त्यांनी केली. मुख्यमंत्री उद्धव ठाकरे, उपमुख्यमंत्री अजित पवार, महसूल मंत्री बाळासाहेब पाटील, कृषी मंत्री दादाजी भिसे यांच्याशी चर्चा करून केंद्र शासनाला कांदा निर्यात बंदी उठवावी, अशी विनंती करण्यात येईल असेही त्यांनी सांगितले.

कांदा निर्यातबंदीचा फेर विचार करा; पणन मंत्र्यांची मागणी

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज