मुंबईकरांसाठी अल्पदरात डायलिसिस सेवा

मुंबई महापालिकेची रुग्णालये व काही स्वयंसेवी संस्थांच्या जागा अशा बारा ठिकाणी सार्वजनिक खासगी भागीदारी (पीपीपी) तत्वावर १९९ डायलिसिस मशिन बसवण्यात येणार आहेत.

या केंद्रांतील प्रत्येक यंत्रावर दिवसातून किमान दोनवेळा डायलिसीस करता येऊ शकते. त्यामुळे दररोज ३९८ रुग्णांना डायलिसिसची सुविधा उपलब्ध होईल.- डॉ. पद्मजा केसकर, कार्यकारी आरोग्य अधिकारी आयीसी कॉलनी व एक्सर गाव बोरीवली(प),

साक‌ीनाका,

ओशिवरा,

वांद्रे, पवई,

व्ही. एन. देसाई,

पालिकेचे ज्योतिबा फुले रुग्णालय,

माँ रुग्णालय,

कुर्ला भाभा रुग्णालय या व्यवस्थेमुळे दररोज ३९८ रुग्णांना डायलिसिसची सुविधा उपलब्ध होईल. या सेंटरमध्ये सुमारे ३५० रुपये दर आकारण्यात येणार आहेत.

मुंबईत डायलिसिस केंद्रांची कमतरता आहे. पालिकेच्या रुग्णालयातील केंद्रांवर प्रचंड ताण आहे. नवीन केंद्रे तयार करण्यासाठी पालिकेवर मोठा आर्थिक ताण पडेल. त्यामुळे पीपीपी तत्वावर बारा ठिकाणी नवीन केंद्रे सुरू करण्यात येणार आहेत. त्यात १९९ डायलिसिस यंत्रे बसवण्यात येतील.



निविदा प्रक्रिया सुरू

या योजनेसाठी निविदा काढण्यात आल्या आहेत. या क्षेत्रात किमान तीन वर्षांचा अनुभव असणाऱ्या स्वयंसेवी संस्था व कंपन्यांना अर्ज करता येतील. पालिकेच्या रुग्णालयात सध्या डायलिसिससाठी ३५० रुपये शुल्क आकारण्यात येते. या नवीन केंद्रांमध्येही तेवढाच दर आकारण्यात येईल.