मटा ऑनलाइन वृत्त । मुंबई
राज्य मंडळातून पहिल्यांदाच कर्णबधिरांध विद्यार्थी परीक्षेला बसला आणि थोडेथोडके नव्हे ८४.२० टक्के मिळवत सौरभ चौगुलेने नेत्रदीपक यश मिळवले आहे. सौरभच्या सांगलीच्या घरात यामुळे आनंदाला उधाण आलं आहे. सौरभ मात्र या यशाने मोहून गेलेला नाही. त्याच्यासमोर एकच ध्येय आहे, त्याला लवकरात लवकर नोकरी करून वडिलांना आर्थिक हातभार लावायचा आहे. 'मटा ऑनलाइन'ने सर्वप्रथम सौरभच्या समस्येला बातमीतून वाचा फोडली होती.
कर्णबधिरांध (कर्णबधीर, मूकबधीर आणि अंध अशा तिन्ही व्याधींनी ग्रस्त) विद्यार्थी कधी दहावीच्या पायरीपर्यंत येऊ शकेल, याची राज्य बोर्डाने तरी अपेक्षाच केली नव्हती. त्यामुळे लेखनिक, प्रश्नपत्रिकाच नव्हे तर परीक्षेच्या अर्जात अपंगत्वाचा कोणता गट लिहायचा हे 'संगणकाला' न कळल्याने सौरभचा ऑनलाइन अर्जच भरला न जाण्यापासून अडचणी समोर आल्या. पण मंडळानेही त्यातून मार्ग काढला. सौरभला त्याचे शिक्षक प्रश्न स्पर्शाच्या भाषेत सांगणार, तो ते समजल्यावर पुन्हा शिक्षकांना त्याच भाषेत उत्तर देणार आणि शिक्षक ते उत्तर लेखनिकाला सांगणार अशा त्रांगड्यात सौरभची परीक्षा पार पडली. पण त्यातही त्याने ८४ टक्क्यांपर्यंत मजल मारली.
घरी आनंदोत्सव
'खूप समाधान वाटतंय. काय सांगू, मला शब्दच सुचत नाहीत. मला खात्री होती की तो पास होईल, पण इतके टक्के मिळतील असं खरंच वाटलं नव्हतं. अपेक्षेपेक्षा खूपच चांगली कामगिरी केली आहे त्याने,' सौरभची आई श्रद्धा चौगुले सांगत होत्या. निकाल पाहिल्यावर त्यांनी सौरभच्या हातावर खुणेनं टक्के सांगितले. तो शांतपणे 'ठीक आहे' इतकंच हातवाऱ्यांनी म्हणाला. सौरभचे वडील कारखान्यात काम करतात. सौरभच घरातला थोरला मुलगा. त्याची लहान बहिणही कर्णबधीर आहे, पण ती पाहू शकते. तिलाही दहावीत ७२ टक्के होते. ती डीएड करतेय. सौरभला मात्र पुढे शिकण्याऐवजी नोकरी करण्यात रस आहे.
विशेष मुलांच्या पालकांना कळकळीची विनंती...
सौरभ ज्या संस्थेतून शिकला त्या हेलन केलर इन्स्टिट्यूट फॉर डेफ अॅंड डेफब्लाइंड च्या शिक्षण विभागाच्या समन्वयक देवयानी हडकर म्हणाल्या, 'टेक महिंद्रा संस्थेने सौरभच्या शिक्षणाची जबाबदारी उचलली होती. समाजात असे लोक, संस्था आहे, म्हणून या मुलांना मोठा आधार मिळत आहे. सौरभबरोबरचा प्रवास खूपच रोमांचक होता. बोर्डाच्या वाशी आणि पुणे कार्यालयातील मंडळींची आस्था अनुभवता आली. वाशी कार्यालयातील विभागीय सचिव चांदेकर सर, चासकर मॅडम, जगे मॅडम व इतरांनी सौरभच्या प्रश्नाला प्राधान्य दिले. त्याला कोणत्या सवलती देता येतील याचा विचारविमर्श करण्याकरिता अध्यक्ष म्हमाणे सरांनी एक दिवस राखून ठेवला. विशेष मुलांच्या पालकांना कळकळीची विनंती की तुमच्या मुलांवर विश्वास ठेवा.'
राज्य मंडळातून पहिल्यांदाच कर्णबधिरांध विद्यार्थी परीक्षेला बसला आणि थोडेथोडके नव्हे ८४.२० टक्के मिळवत सौरभ चौगुलेने नेत्रदीपक यश मिळवले आहे. सौरभच्या सांगलीच्या घरात यामुळे आनंदाला उधाण आलं आहे. सौरभ मात्र या यशाने मोहून गेलेला नाही. त्याच्यासमोर एकच ध्येय आहे, त्याला लवकरात लवकर नोकरी करून वडिलांना आर्थिक हातभार लावायचा आहे. 'मटा ऑनलाइन'ने सर्वप्रथम सौरभच्या समस्येला बातमीतून वाचा फोडली होती.
कर्णबधिरांध (कर्णबधीर, मूकबधीर आणि अंध अशा तिन्ही व्याधींनी ग्रस्त) विद्यार्थी कधी दहावीच्या पायरीपर्यंत येऊ शकेल, याची राज्य बोर्डाने तरी अपेक्षाच केली नव्हती. त्यामुळे लेखनिक, प्रश्नपत्रिकाच नव्हे तर परीक्षेच्या अर्जात अपंगत्वाचा कोणता गट लिहायचा हे 'संगणकाला' न कळल्याने सौरभचा ऑनलाइन अर्जच भरला न जाण्यापासून अडचणी समोर आल्या. पण मंडळानेही त्यातून मार्ग काढला. सौरभला त्याचे शिक्षक प्रश्न स्पर्शाच्या भाषेत सांगणार, तो ते समजल्यावर पुन्हा शिक्षकांना त्याच भाषेत उत्तर देणार आणि शिक्षक ते उत्तर लेखनिकाला सांगणार अशा त्रांगड्यात सौरभची परीक्षा पार पडली. पण त्यातही त्याने ८४ टक्क्यांपर्यंत मजल मारली.
घरी आनंदोत्सव
'खूप समाधान वाटतंय. काय सांगू, मला शब्दच सुचत नाहीत. मला खात्री होती की तो पास होईल, पण इतके टक्के मिळतील असं खरंच वाटलं नव्हतं. अपेक्षेपेक्षा खूपच चांगली कामगिरी केली आहे त्याने,' सौरभची आई श्रद्धा चौगुले सांगत होत्या. निकाल पाहिल्यावर त्यांनी सौरभच्या हातावर खुणेनं टक्के सांगितले. तो शांतपणे 'ठीक आहे' इतकंच हातवाऱ्यांनी म्हणाला. सौरभचे वडील कारखान्यात काम करतात. सौरभच घरातला थोरला मुलगा. त्याची लहान बहिणही कर्णबधीर आहे, पण ती पाहू शकते. तिलाही दहावीत ७२ टक्के होते. ती डीएड करतेय. सौरभला मात्र पुढे शिकण्याऐवजी नोकरी करण्यात रस आहे.
विशेष मुलांच्या पालकांना कळकळीची विनंती...
सौरभ ज्या संस्थेतून शिकला त्या हेलन केलर इन्स्टिट्यूट फॉर डेफ अॅंड डेफब्लाइंड च्या शिक्षण विभागाच्या समन्वयक देवयानी हडकर म्हणाल्या, 'टेक महिंद्रा संस्थेने सौरभच्या शिक्षणाची जबाबदारी उचलली होती. समाजात असे लोक, संस्था आहे, म्हणून या मुलांना मोठा आधार मिळत आहे. सौरभबरोबरचा प्रवास खूपच रोमांचक होता. बोर्डाच्या वाशी आणि पुणे कार्यालयातील मंडळींची आस्था अनुभवता आली. वाशी कार्यालयातील विभागीय सचिव चांदेकर सर, चासकर मॅडम, जगे मॅडम व इतरांनी सौरभच्या प्रश्नाला प्राधान्य दिले. त्याला कोणत्या सवलती देता येतील याचा विचारविमर्श करण्याकरिता अध्यक्ष म्हमाणे सरांनी एक दिवस राखून ठेवला. विशेष मुलांच्या पालकांना कळकळीची विनंती की तुमच्या मुलांवर विश्वास ठेवा.'