अ‍ॅपशहर

​ गप्पा, सुरांची दिवाळी पहाट

महाराष्ट्र टाइम्स कल्चर क्लब सदस्यांसाठी लक्ष्मीपूजनाच्या दिवशी, गुरुवारी १९ ऑक्टोबरला सकाळी ६.३० वाजता माटुंगा येथील यशवंत नाट्यमंदिरामध्ये ‘सूर आले जुळूनी’ दिवाळी पहाट रंगणार आहे.

Maharashtra Times 14 Oct 2017, 4:01 am
कल्चर क्लब सदस्यांसाठी ‘सूर आले जुळूनी’
महाराष्ट्र टाइम्स.कॉम diwali pahat musical concert
​ गप्पा, सुरांची दिवाळी पहाट


म. टा. प्रतिनिधी, मुंबई

मराठी वाचक आणि दिवाळी पहाटेचे एक अनोखे नाते आहे. दिवाळी अंकांसोबतच मराठी-हिंदी भावस्पर्शी गाण्यांनी दिवाळीची पहाट सुरेल करण्याची परंपरा जपायला मराठी रसिकांना आवडते. याच इच्छेचा आदर ठेवत महाराष्ट्र टाइम्सतर्फे दरवर्षी दिवाळीमध्ये वैविध्यपूर्ण कार्यक्रमांचे आयोजन केले जाते. महाराष्ट्र टाइम्स कल्चर क्लब सदस्यांसाठी लक्ष्मीपूजनाच्या दिवशी, गुरुवारी १९ ऑक्टोबरला सकाळी ६.३० वाजता माटुंगा येथील यशवंत नाट्यमंदिरामध्ये ‘सूर आले जुळूनी’ दिवाळी पहाट रंगणार आहे.

सुमीत राघवन, सुनील बर्वे, स्वरांगी मराठे हे दिग्गज कलाकार ही दिवाळी पहाट आपल्या स्वरांनी आणि गप्पांनी रंगवणार आहेत. त्यांच्यासोबत सौरभ वखारे, शुभम वखारे, प्रणव देहेरेकर आणि पद्मनाभ गायकवाड हे गायक विविध गाणी सादर करणार आहेत. त्यांना विघ्नेश जोशी, अविनाश चंद्रचूड, मनीष कुलकर्णी, मनीष ठुंबरे आणि संतोष शर्मा हे कलाकार वाद्यसाथ करतील. या कार्यक्रमामध्ये नाट्यसंगीत, अभंग, भक्तिसंगीत, सिनेसंगीतातील गाणी सादर केली जातील. हे कलाकार आपल्याला आवडलेल्या गाण्यांबद्दल, अनुभवांबद्दल, संगीत प्रवासाबद्दल गप्पासुद्धा मारणार आहेत. त्यामुळे दिवाळी पहाटेचा हा अनुभव पुढील अनेक दिवसांसाठी नवा उत्साह देणारा ठरेल.

तिकिटांचे दर अनुक्रमे ५००, ४००, २५० आणि २०० रुपये असून कल्चर क्लब सदस्यांसाठी ५० टक्के सवलतीत ही तिकिटे उपलब्ध होणार आहेत. कार्यक्रमावेळी कल्चर क्लब सदस्यत्व घेतल्यासही तिकिटावर सवलत मिळवता येईल. दिवाळीच्या निमित्ताने कल्चर क्लब सदस्यत्वासाठी १०० रुपये सवलत असून सदस्यत्व ३९९ रुपयांना उपलब्ध होईल. या कार्यक्रमाची तिकिटे शनिवार १४ ऑक्टोबरपासून सकाळी ८ ते रात्री ८ या वेळेत कार्यक्रमस्थळी उपलब्ध होतील.

अधिक माहिती व तिकिटांसाठी ९६७३६७०८३८, ९८३३२३०२४३ या क्रमांकांवर स. ११ ते संध्या ७ या वेळेत संपर्क साधावा.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज